完整藏文原文 · 德格版页 当前仅加载第 13 函德格 177a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་དགོངས་པ། དགེ་སློང་དག་གང་ཉེས་པའི་དམིགས་སུ་གྱུར་པ་ནི་དགེ་སློང་མ་དག་གིས་དུས་སྟོན་གྱི་ཚེ་ཤིང་རྟ་གུད་དུ་བཤམས་པས་དེ་བས་ན་དགེ་སློང་དང་དགེ་སློང་མ་དག་གིས་ཤིང་རྟ་ལོགས་ཤིག་ཏུ་མི་བཤམ་པར་དགོངས་ནས།
D7a.013.0177a01.01བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་མས་ནི་མི་རིགས་པར་བྱས་ཏེ། དེ་བས་ན་དགེ་སློང་མས་དུས་སྟོན་གྱི་ཚེ་ཤིང་རྟ་ལོགས་ཤིག་ཏུ་མ་ཤོམ་ཤིག །དགེ་སློང་མ་དག་གིས་དུས་སྟོན་གྱི་ཚེ་ཤིང་རྟ་ལོགས་ཤིག་ཏུ་བཤམས་ན་དབྱེན་བྱས་པ་དང་།
D7a.013.0177a02.01ཉེ་བའི་ཉེས་པ་སྦོམ་པོར་འགྱུར་རོ། །སྣོད་དེ་དག་དེ་བཞིན་དུ་འདུག་པ་དང་དགེ་སློང་དག་གིས་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བགོས་ཤིག་ཅེས་གསུངས་པ་དང་། དེ་དག་ཇི་ལྟར་བགོ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། སྣོད་བགེད་པའི་
D7a.013.0177a03.01དགེ་སློང་ཅིག་སྐོ་ཤིག །བསྐོ་བ་ནི་འདི་ལྟར་བྱའོ། །སྟན་ཐིང་སྟེ་གཎྜཱི་རྡུངས་ལ་དྲིས་པ་ལ་ལན་གློན་པའི་དགེ་སློང་སྐོས་ལ་དགེ་འདུན་ཐམས་ཅད་འདུས་ཏེ་འཁོད་པ་དང་སྔར་དད་པར་བྱོས་ཤིག །ཁྱོད་དགེ་འདུན་གྱི་སྣོད་བགེད་པར་བསྐོན་དད་དམ་ཞེས་དྲིས་ལ། དེ་སྟེ་དད་དོ་ཞེས་ཟེར་ན་དེའི་འོག་
D7a.013.0177a04.01ཏུ་དགེ་སློང་གཅིག་གིས་གསོལ་པ་དང་ལས་བྱོས་ཤིག །གསོན་ཅིག་བཙུན་པའི་དགེ་སློང་རྣམས། སྣོད་བགེད་པ་མིང་འདི་ཞེས་བགྱི་བ་འདི་དགེ་འདུན་གྱི་སྣོད་བགེད་པར་དད་ན། དེ་སྟེ་དགེ་འདུན་གྱི་དུས་ལ་བབ་ཅིང་བཟོད་ན། དགེ་འདུན་གྱིས་གནང་ལ་དགེ་འདུན་གྱིས་མིང་འདི་
D7a.013.0177a05.01ཞེས་བགྱི་བ་འདི་སྣོད་བགེད་པར་སྐོས་ཤིག །མིང་འདི་ཞེས་བགྱི་བ་དགེ་འདུན་གྱི་སྣོད་བགེད་དེ་འདི་ནི་གསོལ་བའོ། །ལས་ཀྱང་འདི་ལྟར་བྱོས་ཤིག །གསོན་ཅིག་བཙུན་པའི་དགེ་འདུན་རྣམས་མིང་འདི་ཞེས་བགྱི་བ་སྣོད་བགེད་པར་དད་ནས་དགེ་འདུན་གྱི་སྣོད་བགེད་དེ། དགེ་འདུན་
D7a.013.0177a06.01གྱིས་མིང་འདི་ཞེས་བགྱི་བ་དགེ་འདུན་གྱི་སྣོད་བགེད་པར་ཚེ་དང་ལྡན་པ་རྣམས་གང་བཟོད་པ་ནི་ཅང་མ་གསུང་ཤིག །མི་བཟོད་པ་ནི་སྨྲོས་ཤིག །དགེ་འདུན་གྱིས་མིང་འདི་ཞེས་བགྱི་བ་འདི་སྣོད་བགེད་པར་བསྐོས་ཏེ། དགེ་འདུན་གྱིས་བཟོད་ཅིང་གནང་བས་ན་ཅང་མི་གསུང་སྟེ་དེ་དེ་བཞིན་
D7a.013.0177a07.01