完整藏文原文 · 德格版页 当前仅加载第 13 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཞེ་སྡང་གི་ས་བཅུ་པོ་ཐོབ་པས་ན་དེ་འཆི་འཕོས་དུས་འདས་ཏེ་དེའི་གནས་ཁང་ཉིད་དུ་སྦྲུལ་གདུག་པར་སྐྱེས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སྐྱེས་བུ་གཏི་མུག་ཅན་དེ་ནི་གནས་ཁང་དེ་ཉིད་དུ་སྦྲུལ་གདུག་
D7a.013.0144b01.01པར་སྐྱེས་ཀྱིས་དེར་སོང་ལ་དྲུང་དུ་ཕྱིན་ན་ངའི་ཚིག་གིས་ནད་མེད་ཅིག་ཅེས་བྱོས་ལ། འདི་སྐད་དུ་འདི་ལྟར་ཁྱོད་ངའི་བསྟན་པ་ལ་རབ་ཏུ་བྱུང་སྟེ། དགེ་སྦྱོང་གི་འབྲས་བུ་བཞི་ལས་གང་ཡང་རུང་དགེ་སྦྱོང་གི་འབྲས་བུ་རྟོགས་པར་འགྱུར་བ་ལས་ད་ཁྱོད་ཁྲོས་པའི་དབང་གིས་
D7a.013.0144b02.01ན་འདིར་སྦྲུལ་གདུག་པར་སྐྱེས་ཀྱིས་དགེ་སློང་དེ་ལ་བཟོད་པར་བྱོས་ཤིག །འདི་ལས་ཡང་དུས་འདས་ན་སེམས་ཅན་དམྱལ་བར་སྐྱེས་ས་རེ་ཞེས་སྒོ་ཤིག །བཙུན་པ་བཀའ་བཞིན་འཚལ་ཞེས་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལས་མཉན་ནས་དགེ་
D7a.013.0144b03.01སློང་དེ་ཁྲིད་དེ་དགེ་སློང་དེའི་གནས་ཁང་དུ་སོང་ནས་སྒོ་ལ་དལ་ནས་བགས་ཀྱིས་བརྡུངས་ཏེ་སྨྲས་པ། བཞིན་{བཟངས་,བཟང་}ཁྱོད་ལ་བཅོམ་ལྡན་འདས་ནད་མེད་ཅིག་ཅེས་གསུངས་ཏེ། འདི་ལྟར་ཁྱོད་ངའི་བསྟན་པ་ལ་རབ་ཏུ་བྱུང་ལ་དགེ་སྦྱོང་གི་འབྲས་བུ་བཞི་ལས་གང་
D7a.013.0144b04.01ཡང་རུང་དགེ་སྦྱོང་གི་འབྲས་བུ་རྟོགས་པར་འགྱུར་བ་ལས་ད་ཁྱོད་ཁྲོས་པའི་དབང་གིས་ན་འདིར་སྦྲུལ་གདུག་པར་སྐྱེས་ཀྱིས་དགེ་སློང་འདི་ལ་བཟོད་པར་བྱོས་ཤིག །འདི་ནས་དུས་བྱས་ནས་ཀྱང་སེམས་ཅན་དམྱལ་བར་སྐྱེས་ས་རེ་ཞེས་གསུང་ངོ་། །དེ་ནས་དེ་ཉིད་དུ་
D7a.013.0144b05.01ཁྲོས་པའི་དུག་བཏང་ནས་གནས་ཁང་ནས་ཕྱིར་མ་བྱུང་ཞིང་འདུག་པ་དང་། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མཽད་གལ་གྱི་བུ་ཆེན་པོ་ལ་མཽད་གལ་གྱི་བུ་ཚུར་ཤོག །ཁྱོད་ཀྱིས་སྦྲུལ་གདུག་པ་གང་ན་བ་དེར་སོང་ལ་ཕྱིན་པ་དང་། འདི་སྐད་དུ་དགེ་སློང་དེ་
D7a.013.0144b06.01ལ་བཟོད་པར་བྱོས་ཤིག་ཅེས་བཀའ་སྩལ་པ་དང་། དེས་ཀྱང་དེར་སོང་སྟེ་སྨྲས་པ་དང་། དེ་ལྡེ་མིག་ཀྱོག་པོའི་བུ་ག་ནས་མགོ་ཙམ་བསྟན་ཏེ་ཕྱིར་ནང་དུ་ཞུགས་སོ། །དགེ་སློང་གིས་དགེ་སློང་ལ་སེམས་ཀྱིས་གནོད་པར་བྱས་པས་རང་གི་གནས་ཁང་དུ་སྦྲུལ་དུ་སྐྱེས་
D7a.013.0144b07.01