完整藏文原文 · 德格版页 当前仅加载第 13 函德格 114b 版页；藏文 NFD、目录标记与异常页序保留在来源切片中，重复版页行以稳定序号区分。
མཆོད་རྟེན་སྐྱེ་བོ་ཐམས་ཅད་ཀྱིས་བལྟ་ན་སྡུག་པ་ཞིག་བརྩིགས་ན་རྡོ་ཐལ་གྱིས་མ་བྱུགས་ཀྱི་བར་དུ་མི་མཛེས་པར་གྱུར་ན། དེ་ལ་བཅོམ་ལྡན་འདས་ཀྱིས་རྗེས་སུ་གནང་བར་མཛོད་ཅིག་དང་། བདག་གིས་རྡོ་ཐལ་གྱིས་བྱུག་པར་བགྱིའོ་ཞེས་གསོལ་པ་དང་། བཅོམ་
D7a.013.0114b01.01ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྱིམ་བདག་ངས་རྗེས་སུ་གནང་གིས་རྡོ་ཐལ་གྱིས་སྐུས་ཤིག །དེས་རྡོ་ཐལ་གྱིས་བསྐུས་ནས་དྲི་དང་། བདུག་པ་དང་། མེ་ཏོག་གིས་མཆོད་པ་བྱས་སོ། །མཚན་མོ་མར་མེ་མེད་པས་མི་མཛེས་པར་གྱུར་ནས། དེ་
D7a.013.0114b02.01ཡང་བཅོམ་ལྡན་འདས་གང་ན་བ་དེར་སོང་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་རྡོ་ཐལ་གྱིས་བསྐུས་ནས་
D7a.013.0114b03.01དྲི་དང་། བྱུག་པ་དང་། མེ་ཏོག་དག་གིས་མཆོད་པ་བགྱིས་ན། མཚན་མོ་ཞུགས་མར་མ་མཆིས་ཏེ་མི་མཛེས་པར་གྱུར་ན། དེ་ལ་བཅོམ་ལྡན་འདས་ཀྱིས་རྗེས་སུ་གནང་ན། བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་མཆོད་པ་བགྱིས་ལ་
D7a.013.0114b04.01མཚན་མོ་ཞུགས་མར་གྱི་ཕྲེང་བ་བུད་དོ་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ཁྱིམ་བདག་ངས་རྗེས་སུ་གནང་གིས་དེ་ལ་མཆོད་པ་གྱིས་ཏེ། ནུབ་མོ་དབུ་སྐྲ་དང་སེན་མོའི་མཆོད་རྟེན་གྱི་སྟེང་དུ་མར་མེའི་ཕྲེང་བ་བུས་ཤིག །དེ་
D7a.013.0114b05.01ནས་མར་ཟགས་ནས་མཆོད་རྟེན་གྱི་ཁ་དོག་དཀར་པོ་ཡང་མ་རུང་བར་གྱུར་ཏེ། དེས་བཅོམ་ལྡན་འདས་ལ་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ། མར་མེའི་ཕྲེང་བ་འོག་ཏུ་ཞོག་ཤིག །དེས་མར་མེའི་ཕྲེང་བ་འོག་ཏུ་བཞག་པ་དང་། ཁྱིས་མར་
D7a.013.0114b06.01མེ་འཐུངས་ནས་སྣོད་ཀྱང་ཁྱེར་རོ། །དེ་ཡང་བཅོམ་ལྡན་འདས་གང་ན་བ་དེར་སོང་ནས་ཞབས་ལ་ཕྱག་འཚལ་ཏེ་གསོལ་པ། བཅོམ་ལྡན་འདས་བདག་གིས་བཅོམ་ལྡན་འདས་ཀྱི་དབུ་སྐྲ་དང་སེན་མོའི་མཆོད་རྟེན་གྱི་འོག་ཏུ་ཞུགས་མར་གྱི་ཕྲེང་བ་བཞག་ན། ཁྱི་དག་གིས་
D7a.013.0114b07.01