完整藏文原文 · 德格版页 当前仅加载第 13 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེར་མ་འདོད་དེ། དགེ་སློང་རྣམས་ལ་བྱིན་པ་དང་། དགེ་སློང་རྣམས་ཀྱིས་ཀྱང་བདག་ཅག་ཆོག་པར་བྱས་ཟིན་གྱིས་མི་ཟའོ་ཞེས་སྨྲས་པ་དང་། དེ་ལྟར་གྱུར་པ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ནས། བཅོམ་ལྡན་འདས་ཀྱིས་བཀའ་སྩལ་པ།
D7a.013.0248a01.01འདི་ལྟར་ལོ་ཉེས་ཤིང་དཀོན་པ་རྙེད་དཀའ་བའི་ཚེ་ནི་དགེ་སློང་གིས་ཆོག་པར་བྱས་ཀྱང་རྫིང་བུའི་ལྷག་མར་མ་བྱས་ཀྱང་ཟོ་ཞིག །དེ་ཡང་གང་ཞེ་ན། འདི་ལྟ་སྟེ། རི་ཤི་གྷ་ཏི་ཀ་དང་། ཁར་ཀ་ཏི་ཀ་དང་། ཀར་ཤིང་ག་ཀ་ཏ་ལ་སོགས་ཏེ། གང་གཞན་ཡང་ཆུའི་ནང་གི་
D7a.013.0248a02.01འབྲས་བུ་རྣམས་སོ་ཞེས་བྱ་བ་འདི་ནི་རྫིང་བུ་ནས་སྐྱེས་པ་ཞེས་བྱའོ། །དེ་ནས་བཅོམ་ལྡན་འདས་ཀྱིས་དེ་ལྟར་ལོ་ཉེས་ཤིང་དཀོན་པ་རྙེད་དཀའ་བའི་ཚེ་ཡངས་པ་ཅན་ན་ཇི་སྲིད་དགྱེས་ཀྱི་བར་དུ་བཞུགས་ནས་མཉན་དུ་ཡོད་པ་གང་ན་བ་དེར་སྤྱོད་ཅིང་གཤེགས་སོ། །རིམ་གྱིས་
D7a.013.0248a03.01སྤྱོད་པ་སྤྱད་ནས་མཉན་དུ་ཡོད་པར་བྱོན་པ་དང་། མཉན་དུ་ཡོད་པ་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དེར་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ངས་གང་ཡངས་པའི་གྲོང་ཁྱེར་ཆེན་པོ་ན་ལོ་ཉེས་
D7a.013.0248a04.01ཤིང་དཀོན་ལ་རྙེད་དཀའ་བའི་ཚེ་དགེ་སློང་རྣམས་ལ་དངོས་པོ་བརྒྱད་གནང་བ་ནི་འདི་ལྟ་སྟེ། ནང་དུ་བཞག་པ་དང་། ནང་དུ་བཙོས་པ་དང་། རང་གིས་བཙོས་པ་དང་། དགེ་སློང་གིས་བཙོས་པ་དང་། སྔ་དྲོའི་དུས་སུ་བྱིན་ལེན་བྱས་པ་དང་། དེ་ནས་སླར་ཁྱེར་བ་དང་།
D7a.013.0248a05.01ནགས་ཀྱི་ཚིག་གུ་ཅན་དང་། རྫིང་བུའི་རྣམས་གནང་ན་དངོས་པོ་དེ་དག་ཅི་ད་དུང་ཡང་དེར་རུང་བ་བཞིན་དུ་ཟའམ། བཙུན་པ་ཁ་ཅིག་ནི་འཚལ། ཁ་ཅིག་ནི་མི་འཚལ་ལོ། །དེ་ནས་བཅོམ་ལྡན་འདས་ཀྱིས་གླེང་གཞི་དེ་ཉིད་ཀྱི་ཕྱིར་དགེ་སློང་གི་དགེ་འདུན་བསྡུས་ནས་དགེ་སློང་རྣམས་
D7a.013.0248a06.01ལ་བཀའ་སྩལ་པ། དགེ་སློང་རྣམས་གང་ཡངས་པའི་གྲོང་ཁྱེར་དུ་དེ་ལྟར་ལོ་ཉེས་ཤིང་དཀོན་པ་རྙེད་དཀའ་བའི་ཚེ་དངོས་པོ་བརྒྱད་པོ་འདི་དག་བརྩེ་བའི་ཕྱིར་དགེ་སློང་རྣམས་ཀྱིས་ཆོག་པར་བྱས་ཀྱང་རྗེས་སུ་གནང་བ་དག་ནི་ལོ་ཉེས་པའི་ཚེ་ནི་ཟོ་ཞིག །ལོ་ལེགས་པའི་ཚེ་ནི་བཟའ་བར་མི་
D7a.013.0248a07.01