完整藏文原文 · 德格版页 当前仅加载第 13 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
དང་པོའི་ཚེ་ཀཱར་ཥཱ་པ་ཎ་བརྒྱད་རྙེད་ནས་དེས་ཡང་དེ་དག་མ་ལ་བྱིན་ནོ། །དེ་ནས་དུས་ཕྱི་ཞིག་ན་གཞན་ཞིག་གིས་དེ་ལ་ཁྱོད་ཀྱི་ཕ་ནི་གསེར་འཚོང་བ་ཡིན་ནོ་ཞེས་སྨྲས་པ་དང་། དེས་ཡང་དྲི་འཚོང་བ་བཏང་སྟེ། གསེར་འཚོང་བ་ལ་ཞུགས་པ་དང་། དེའི་ཉི་མ་དང་པོ་
D7a.013.0105b01.01ལ་ཀཱར་ཥཱ་པ་ཎ་བཅུ་དྲུག་རྙེད་པ་དང་། དེས་ཡང་དེ་དག་མ་ལ་བྱིན་ནོ། །ཕྱི་དེ་ཉིན་མོ་དེས་ཀཱར་ཥཱ་པ་ཎ་སུམ་བཅུ་རྩ་གཉིས་རྙེད་པ་དང་། དེས་དེ་དག་མ་ལ་བྱིན་ནོ། །དེ་ནས་གསེར་འཚོང་བ་ཕྲག་དོག་ཅན་དག་གིས་གྲོང་ཁྱེར་ཐམས་ཅད་ཀྱི་གསེར་འདིས་བསྡུས་སོ་སྙམ་
D7a.013.0105b02.01དུ་བསམས་ནས། བུ་མོ་མཛའ་མོ་ལ་ཁྱོད་འདི་ལྟ་བུ་བྱེད་ཅིང་འཚོ་སྟེ་ཅི་རུང་། ཁྱོད་ཀྱི་ཕ་ནི་སྔོན་རྒྱ་མཚོ་ཆེན་པོར་འཇུག་པའི་ཚོང་པ་ཡིན་ན་ཁྱོད་སུས་འདི་འདྲ་བ་ངན་པས་འཚོ་བ་ལ་འཇུག་ཏུ་བཅུག་ཅེས་སྨྲས་པ་དང་། དེ་གསེར་འཚོང་བ་དག་གི་ཚིག་དེས་
D7a.013.0105b03.01བསྐུལ་བས་དེ་མའི་ཐད་དུ་སོང་སྟེ། མ་བདག་གི་ཕ་ནི་འདི་ལྟར་སྔོན་རྒྱ་མཚོ་ཆེན་པོའི་ཚོང་པའོ་ཞེས་ཐོས་ན་རྗེས་སུ་གནོང་ཤིག་དང་། བདག་ཀྱང་རྒྱ་མཚོ་ཆེན་པོའི་ནང་དུ་ཞུགས་ལ་མཆིའོ་ཞེས་སྨྲས་པ་དང་། མས་དེ་ལ་བུ་དེ་ནི་བདེན་མོད་ཀྱི་ཁྱོད་ནི་གཞོན་ལ་བུ་གཅིག་པུ་སྟེ།
D7a.013.0105b04.01ཁོ་མོ་བོར་ལ་རྒྱ་མཚོ་ཆེན་པོར་མ་འགྲོ་ཤིག་ཅེས་སྨྲས་པ་དང་། དེ་ནས་བུ་མོ་མཛའ་མོས་མའི་ཚིག་མ་མཉན་ཏེ། བདག་གིས་གྲོང་ཁྱེར་དུ་གང་རྒྱ་མཚོ་ཆེན་པོར་ཞུགས་ཤིང་འདོང་དུ་དད་པ་རྣམས་འདོང་ངོ་ཞེས་དེས་བདག་ཉིད་དེད་དཔོན་དུ་བསྒྲགས་སོ། །དེ་ནས་ཚོང་པ་ལྔ་བརྒྱས་
D7a.013.0105b05.01བསྐོར་ཏེ་དོང་བ་དང་། དེ་མའི་སྙིང་དུ་སྡུག་པས་དཀྲུགས་ཏེ། མ་མཆི་མས་བརྣངས་བཞིན་རྐང་པ་གཉིས་ལ་བཟུང་སྟེ། བུ་ཁོ་མོ་བོར་ཏེ་རྒྱ་མཚོ་ཆེན་པོར་ཞུགས་ལ་མ་འགྲོ་ཤིག་ཅེས་བྱས་པ་དང་། དེ་འདི་ལྟར་སྙིང་རྗེ་ཞིང་མི་དགའ་སྟེ། དལ་གྱིས་སྨྲས་པ་ལ་ཁྲོས་ནས་
D7a.013.0105b06.01མའི་མགོ་བོ་རྐང་པས་ཕུལ་ཏེ། དེ་འགྲོན་པ་མང་པོ་དང་འགྲོགས་ཏེ་སོང་ངོ་། །མས་བུ་ཁྱོད་ལ་ལས་འདི་རྣམ་པར་སྨིན་པར་མ་གྱུར་ཅིག་ཅེས་སྨྲས་པ་དང་། དེ་ནས་དེ་གྲོང་དང་། གྲོང་ཁྱེར་དང་། རྒྱལ་པོའི་ཕོ་བྲང་འཁོར་རྣམས་ལ་ལྟ་ཞིང་རྒྱ་མཚོ་ཆེན་པོའི་འགྲམ་དུ་ཕྱིན་
D7a.013.0105b07.01