'dul ba gzhung dam pa/
当前为德格木刻版 158a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 158a
- 可引用原文
- 7 行
- 全文规模
- 全经 7305 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 3 函第 13 函 · 德格 158a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ནགས་སྟུག་པོའི་ནང་དུ་བསད་དེ་ཤ་ཁྱེར་ནས་མགོ་སུག་བོར་ཏེ་དོང་ངོ་། །དྲུག་སྡེ་རྣམས་ཆོས་ཀྱིས་གོམས་པ་ནི་ནང་པར་སྔར་ལངས་ནས་ཁང་སྟེང་དུ་བྱུང་སྟེ་ཕྱོགས་བཞིར་བལྟས་ནས་དུད་པ་གང་ན་ཆེ་བ་དང་། བྱ་རྒོད་གང་ན་ལྡིང་བ་ཕྱོགས་བཞིར་བལྟས་ནས་དེར་དོང་ངོ་། །དེ་དག་གིས་ནགས་སྟུག་པོ་ན་བྱ་རྒོད་ལྡིང་བ་མཐོང་ནས། དེ་དག་ནགས་སྟུག་པོར་རྒྱུག་ཅིང་རིངས་པར་དོང་བ་དང་། ནགས་སྟུག་པོ་དེ་ནི་དྲེའུའི་མགོ་དང་རྐང་ལག་དང་མཇུག་མ་དག་མཐོང་ནས། དེ་དག་གིས་སྨྲས་པ། དགའ་བོ་ཉེ་དགའ་བོ་རྡུལ་ཁྲོད་པ་ཞིག་རྙེད་ན་བླང་
ངམ་ཞེས་པ་དང་། ལེགས་ཀྱིས་བླང་ངོ་ཞེས་ནས་དེ་དག་གཅིག་ཏུ་བསྡུས་པ་དང་། དྲེའུ་རྫི་ཡན་མན་ཚོལ་བས་མཐོང་ནས་དེ་དག་གིས་སྨྲས་པ། འཕགས་པ་དག་ནི་དྲང་སྲོང་གི་རྒྱལ་མཚན་འཛིན་ན་ཅིའི་ཕྱིར་ངན་དུ་སྤྱོད་པ་མཛད། ངེད་ཅག་གིས་ཅི་ཞིག་ཉེས་ཞེས་སྨྲས་པ་དང་། རྒྱལ་པོའི་དྲེའུ་ནི་ཁྱེད་ཅག་གིས་བསད་དོ་ཞེས་སྨྲས་པ་དང་། སྡིག་པ་ཞི་བར་གྱུར་ཅིག་ངེད་ཅག་ནི་མི་གསོད་དོ། །འོ་ན་སུས་བསད་ཅེས་པ་དང་། མ་བྱིན་པར་ལེན་པ་དག་གིས་བསད་དེ། ངེད་ཅག་གིས་ནི་མགོ་དང་། རྐང་པ་དང་། མཇུག་མ་དག་རྡུལ་ཁྲོད་
པར་བྱིན་གྱིས་བརླབས་སོ། །དེ་དག་གིས་ཅི་འཕགས་པ་ཁྱེད་ཅག་དྲེའུ་ཤ་བསྣམས་སམ་ཞེས་སྨྲས་པ་དང་། ཟའོ་ཞེས་སྨྲས་པས་དེ་དག་འཕྱ་བར་གྱུར་ཏོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ།གང་དགེ་སློང་དག་སྲོག་ཆགས་དྲེའུ་ཤ་ཟོས་པ་ནི་ཉེས་པའི་དམིགས་སུ་འགྱུར་ཏེ། དེ་བས་ན་དགེ་སློང་དག་གིས་སྲོག་ཆགས་རྨིག་ཟླུམ་གྱི་ཤ་མ་ཟ་ཤིག །དེ་སྟེ་ཟོས་ན་འདས་པ་དང་བཅས་པར་འགྱུར་རོ། །གླེང་གཞི་ནི་མཉན་དུ་ཡོད་པ་ན་སྟེ། དྲུག་སྡེ་དག་གིས་ཝའི་ཤ་
ཟོས་པ་དང་། བྲམ་ཟེ་དང་ཁྱིམ་བདག་གིས་མཐོང་ནས་སྨྲས་པ། བཙུན་པ་འདི་ཅི་ལགས། ཝའི་ཤའོ། །ཅི་འཕགས་པ་དག་ཀྱང་ཝའི་ཤ་བསྣམས་སམ། ཟའོ་ཞེས་སྨྲས་པ་དང་། དེ་དག་འཕྱ་བར་གྱུར་ནས་དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D7a
- 德格版页
- 158a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0739 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。