完整藏文原文 · 德格版页 当前仅加载第 13 函德格 165b 版页；藏文 NFD、目录标记与异常页序保留在来源切片中，重复版页行以稳定序号区分。
བལ་དག་རབ་ཏུ་མང་ཤིང་ཕུན་སུམ་ཚོགས་པ་དེ་བཀུར་རོ་ཞེས་དེ་དག་གིས་བླང་བར་བརྩམས་པ་དང་། ལྷ་ཁང་པ་དག་ལྷགས་ཏེ། དེ་དག་གིས་འཕགས་པ་དག་ལྷ་ཁང་འདི་ནི་བདག་ཅག་གི་སྟེང་འདི་ནི་ལས་དང་བྱི་དོར་བདག་ཅག་གིས་བགྱིས་ན་ལྷའི་གོས་རྣམས་ཅིའི་ཕྱིར་ལེན་
D7a.013.0165b01.01ཅིང་དབྲོག །ཁྱེད་ཅག་མ་བྱིན་པར་ལེན་པ་མ་སྤངས་སམ་ཞེས་སྨྲས་པ་དང་། དེ་དག་གིས་བཀྲེན་པ་འདི་ཇི་ལྟར་ཁྱེད་ཀྱི་ལྷ་ཁང་ངེད་ཅག་གིས་ཤིང་རྟ་སྲོག་ཤིང་ཆག་པ་ཞིག་རྟེན་ཐབས་སུ་བཙུགས་ཏེ་བཞག་གོ། །ཞེས་སྨྲས་སོ། །ལྷ་ཁང་པ་དེས་ཀུ་ཆོ་བཏོན་པ་དང་། དེ་ནས་ཉེ་དགའ་
D7a.013.0165b02.01བོ་ཁྲོས་ནས་དེ་རྡོག་པ་གཅིག་བརྒྱབ་ནས་བསྒྱེལ་བར་བྱས་སོ། །དེ་ནས་དེ་སྙེམས་ཤིང་དྲེགས་པ་རྣམས་སྤ་གོང་ནས་འཕགས་པ་ཁྱེད་དམ་གཞན་གྱིས་བྱས་པར་གྱུར་ནས་ཡང་བདག་ཅག་ནི་འདི་ལ་རྟེན་ཅིང་འཚོ་བ་ཡང་འདི་ལ་བལྟས་ན་ཅིའི་ཕྱིར་ཁྱེད་ཀྱིས་འཕགས་པའི་ཆོས་མ་ཡིན་པ་བྱེད་
D7a.013.0165b03.01ཅེས་སྨྲས་པ་དང་། དེ་དག་མ་སྤོབས་ཏེ་ཅང་མི་ཟེར་བར་འདུག་གོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལོག་པར་ལྟ་བའི་ལྷ་ཁང་ན་གནས་པ་དག་འཕྱ་བ་ནི་ཡུས་ཏེ། དེ་ལྟ་
D7a.013.0165b04.01བས་ན་དགེ་སློང་དག་གིས་ལྷ་ཁང་བདག་པོ་ཡོད་པའི་གོས་ལ་སོགས་པ་བླང་བར་མི་བྱའོ། །དགེ་སློང་དག་གིས་ལྷ་ཁང་བདག་པོ་ཡོད་པའི་གོས་ལ་སོགས་པ་བླངས་ན་འདས་པ་དང་བཅས་པར་འགྱུར་རོ། །ལོག་པའི་ལྷ་ཁང་པ་དད་པ་གཞན་ཞིག་གིས་ཅི་བདེར་སྤྱོད་ཅིག་ཅེས་
D7a.013.0165b05.01སྨྲས་པ་དང་། དགེ་སློང་དེ་དག་ཐེ་ཚོམ་སྐྱེས་ཏེ་མ་བླངས་ནས། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་ཅི་བདེར་བྱས་པ་ནི་བླང་བར་བྱ་སྟེ། དེ་ལ་ཐེ་ཚོམ་དུ་མ་བྱེད་ཅིག །གླེང་གཞི་ནི་མཉན་དུ་ཡོད་པ་ན་སྟེ། བཅོམ་ལྡན་འདས་ཀྱིས་ནད་པ་ལ་སྐུལ་ཅིག་ཅེས་གསུངས་
D7a.013.0165b06.01པ་དང་། ཇི་ཙམ་ཞིག་ན་དགེ་སློང་ཞིག་ན་བར་གྱུར་པ་དེའི་ནད་གཡོག་གིས་ཚེ་དང་ལྡན་པ་དགེ་འདུན་ལ་ཅུང་ཟད་ཅིག་ཕུལ་ཅིག་ཅེས་སྨྲས་པ་དང་། དེས་ཀྱང་བདག་ལ་ཅུང་ཟད་ཙམ་ཡང་མེད་མོད་ཀྱི་ཆོས་གོས་གསུམ་དབུལ་ལོ་ཞེས་སྨྲས་པ་དང་། དེ་ཅང་མི་ཟེར་བར་འདུག་གོ། །དེ་ཆོས་གོས་
D7a.013.0165b07.01