完整藏文原文 · 德格版页 当前仅加载第 13 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱི། ཐམས་ཅད་ཀྱང་སྔ་མ་བཞིན་དུའོ། །བཙུན་པ་བཅོམ་ལྡན་འདས་ཀྱིས་ཞག་བདུན་དུ་བྱིན་གྱིས་བརླབ་པར་བྱས་ན། དགེ་བསྙེན་གྱི་དོན་ལ་མཚམས་ཀྱི་སླད་རོལ་དུ་སོང་ཤིག་ཅེས་གསུངས་ན། བཙུན་པ་དེ་སྟེ་མུ་སྟེགས་ཅན་ཞིག་མཆིས་ན།
D7a.013.0080a01.01དེའི་དོན་ལ་ཡང་མཆི་བར་བགྱིའམ། ཨུ་པཱ་ལི་དེ་སྟེ་སྡིག་པ་ལ་ལྟ་བ་དེ་ལས་དབྲལ་བར་འདོད་ན་འགྲོ་བར་བྱའོ། །བཙུན་པ་གཉེན་ཞིག་མཆིས་ན། དེའི་དོན་ལ་ཡང་མཆི་བར་བགྱིའམ། འགྲོ་བར་བྱའོ། །བཙུན་པ་དགེ་སློང་ཞིག་གཞུང་ལ་ཐེ་ཚོམ་མམ་དོགས་
D7a.013.0080a02.01པ་ཞིག་མཆིས་ན། དེ་ཡང་མཆི་བར་བགྱིའམ། ཨུ་པཱ་ལི་དེ་ཡང་འགྲོ་བར་བྱའོ། །བཙུན་པ་དགེ་སློང་གིས་མ་ཐོབ་པ་ལས་ཐོབ་པའི་སླད་དུ། མ་ཆུད་པ་ལས་ཆུད་པའི་སླད་དུ། མངོན་དུ་མ་བགྱིས་པ་ལས་མངོན་དུ་བགྱི་བའི་སླད་དུ། ཐེ་ཚོམ་མམ་དོགས་
D7a.013.0080a03.01པ་ཞིག་མཆིས་ན། དེ་ཡང་མཆི་བར་བགྱིའམ། ཨུ་པཱ་ལི་དེ་ཡང་འགྲོ་བར་བྱའོ། །གླེང་གཞིའི་སྒོ་དང་པོའི་མདོའི་ཚིགས་སུ་བཅད་པ་བདུན་ནོ།། །།མདོར་ན། མ་དྲས་གོས་ཀྱང་དེ་བཞིན་ཏེ། །འོན་ཏེ་གྲོང་དུ་འགྲོ་བ་དང་། །ཀུན་ཏུ་རྒྱུ་དང་དེ་བཞིན་པ། །
D7a.013.0080a04.01གཏན་ལ་བབ་ན་གོང་ལུགས་སོ། །སངས་རྒྱས་བཅོམ་ལྡན་འདས་མཉན་དུ་ཡོད་པ་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །སངས་རྒྱས་བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་ཞུས་པ། བཙུན་པ་མ་དྲས་པའི་གོས་བྱིན་
D7a.013.0080a05.01གྱིས་བརླབ་པར་རུང་ངམ། ཨུ་པཱ་ལི་མི་རུང་མོད་ཀྱི་རྣམ་པ་དེ་ལྟ་བུའི་རྐྱེན་གྱིས་ན་རུང་ངོ་། །བཙུན་པ་མ་དྲས་པའི་གོས་འཚལ་ནས་གྲོང་དུ་མཆིར་རུང་ངམ། ཨུ་པཱ་ལི་མི་རུང་མོད་ཀྱི་དེ་ལྟ་བུའི་རྐྱེན་གྱིས་ན་རུང་ངོ་། །བཙུན་པ་མ་དྲས་པའི་གོས་འཚལ་ཏེ། ཁྱིམ་
D7a.013.0080a06.01པའི་ཁྱིམ་དུ་མཆིར་རུང་ངམ། ཨུ་པཱ་ལི་མི་རུང་མོད་ཀྱི་དེ་ལྟ་བུའི་རྐྱེན་གྱིས་ན་རུང་ངོ་། །བཙུན་པ་མ་དྲས་པའི་གོས་འཚལ་ཏེ། ཁྱིམ་པའི་ཁྱིམ་དུ་གནས་སུ་མཆིས་སུ་རུང་ངམ། ཨུ་པཱ་ལི་མི་རུང་མོད་ཀྱི་དེ་ལྟ་བུའི་རྐྱེན་གྱིས་ན་རུང་ངོ་། །བཙུན་པ་མ་དྲས་
D7a.013.0080a07.01