完整藏文原文 · 德格版页 当前仅加载第 13 函德格 160b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་ན་ནི་ཕྱི་དྲོ་བུ་རམ་གསོལ་བར་བཅོམ་ལྡན་འདས་ཀྱིས་གནང་ན། བདག་འཚལ་ཏེ་མཆིས་གསོལ་ཅིག་ཅེས་སྨྲས་པ་དང་། དེ་དག་ལས་ཁ་ཅིག་ན་དེ་ཁྱིམ་བདག་དེ་ལགས་ཀྱིས་བཟའ་བར་བགྱིའོ། །ཁ་ཅིག་གིས་ཚེ་དང་ལྡན་པ་ཁྱིམ་བདག་འབེར་ཏྲ་སི་དག་གིས་བུ་རམ་བཟའ་བ་
D7a.013.0160b01.01ལ་བརྟེན་ནས་དེས་དགྲ་བཅོམ་པ་མངོན་དུ་གྱུར་ཏེ། བཅོམ་ལྡན་འདས་ཀྱིས་དེ་བཞིན་རྗེས་སུ་གནང་ན་བདག་ཅག་ནི་དེ་ལྟར་ལམ་གྱི་ངལ་བས་གཟིར་ཏེ། འཇིག་རྟེན་ན་མ་དད་པ་དག་ནི་གྲོང་ན་འཁོད་བཞིན་དུ་ཟའོ་ཞེས་མི་དགའ་བར་འགྱུར་གྱིས་གུད་དུ་འདོང་ངོ་ཞེས་སྨྲས་པ་དང་། ཁ་ཅིག་
D7a.013.0160b02.01གིས་ཡང་ཚེ་དང་ལྡན་པ་དེ་ལྟར་འདོང་ན་བཅོམ་ལྡན་འདས་ལ་ཞུའོ་ཞེས་སྨྲས་ནས། དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། བུ་རམ་ནི་ཐམས་ཅད་དུ་བཟའ་བར་བྱ་སྟེ། དེ་ལ་ཐེ་ཚོམ་དུ་མ་བྱེད་ཅིག །བཅོམ་ལྡན་
D7a.013.0160b03.01འདས་ཀྱིས་ཐམས་ཅད་དུ་བུ་རམ་ཟོ་ཤིག་ཅེས་བཀའ་སྩལ་ནས། དགེ་སློང་དེ་དག་གིས་ཟོས་པ་དང་། དེ་དག་ལམ་གྱི་ངལ་བས་སྐོམ་གྱིས་གདུངས་པར་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། བུ་རམ་གྱི་ཆུ་གྱིས་ལ་འཐུང་ཤིག །སངས་རྒྱས་བཅོམ་ལྡན་
D7a.013.0160b04.01འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་བུ་རམ་ཆུ་ཞག་བདུན་པར་བྱིན་གྱིས་བརླབས་ཏེ་འཚལ་ན་རུང་ངམ། ཨུ་པཱ་ལི་མི་རུང་ངོ་། །བཙུན་པ་ཇི་ཙམ་གྱི་བར་དུ་བཞག་ལ་བཏུང་བར་བགྱི། ཨུ་པཱ་ལི་ཇི་ཙམ་ན་དང་བར་གྱུར་ཏེ་སྐྱུར་པོར་མ་གྱུར་ཅིང་རང་བཞིན་མ་
D7a.013.0160b05.01ཉམས་པའི་བར་དུའོ། །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་གསོ་སྦྱིན་དང་། ཚུལ་ནས་བྱུང་བ་དང་། ཆོས་གོས་བྱིན་གྱིས་བརླབས་པ་དང་། གོས་བསྔོ་བ་དང་། གང་ཟག་གཅིག་པོ་མགྲོན་དུ་བོས་པ་དང་། འདི་ལྔ་ནི་རང་གིས་བསམས་པས་
D7a.013.0160b06.01འགྲུབ་བོ། །ཞེས་གསུངས་སོ། །དགེ་སློང་དེ་དག་གང་དུ་མགྲོན་དུ་བོས་པ་དེར་དེ་ལས་གཞན་དུ་ཡང་མགྲོན་དུ་བོས་སམ་དེ་ལས་ལྷག་པར་ཡང་རུང་སྟེ། གཅིག་ཏུ་ནི་བདག་ཉིད། གཉིས་སུ་ནི་བདག་གི་སེམས་བཏང་ནས་གཞན་གཏང་བའོ། །མུ་གེའི་དུས་ལ་བབ་སྟེ་
D7a.013.0160b07.01