完整藏文原文 · 德格版页 当前仅加载第 13 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
པ་རྣམས་ཉམས་པ་དང་། སྔོན་ཐོས་པ་རྣམས་བརྗེད་པར་འགྱུར་བ་དང་། རྣམ་པར་འགྱོད་བཞིན་དུ་དུས་བྱེད་པ་དང་། ལུས་དང་བྲལ་ནས་ཤི་བའི་འོག་ཏུ་ངན་འགྲོ་ངན་སོང་དུ་ལོག་པར་ལྟུང་ནས་སེམས་ཅན་དམྱལ་བར་སྐྱེའོ། །འོན་ཀྱང་དགེ་སློང་དག་གིས་སྤྱད་
D7a.013.0091b01.01པ་ནི་བཞི་སྟེ། བདག་པོ་མེད་ཅིང་ཡོངས་སུ་སྤྱོད་པ་དང་། བྱིན་པས་ཡོངས་སུ་སྤྱོད་པ་དང་། གནང་བས་ཡོངས་སུ་སྤྱོད་པ་དང་། བུ་ལོན་གྱིས་ཡོངས་སུ་སྤྱོད་པའོ། །དེ་ལས་དགེ་སློང་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་
D7a.013.0091b02.01བ་དེ་དག་ནི་བདག་པོ་མེད་ཅིང་ཡོངས་སུ་སྤྱོད་པའོ། །ཀུན་ཏུ་སྦྱོར་བའི་ལྷག་མ་དང་བཅས་པ་དག་ནི་བྱིན་པས་ཡོངས་སུ་སྤྱོད་པའོ། །སོ་སོའི་སྐྱེ་བོ་དགེ་བ་ཅན་བསམ་གཏན་དང་ཀློག་པ་ལ་ཞུགས་པ་རྣམས་ནི་གནང་བས་ཡོངས་སུ་སྤྱོད་པའོ། །ལེ་ལོ་ཅན་དག་
D7a.013.0091b03.01ནི་བུ་ལོན་གྱིས་ཡོངས་སུ་སྤྱོད་པའོ། །ཚུལ་ཁྲིམས་ཉམས་པ་ནི་ཡོངས་སུ་སྤྱོད་པ་ཐམས་ཅད་མི་གནང་ངོ་། །དེ་ལྟ་བས་ན་རྙེད་པ་ཞིག་ཡོད་ན་དགེ་འདུན་གྱིས་མཉམ་པར་བགོ་བར་བྱའོ། །གླེང་གཞིའི་སྒོ་གཉིས་པའི་མདོའི་ཚིགས་སུ་བཅད་པ་གཉིས་
D7a.013.0091b04.01པའོ།། །།མདོར་ན། བཏིང་བ་དང་ནི་མ་བཏིང་བ། །ཕྱུང་བ་དང་ཡང་མ་ཕྱུང་བ། །དེ་བཞིན་མཚམས་ཀྱི་ཕྱི་རོལ་གནས། །ཐོས་པ་ཡི་རང་བསམས་པས་སོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་
D7a.013.0091b05.01ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་དགེ་འདུན་གྱིས་གཏན་པ་བཏིང་བ་དགེ་སློང་གིས་ཤིན་ཏུ་མྱོང་བཞིན་དུ་གཏན་པ་བཏིང་བར་མི་འགྱུར་བར་མཆིས་སམ། ཨུ་པཱ་ལི་
D7a.013.0091b06.01ཡོད་དེ་འདི་ལྟ་སྟེ། དགེ་འདུན་གྱི་གཏན་པ་འདིང་བའི་ཚེ་དགེ་སློང་དེས་དད་པ་མ་བྱིན་ལ་གཉིད་ཀྱིས་ལོག་སྟེ། དགེ་འདུན་གྱི་གཏན་པ་བཏིང་བར་འགྱུར་རོ། །ཨུ་པཱ་ལི་དེ་ལྟར་ན་དགེ་སློང་གཏན་པ་ཤིན་ཏུ་མྱོང་བཞིན་གཏན་པ་བཏིང་བར་མི་འགྱུར་རོ། །བཙུན་
D7a.013.0091b07.01