完整藏文原文 · 德格版页 当前仅加载第 13 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ཤེས་རབ་འཆལ་བ་ལས་ཤེས་རབ་ཕུན་སུམ་ཚོགས་པར་ཡང་དག་པར་བསྐུལ། དུལ་བར་བྱས། ཞུགས་པར་བྱས། སོ་སོར་བཀོད་ན་དེ་ལྟ་བུ་ནི་བུས་ཕ་དང་མ་ལ་ཕན་བཏགས་པ་དང་། ཉེ་བར་ཕན་བཏགས་པར་འགྱུར་རོ་ཞེས་གསུངས་སོ་སྙམ་དུ་བསམས་ནས།
D7a.013.0103b01.01བདག་གིས་ཀྱང་ཅི་ནས་ཕ་མ་ལ་ཕན་གདགས་པ་ཅུང་ཟད་ཅིག་བྱའོ་སྙམ་ནས་ཇི་སྲིད་དགའ་བའི་བར་དུ་གཞོངས་སྤྱོད་ཅིང་འདུག་ནས་མཉན་དུ་ཡོད་པ་གང་ན་བ་དེ་ལོགས་སུ་གཞོངས་སྤྱོད་ཅིང་སོང་ངོ་། །མཐར་གྱིས་སྤྱད་པ་སྤྱོད་ཅིང་མཉན་དུ་ཡོད་པར་ཕྱིན་ཏོ། །དེས་དེ་གཉིས་
D7a.013.0103b02.01སྐྱབས་སུ་འགྲོ་བ་དང་། བསླབ་པའི་གནས་ལ་རབ་ཏུ་བཀོད་དོ། །དེ་ནས་དུས་ཕྱི་ཞིག་ན་དེས་ཕའི་དྲུང་དུ་ནོར་ལས་བསོད་ནམས་སུ་བྱ་བའི་དངོས་པོ་བདུན་པོའི་ཡོན་ཏན་རྒྱས་པར་བརྗོད་པ་དང་། དེས་འཕགས་པ་བདག་གིས་ཀྱང་ནོར་སྣ་བདུན་ལས་བྱ་བའི་བསོད་
D7a.013.0103b03.01ནམས་ཀྱི་དངོས་པོ་ཅུང་ཟད་ཅིག་བྱའོ་ཞེས་སྨྲས་པ་དང་། དེས་བགྲེས་པོ་དེ་བཞིན་ལེགས་ཀྱིས་གྱིས་ཤིག་ཅེས་སྨྲས་པ་དང་། ཅི་ཞིག་བྱ། དུགས་ཁང་ཞིག་གྱིས་ཤིག །དེས་དུགས་ཁང་བྱས་ཏེ། ཁྱིམ་བདག་དེ་རང་གི་དུགས་ཁང་དུ་རང་གིས་ལས་བྱ་བ་ལ་ཞུགས་
D7a.013.0103b04.01ཏེ། ཤིན་ཏུ་ངལ་བར་གྱུར་ནས་བཀྲུ་བའི་ཡོ་བྱད་དང་། འབྲུ་མར་དང་ཕྱེ་ལ་སོགས་པ་མང་དུ་ལྷག་གོ། །དེ་ནས་དེས་བུ་བདག་རབ་ཏུ་ངལ་བར་གྱུར་གྱིས་ངའི་རྒྱབ་ཅུང་ཞིག་ཉེས་ཤིག་ཅེས་སྨྲས་པ་དང་། དེས་ཡབ་བཅོམ་ལྡན་འདས་ཀྱིས་སེང་གེ་ལྟ་བུས་ཝ་ལྟ་བུ་དག་
D7a.013.0103b05.01ལ་བསྙེན་བཀུར་མ་བྱེད་ཅིག་ཅེས་བཀའ་སྩལ་ཏེ་མ་གནང་ངོ་། །ཞེས་སྨྲས་པ་དང་། དེས་བུ་སེང་གེ་དང་ཝ་གང་ཞེས་སྨྲས་པ་དང་། ཡབ་བདག་ནི་སེང་གེ་དང་འདྲ། ཁྱོད་ནི་ཝ་དང་འདྲའོ། །བུ་དེ་ཅིའི་ཕྱིར་ཞེས་སྨྲས་པ་དང་། ཡབ་བདག་ནི་ཚུལ་ཁྲིམས་དང་
D7a.013.0103b06.01ལྡན་པའོ། །ཁྱོད་ནི་ཚུལ་ཁྲིམས་ངན་པ་དང་ལྡན་པའོ། །བུ་དེ་ལྟར་ཝ་དང་འདྲ་བ་ང་ལྟ་བུ་ལས་སེང་གེ་དང་འདྲ་བ་ཁྱོད་ལྟ་བུ་སྐྱེས་སམ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་
D7a.013.0103b07.01