完整藏文原文 · 德格版页 当前仅加载第 13 函德格 93a 版页；藏文 NFD、目录标记与异常页序保留在来源切片中，重复版页行以稳定序号区分。
ཨུ་པཱ་ལི་མ་བྱས་པ་ཞེས་བྱ་སྟེ། སླར་ཡང་བྱ་དགོས་སོ། །དེ་བཞིན་དུ་མ་ནིང་དང་ཟ་མ་དང་མི་གནས་པའི་བར་དུ་སྔ་མ་བཞིན་དུ་བྱའོ། །གླེང་གཞི་ནི་མཉན་དུ་ཡོད་པ་ན་སྟེ། དགེ་སློང་གཞན་ཞིག་ལ་དགེ་སློང་ཞིག་བསྙེན་པར་རྫོགས་པར་འདོད་
D7a.013.0093a01.01ནས་དེས་བསྙེན་པར་རྫོགས་པར་བྱ་བའི་དགེ་སློང་རྣམས་སྦྲན་ཏེ། དེས་བསྙེན་པར་རྫོགས་པར་བྱ་བའི་ཕྱིར་དེས་དགེ་ཚུལ་ཕ་དེ་ཁྲིད་དེ། དཀྱིལ་འཁོར་དུ་དོང་ནས་དགེ་སློང་དག་དང་ལྷན་ཅིག་ཏུ་དཀྱིལ་འཁོར་དུ་ཕྱིན་ནས། དེ་མཚམས་ཀྱི་ཕྱི་རོལ་དུ་མངགས་
D7a.013.0093a02.01ཏེ་བཏང་བ་དང་། དེ་གཉེན་དག་གིས་ཁྲིད་དེ་སོང་ངོ་། །ཚེ་དང་ལྡན་པ་དེ་དག་རབ་ཏུ་འབྱུང་ཞིང་བསྙེན་པར་རྫོགས་ནས་དགེ་སློང་གི་དངོས་པོར་གྱུར་པའི་བར་ཆད་དུ་གྱུར་པ་དང་། དེ་ལྟར་གྱུར་པ་དགེ་སློང་དག་གིས་སངས་རྒྱས་བཅོམ་ལྡན་འདས་ལ་གསོལ་པ་
D7a.013.0093a03.01དང་། སངས་རྒྱས་བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་དགེ་སློང་དག་གིས་བསྙེན་པར་རྫོགས་པར་འདོད་པ་དེ་མཚམས་ཀྱི་ཕྱི་རོལ་དུ་མ་མངགས་ཤིག །འདི་ལྟ་སྟེ། དགེ་སློང་དག་འཁོར་ལོས་སྒྱུར་བའི་རྒྱལ་པོའི་བུ་རབ་དབང་བསྐུར་བའི་
D7a.013.0093a04.01རིགས་པ་དབང་མ་བསྐུར་ན་རྒྱལ་ཚབ་འཐོབ་པ་དེ་རབ་ཏུ་བསྲུང་བར་བྱ་བ་དང་། རབ་ཏུ་བསྐྱང་བར་བྱ་བ་དེ་བཞིན་དུ་དགེ་སློང་གིས་བསྙེན་པར་རྫོགས་པར་འདོད་པ་དེ་ཡང་རབ་ཏུ་བསྲུང་ཞིང་བསྐྱང་བའི་རིགས་སོ། །དེ་ལྟ་བས་ན་དགེ་སློང་དག་གིས་བསྙེན་པར་
D7a.013.0093a05.01རྫོགས་པར་འདོད་པའི་དགེ་ཚུལ་པ་དེ་རྣམས་མི་ཐོས་པའི་ཉེ་འཁོར་ཙམ་དུ་སྤངས་ལ། མཐོང་བའི་ཉེ་འཁོར་ཙམ་དུ་ཐལ་མོ་སྦྱར་ཏེ་མངོན་དུ་ལྟ་བཞིན་ཞོག་ཤིག །དེ་ལྟར་ན་ཉེས་པའི་དམིགས་སུ་མི་འགྱུར་རོ། །གླེང་གཞིའི་སྒོ་གཉིས་པའི་མདོའི་ཚིགས་
D7a.013.0093a06.01སུ་བཅད་པ་ལྔ་པའོ།། །།མདོར་ན། བཟོད་པ་གསོལ་བར་བྱེད་དང་མཚམས། །སྤུ་བསྙལ་བ་ཡང་དེ་བཞིན་ནོ། །ཐབ་མོ་རྒོད་པ་བསྡིགས་པ་དང་། །སྨད་པར་བྱ་དང་རིགས་སུན་པའོ། །སངས་རྒྱས་བཅོམ་ལྡན་འདས་མཉན་དུ་ཡོད་པའི་
D7a.013.0093a07.01