完整藏文原文 · 德格版页 当前仅加载第 13 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་གི་དགེ་འདུན་རྣམས་ཚོགས་ཤིང་འཁོད་པ་དང་། སྔར་ནི་དད་པར་བྱོས་ཤིག །ཁྱོད་མིང་འདི་ཞེས་བྱ་བ་དགེ་འདུན་གྱི་སྣོད་སྦེད་པར་བསྐོ་ན་དད་དམ་ཞེས་དྲིས་ཏེ། དད་ན་དེས་ཀྱང་དད་དོ་ཞེས་སྨྲོས་ཤིག །དེའི་འོག་ཏུ་དགེ་སློང་ཅིག་གིས་གསོལ་པ་དང་ལས་བྱོས་ཤིག །
D7a.013.0176b01.01གསོན་ཅིག་བཙུན་པའི་དགེ་འདུན་རྣམས། མིང་འདི་ཞེས་བགྱི་བ་འདི་དགེ་འདུན་གྱི་སྣོད་སྦེད་པར་དད་ན། དེ་སྟེ་དེ་དགེ་འདུན་གྱི་དུས་ལ་བབ་ཅིང་བཟོད་ན་དགེ་འདུན་གྱིས་གནང་ཤིག་དང་མིང་འདི་ཞེས་བགྱི་བ་སྣོད་སྦེད་པར་བསྐོས་ཏེ། སྣོད་སྦེད་པ་མིང་འདི་ཞེས་བགྱི་བ་དགེ་འདུན་
D7a.013.0176b02.01གྱི་སྣོད་སྦེད་དེ། འདི་ནི་གསོལ་བའོ། །ལས་ཀྱང་འདི་ལྟར་བྱ་སྟེ། གསོན་ཅིག་བཙུན་པའི་དགེ་འདུན་རྣམས་མིང་འདི་ཞེས་བགྱི་བ་འདི་དགེ་འདུན་གྱི་སྣོད་སྦེད་པར་དད་དེ། དགེ་འདུན་གྱིས་མིང་འདི་ཞེས་བགྱི་བ་འདི་སྣོད་སྦེད་པར་བསྐོ་སྟེ་མིང་འདི་ཞེས་བགྱི་བ་འདི་དགེ་འདུན་གྱི་
D7a.013.0176b03.01སྣོད་སྦེད་ན་ཚེ་དང་ལྡན་པའི་རྣམས་ལས་གང་ལ་མིང་འདི་ཞེས་བགྱི་བ་སྣོད་སྦེད་དུ་བསྐོ་བར་བཟོད་པ་དེ་དག་ནི་ཅང་མ་གསུང་ཤིག །གང་ལ་མི་བཟོད་པ་དག་ནི་སྨྲོས་ཤིག །དགེ་འདུན་གྱིས་མིང་འདི་ཞེས་བགྱི་བ་འདི་སྣོད་སྦེད་པར་བསྐོ་སྟེ། དགེ་འདུན་གྱིས་བཟོད་ཅིང་
D7a.013.0176b04.01གནང་བས་ན་ཅང་མི་གསུང་སྟེ། དེ་དེ་བཞིན་དུ་འཛིན་ཏོ། །དེར་ཡང་རྙེད་པ་དག་མང་དུ་བྱུང་ནས་དགེ་སློང་མ་དག་གིས་འཕགས་པ་དག་བདག་ཅག་ལ་རྙེད་པའི་སྐལ་བ་སྩོལ་ཅིག་ཅེས་སྨྲས་ཀྱང་དགེ་སློང་དག་གིས་མ་བྱིན་ནོ། །དེ་དག་གིས་ཕྱི་དེ་ཉིན་མོ་ཤིང་རྟ་གཞན་ཞིག་
D7a.013.0176b05.01བཤམས་པ་དང་། བྲམ་ཟེ་དང་ཁྱིམ་བདག་དག་གིས་འཕགས་མ་དག་ཤིང་རྟ་འདི་ཉིད་དམ་འོན་ཏེ་གཞན་ཞིག་ཅེས་དྲིས་ན། དགེ་སློང་མ་དེ་དག་གིས་ཀྱང་རྙེད་པ་མང་དུ་གྱུར་ཏོ། །དགེ་སློང་མ་དག་གིས་རྙེད་པ་དང་བཀུར་སྟི་ལ་ངོམས་པར་གྱུར་པ་དགེ་སློང་དག་གིས་མཐོང་
D7a.013.0176b06.01ནས་འཕགས་པ་ཁྱེད་ཀྱིས་ཁོ་མོ་ཅག་ལ་རྙེད་པ་མ་བྱིན་མོད་ཀྱི། བདག་ཅག་གིས་ཀྱང་ཤིང་རྟ་ལོགས་ཤིག་ཏུ་བཤམས་པས་བདག་ཅག་ལ་ཡང་རྙེད་པ་མང་དུ་ཐོབ་པར་གྱུར་ཏོ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ནས། བཅོམ་
D7a.013.0176b07.01