完整藏文原文 · 德格版页 当前仅加载第 13 函德格 40a 版页；藏文 NFD、目录标记与异常页序保留在来源切片中，重复版页行以稳定序号区分。
རྩ་བ་མེད་པས་མ་བྱས་པའི་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པ་རྣམས་སོ། །ཆོས་དང་ལྡན་པའི་གསོ་སྦྱིན་གཞག་པ་བརྒྱད་དེ། རྩ་བ་དང་བཅས་པས་བྱས་པའི་ཚུལ་ཁྲིམས་ཉམས་པ་
D7a.013.0040a01.01དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པ་དང་། རྩ་བ་དང་བཅས་པས་མ་བྱས་པའི་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་པ་ཉམས་པ་དང་། འཚོ་བ་ཉམས་པ་རྣམས་སོ། །མདོར་ན། ཨུ་པཱ་ལི་དང་མ་འགགས་
D7a.013.0040a02.01དང་། །གཽ་ཏས་གཽ་ཏ་མཱི་རིད་དེ། །མ་གནས་རིགས་པ་མ་ཡིན་པ། །གནོད་པ་དང་ནི་འདུལ་བའོ། །བཅོམ་ལྡན་འདས་ལ་ཚེ་དང་ལྡན་པ་ཨུ་པཱ་ལིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཇི་ལྟར་བདག་གིས་ཆོས་དང་འདུལ་བ་འཚལ་བར་འགྱུར་བ་དེ་ལྟ་
D7a.013.0040a03.01བུའི་ཆོས་བདག་ལ་མདོར་བཤད་ན་ལེགས་སོ་ཞེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཨུ་པཱ་ལི་ལ་འདི་སྐད་ཅེས་བཀའ་སྩལ་ཏོ། །ཨུ་པཱ་ལི་ཆོས་གང་འཐབ་པའི་རྒྱུར་འགྱུར་བ་དང་། མཚང་འདྲུ་བའི་རྒྱུར་འགྱུར་བ་དང་། འཁོན་པའི་རྒྱུར་འགྱུར་བ་
D7a.013.0040a04.01དང་། རྩོད་པའི་རྒྱུར་འགྱུར་བ་དང་། སོ་སོར་སྨྲ་བའི་རྒྱུར་འགྱུར་བ་དང་། མི་མཐུན་པར་སྨྲ་བའི་རྒྱུར་འགྱུར་བ་དང་། མི་སྡུད་པའི་རྒྱུར་འགྱུར་བ་དང་། དྲན་པ་ཉམས་པའི་རྒྱུར་འགྱུར་བ་དང་། དུ་མར་འགྱུར་བའི་རྒྱུར་འགྱུར་བ་སྟེ། དེ་ལྟ་བུ་ལ་འདི་ནི་ཆོས་མ་
D7a.013.0040a05.01ཡིན། འདི་ནི་འདུལ་བ་མ་ཡིན། འདི་ནི་སྟོན་པས་བསྟན་པ་མ་ཡིན་པར་ཤིན་ཏུ་རྟོགས་པར་གྱིས་ཤིག །ཨུ་པཱ་ལི་ཆོས་གང་མི་འཐབ་པའི་རྒྱུར་འགྱུར་བ་དང་། མཚང་མི་འདྲུ་བ་དང་། མི་འཁོན་པ་དང་། མི་རྩོད་པ་དང་། སོ་སོར་མི་སྨྲ་བ་དང་། མཐུན་པར་སྨྲ་བ་
D7a.013.0040a06.01དང་། སྡུད་པ་དང་། དྲན་པ་མ་ཉམས་པ་དང་། དངོས་པོ་གཅིག་ཏུ་འགྱུར་བ་འདི་རྣམས་ལ་འདི་ནི་ཆོས་སོ། །འདི་ནི་འདུལ་བའོ། །འདི་ནི་སྟོན་པས་བསྟན་པ་ཡིན་པར་ཤིན་ཏུ་རྟོགས་པར་གྱིས་ཤིག །ཨུ་པཱ་ལི་བརྒྱད་པོ་ཇི་ལྟ་བ་དེ་བཞིན་ནོ། །མ་འགགས་
D7a.013.0040a07.01