完整藏文原文 · 德格版页 当前仅加载第 13 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེ་ན། གང་ལས་ལན་གསུམ་གྱི་བར་དུ་ནན་ཏན་དུ་མནོས་ཤིང་གནས་བཅས་པའོ། །ཀློག་པའི་སློབ་དཔོན་གང་ཞེ་ན། གང་ལས་བླང་བའི་སེམས་ཀྱིས་ཚིག་གཅིག་ཙམ་ཡང་བླངས་པའོ། །སྤྱོ་བ་རྣམ་པ་ལྔ་སྟེ། མི་སྨྲ་བར་བྱ་བ་དང་། ལུང་མི་སྟོན་པ་དང་།
D7a.013.0051b01.01གཅིག་ཏུ་མི་སྤྱོད་པ་དང་། དགེ་བའི་ཕྱོགས་གཅད་པ་དང་། གནས་བཅས་པ་སླར་གཞིག་པ་དང་ལྔའོ། །མི་སྨྲ་བར་བྱ་བ་གང་ཞེ་ན། དེ་ལ་སྨྲ་བར་མི་བྱ་ཀུན་ཏུ་སྨྲ་བར་མི་བྱའོ། །ལུང་མི་སྟོན་པ་གང་ཞེ་ན། དེ་ལ་ལུང་བསྒོ་ཞིང་རྗེས་སུ་མི་སྟོན་པའོ། །བསྟན་
D7a.013.0051b02.01པ་མི་སྟོན་པའོ། །གཅིག་ཏུ་མི་སྤྱོད་པ་གང་ཞེ་ན། དེས་བསྙེན་བཀུར་བྱས་པ་བདག་གིར་མི་བྱའོ། །དགེ་བའི་ཕྱོགས་གཅད་པ་གང་ཞེ་ན། དེ་ལ་བཀླག་པ་དང་། རྣལ་འབྱོར་དང་། ཡིད་ལ་བྱ་བ་མི་བསྟན་པའོ། །གནས་བཅས་པ་སླར་གཞིག་པ་གང་ཞེ་ན།
D7a.013.0051b03.01གནས་བཅར་མི་གཞུག་པའོ། །རྣམ་པ་ལྔས་ན་གནས་བཅས་པ་བཤིག་པར་འགྱུར་ཏེ། བསྐྲད་པ་དང་། ལངས་ཏེ་འགྲོ་བ་དང་། སླར་འབབ་པ་དང་། ཕྱོགས་ལས་གཞན་གྱི་ཕྱོགས་སུ་འགྲོ་བ་དང་། རེ་བ་མེད་པར་སེམས་བསྐྱེད་པ་དང་ལྔའོ། །ཆོས་ལྔ་དང་
D7a.013.0051b04.01ལྡན་ན་གནས་བཅའ་བ་སྦྱིན་ཏེ། ལྔ་གང་ཞེ་ན། དད་པ་ཡིན། རིམ་གྲོར་བཅས་པ་ཡིན། བརྩོན་འགྲུས་བརྩམས་པ་ཡིན། ངག་ཉན་པ་ཡིན། དགེ་བའི་བཤེས་གཉེན་ཡིན་པའོ། །ཆོས་ལྔ་དང་ལྡན་ན་གནས་བཅས་པ་ལས་གཞིག་པར་བྱ་སྟེ། ལྔ་གང་ཞེ་
D7a.013.0051b05.01ན། མ་དད་པ་ཡིན། རིམ་གྲོ་མེད་པ་ཡིན། ལེ་ལོ་ཅན་ཡིན། ངག་མི་ཉན་པ་ཡིན། སྡིག་པའི་གྲོགས་པོ་ཡིན་ནོ། །ལྷན་ཅིག་སྤྱོད་པ་དང་ཉེ་གནས་ཆོས་ལྔ་དང་ལྡན་ན་བསྐྲད་པ་ཡིན་ཏེ། ལྔ་གང་ཞེ་ན། མ་དད་པ་ཡིན། རིམ་གྲོ་མེད་པ་ཡིན། ལེ་ལོ་ཅན་
D7a.013.0051b06.01ཡིན། ངག་མི་ཉན་པ་ཡིན། སྡིག་པའི་གྲོགས་པོ་ཡིན་ནོ། །ལྷན་ཅིག་སྤྱོད་པ་དང་། ཉེ་གནས་ཆོས་ལྔ་དང་ལྡན་ན་མི་བསྐྲད་པ་ཡིན་ཏེ། ལྔ་པོ་དཀར་པོའི་ཕྱོགས་སུ་སླར་རྣམ་པ་ལྔར་བཟློག་སྟེ་བརྗོད་པར་བྱའོ། །ལྷན་ཅིག་སྤྱོད་པ་དང་ཉེ་གནས་ཆོས་ལྔ་དང་
D7a.013.0051b07.01