完整藏文原文 · 德格版页 当前仅加载第 13 函德格 140b 版页；藏文 NFD、目录标记与异常页序保留在来源切片中，重复版页行以稳定序号区分。
གཞིའི་སྒོ་ལྔ་པའི་མདོའི་ཚིགས་སུ་བཅད་པ་བཞི་པའོ།། །།མདོར་ན། རྩྭ་སྟན་དང་ནི་ཐེ་ཚོམ་དང་། །སྔ་ཕྱི་དག་ཏུ་འདུག་པ་དང་། །ཅ་ཅོ་དག་དང་ལམ་རྣམས་དང་། །གཎྜཱི་དུང་དང་རྔ་རྡུང་བའོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་
D7a.013.0140b01.01མེད་ཟས་སྦྱིན་གྱི་ཀུན་དགའི་ར་བ་ན་བཞུགས་སོ། །བཅོམ་ལྡན་འདས་ཀྱིས་འདུས་པའི་ཟས་སྦྱོར་ཅིག་ཅེས་གསུངས་པ་དང་། དགེ་སློང་མང་པོ་རྣམས་སྟན་མེད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། རྩྭའི་སྟན་སྦྱར་ཏེ་དེར་འདུག་ལ་བཟའ་བར་བྱའོ། །
D7a.013.0140b02.01བཅོམ་ལྡན་འདས་ཀྱིས་རྩྭའི་སྟན་ལ་འདུག་པར་བྱའོ་ཞེས་གསུངས་པ་དང་། དགེ་སློང་རྣམས་ཟན་ཟོས་པ་དང་ཐེ་ཚོམ་སྐྱེས་ནས་རྩྭ་སྟན་ཏེ་ཁྱེར་ཏེ་དོང་ནས། བཅོམ་ལྡན་འདས་ཀྱིས་བཀའ་སྩལ་པ། སྟན་ཁྱེར་ཏེ་མ་འདོང་བར་ཕུང་པོར་བྱོས་ཏེ་ཞོག་ལ། གང་གི་ཚེ་དུས་སྟོན་ཡོངས་
D7a.013.0140b03.01སུ་རྫོགས་པར་གྱུར་པ་དེའི་ཚེ་ཐམས་ཅད་འོར་ཅིག །དགེ་སློང་རྣམས་སྟོན་མོའི་དུས་ལ་སྔ་ཕྱིར་འདུག་པས་གཞན་ཟན་ཟོས་ཏེ་སོང་བར་གྱུར། གཞན་གདོད་འོངས་པ་མ་ཐོབ་སྟེ་བྲེལ་བར་གྱུར་ནས། བཅོམ་ལྡན་འདས་ཀྱིས་{གོ་རིམས་,གོ་རིམ་}ཇི་ལྟ་བ་བཞིན་དུ་འདུག་ཤིག་ཅེས་གསུངས་སོ། །
D7a.013.0140b04.01དགེ་སློང་མང་པོ་འདུས་པ་དང་ཅ་ཅོར་གྱུར་པས་དུས་མ་ཤེས་ནས། བཅོམ་ལྡན་འདས་ཀྱིས་དུས་བརྗོད་པར་བྱོས་ཤིག་ཅེས་གསུངས་པ་དང་། དེ་དག་དེ་ཉིད་དུ་དུས་ལ་བབ་བོ། །དུས་ལ་བབ་བོ་ཞེས་བརྗོད་པ་དང་། བཅོམ་ལྡན་འདས་ཀྱིས་བཀའ་སྩལ་པ། གཎྜཱི་བརྡུང་བར་བྱོས་ཤིག །
D7a.013.0140b05.01དེ་ལྟར་ཡང་གཞན་དག་ལ་གསལ་བར་མ་གྱུར་ནས། དེ་ལ་བཅོམ་ལྡན་འདས་ཀྱིས་སྔར་ནི་གཎྜཱི་ཆུང་ངུ་རྡུངས་ལ། ཕྱིས་གཎྜཱི་རྡུངས་ཤིག་ཅེས་གསུངས་སོ། །དེ་ལྟར་ཡང་གཞན་ཉིན་པར་གནས་པར་སོང་བ་རྣམས་ཀྱིས་མ་ཐོས་ནས། བཅོམ་ལྡན་འདས་ཀྱིས་དུང་ཁ་བསྡོམས་ཏེ་
D7a.013.0140b06.01བུས་ལ་རྔ་ཡང་རྡུངས་ཤིག་ཅེས་གསུངས་སོ། །གླེང་གཞིའི་སྒོ་ལྔ་པའི་མདོའི་ཚིགས་སུ་བཅད་པ་ལྔ་པའོ།། །།མདོར་ན། དེར་ནི་རྔ་ཡང་བརྡུང་བར་བྱ། །དེ་ནས་ཤིང་རྟ་དབྱུང་བ་དང་། །དངོས་པོ་བྱུང་དང་རྙེད་པ་དང་། །ཇི་ལྟར་ཚུལ་བཞིན་བསྒོ་བར་བྱའོ། །སངས་རྒྱས་
D7a.013.0140b07.01