完整藏文原文 · 德格版页 当前仅加载第 13 函德格 21a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཁྱིམ་བདག་དེའི་རྒྱབ་ཏུ་ཁུ་ཚུར་ཅིག་བརྒྱབ་པ་དང་། དེ་བཙུན་པ་དོན་གྲུབ་ཀྱིས་ལེགས་སོ་ལེགས་སོ་ཞེས་སྨྲས་པ་དང་། འདི་ནི་ཅི་ཞིག །དེ་ནི་བརྡའོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ལྷག་
D7a.013.0021a01.01མའི་ཉེས་པ་མེད་དེ། ཉེས་པ་སྦོམ་པོར་འགྱུར་རོ། །མདོར་ན། གྲོང་དུ་ཉེར་འགྲོ་རྣམ་གཉིས་དང་། །གཞན་ཡང་དགེ་འདུན་རྣམས་ཀྱི་གཉིས། །གོས་དང་ནད་པར་གྱུར་པ་དང་། །གཞོན་ནུ་མ་དང་རྣམ་པ་ལྔ། །དགེ་སློང་ཞིག་གྲོང་གཞན་གྱི་གྲོང་དུ་ཉེ་བར་འགྲོ་བ་
D7a.013.0021a02.01ཡིན་ཏེ། དེ་གྲོང་དེར་ཕྱིན་ནས་བུད་མེད་དེས་སྨྲས་པ། འཕགས་པ་ཁྱིམ་བདག་འདི་ཞེས་བྱ་བ་ལ་ཚུར་སྤྱོན་ཞེས་ཕྲིན་བགྱི་བར་སྤྱོད་དམ། དེ་སྟེ་དགེ་འདུན་ལ་བཤོས་སྦྱོར་ནུས་ན་ནི་ནུས་སོ་ཞེས་སྨྲས་པ་དང་། དེས་རྒྱུ་སྦྱིན་ནས་དགེ་སློང་དེས་བཤོས་སྦྱར་ཏེ་ཁྱིམ་བདག་དེ་
D7a.013.0021a03.01བོས་པ་དང་། དེ་གཉིས་ཕྲད་པར་གྱུར་ཏོ། །དགེ་སློང་དེ་འགྱོད་པ་སྐྱེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་འདུན་གྱི་ལྷག་མའི་ཉེས་པ་ནི་མེད་དེ་ཉེས་པ་སྦོམ་པོར་འགྱུར་རོ། །དེ་ལྟར་ཁྱིམ་བདག་ལ་ཡང་དེ་བཞིན་ནོ། །ཁྱིམ་བདག་གི་ཆུང་མ་གཟུགས་
D7a.013.0021a04.01ལེགས་ལ་སྡུག་ཅིང་མཛེས་པ་ཞིག་གཞོངས་གྱད་གནས་ཞེས་བྱ་བའི་བློན་པོ་ཆེན་པོ་གཞན་ཞིག་གིས་བཏུས་ཏེ། དེས་དེ་ལ་ཕྲིན་པ་དུ་མར་བཏང་ཡང་བུད་མེད་དེ་མ་བཏུབ་ནས་ཁྱིམ་བདག་དེ་དུས་ལས་འདས་སོ། །དེ་དུས་ལས་འདས་ནས་ཉེས་པ་ཅུང་ཟད་ཅིག་གི་ཕྱིར་བློན་པོ་ཆེན་
D7a.013.0021a05.01པོ་དེས་དེ་ཅི་ནས་ཀྱང་ཕྱིར་ཡང་བདག་ཅག་གནོད་པ་མེད་པར་བདེ་བར་འགྱུར་བའི་ཐབས་ཅུང་ཟད་ཀྱང་མེད་དམ་ཞེས་སྨྲས་པ་དང་། ཐབས་ཤིག་ཡོད་དེ། བློན་པོ་ཆེན་པོ་དེས་ཁོ་མོ་ལ་བདས་ཏེ། དེས་ཕྲིན་པ་ལན་དུ་མར་བཏང་ཡང་ཁོ་མོ་མ་བཏུབ་བོ་ཞེས་ཟེར་རོ། །འོ་ན་བུ་མོ་
D7a.013.0021a06.01སྤྲོ་བར་གྱིས་ཤིག་དང་། ཁྱོད་གཅིག་པུའི་མཐུས་སྐྱེ་བོ་འདི་རྣམས་བདེ་བར་འགྱུར་རོ་ཞེས་སྨྲས་པ་དང་། མོས་དེ་ལ་འོ་ན་ད་ཕྲིན་པ་སུ་བཏང་ཞེས་སྨྲས་ནས་བདག་ཅག་ལ་གྲོང་དུ་ཉེ་བར་འགྲོ་བའི་དགེ་སློང་ཡོད་ཀྱིས་དེ་ཕྲིན་པར་བཏང་ངོ་། །དགེ་སློང་དེ་ཡང་གྲོང་དེར་ཕྱིན་ནས་
D7a.013.0021a07.01