完整藏文原文 · 德格版页 当前仅加载第 13 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་ནས། བཅོམ་ལྡན་འདས་འདི་ཅི་ཞིག་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་རྣམས་འདི་ནི་སྟོད་ཕྱོགས་ཀྱི་ནགས་ཀྱི་ཤིང་ཏོག་གོ། །དགེ་སློང་དག་གིས་ཇི་ལྟར་བགྱི་ཞེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་
D7a.013.0199a01.01པ། མེས་རུང་བར་གྱིས་ལ་ཟོ་ཤིག །དགེ་སློང་དག་གིས་རེ་རེ་ནས་རུང་བར་བྱས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ཕུང་པོར་སྤུངས་ལ་ཁ་གསུམ་མམ་བཞིར་མེས་རེག་པར་བྱས་པས་རུང་བར་འགྱུར་རོ། །དགེ་སློང་རྣམས་ཀྱིས་དེ་དག་རུང་བར་བྱས་ནས་དགེ་
D7a.013.0199a02.01འདུན་དག་ལ་བྲིམས་པ་དང་ལྷག་ནས། དགེ་སློང་རྣམས་ཀྱིས་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དེ་དག་ཀུན་ཉེས་ལ་ནང་དུ་ཆུས་ལུགས་ཏེ་དེར་ཚགས་ཀྱིས་ཚོགས་ལ་ཕྱི་དྲོའི་སྐོམ་དུ་འཐུང་ཤིག །དེ་དག་གིས་ཕྱི་དྲོའི་སྐོམ་དུ་བྲིམས་པ་ན། འོན་ཀྱང་
D7a.013.0199a03.01ལྷག་ནས་བཅོམ་ལྡན་འདས་ཀྱིས་བཀའ་སྩལ་པ། སྐོལ་ཏེ་ཞོག་ལ་དེའི་ཕྱི་དེ་ཉིན་སྐོམ་དུ་བྲིམས་ཤིག །གླེང་གཞི་ནི་མཉན་དུ་ཡོད་པ་ན་སྟེ། དགུན་གྱི་དུས་ལ་བབ་པས་དགེ་སློང་རྣམས་གྲང་སྟེ། གཞི་བསྟར་བའི་སྟེང་དུ་མེ་བུས་པ་དང་། གཞི་བསྟར་བ་དག་མ་རུང་བར་གྱུར་
D7a.013.0199a04.01ནས། བཅོམ་ལྡན་འདས་ཀྱིས་བཀའ་སྩལ་པ། གཞི་བསྟར་བའི་སྟེང་དུ་མེ་མ་བུད་པར་ཞུགས་ལིང་གི་སྟེང་དུ་མེ་བུས་ཤིག །ཞུགས་ལིང་གི་སྟེང་དུ་མེ་བུས་པ་དང་དུད་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། ཕྱི་རོལ་དུ་ཞུགས་ལིང་གི་ནང་དུ་བུས་ལ་དུད་པ་
D7a.013.0199a05.01མེད་པ་དང་། མདག་མ་ལ་ཅི་བདེར་སྤྱོད་ཅིག །གླེང་གཞི་ནི་མཉན་དུ་ཡོད་པ་ན་སྟེ། བཟོ་བོ་ཞིག་གིས་དགེ་སློང་རྣམས་ལ་མེ་མར་གྱི་སྡོང་བུ་ཡལ་ག་གཅིག་པ་ཞིག་བྱིན་པ་དང་། དེ་དག་གིས་མ་བླངས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་
D7a.013.0199a06.01པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་ལ་མར་མེའི་སྡོང་བུ་ཡལ་ག་གཅིག་པ་གྲུབ་ན་གནང་ངོ་། །གང་ཟག་ལ་ཡང་གནང་ངོ་། །ཡལ་ག་གཉིས་པའམ། ཡལ་ག་མང་པོ་དག་ནི་དགེ་འདུན་ལ་གནང་གི་གང་ཟག་ལ་ནི་མི་གནང་ངོ་། །རྐྱང་
D7a.013.0199a07.01