完整藏文原文 · 德格版页 当前仅加载第 13 函德格 161a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་སློང་རྣམས་བསོད་སྙོམས་ཀྱིས་ཤིན་ཏུ་ཕོངས་པར་གྱུར་ཏོ། །དད་པའི་བྲམ་ཟེ་དང་ཁྱིམ་བདག་དག་གིས་དགེ་སློང་གནས་བརྟན་དག་ཟས་ལ་མགྲོན་དུ་བོས་པ་དང་། ཁྱིམ་བདག་ཅིག་ལ་ཁས་བླངས་ཏེ་གཞན་བཏང་ངོ་། །བཅོམ་ལྡན་འདས་ཀྱིས་
D7a.013.0161a01.01བཀའ་སྩལ་པ། དེ་ལྟ་བས་ན་ངས་མུ་གེ་བྱུང་ཞིང་སྡུག་བསྔལ་ལ་རྙེད་དཀའ་བའི་དུས་ན། ཇི་སྙེད་དུ་མགྲོན་དུ་བོས་པ་དེ་ཐམས་ཅད་བདག་གིར་བྱ་བར་གྱིས་དེ་ལ་བདག་ཀྱང་ཟོ་ཤིག །དགེ་སློང་དག་ཀྱང་བགོ་བར་བྱའོ། །དགེ་སློང་དག་བྲམ་ཟེ་དང་ཁྱིམ་བདག་གཞན་གྱི་
D7a.013.0161a02.01དེར་དོང་བ་དང་། དེ་དག་གིས་འཕགས་པ་ཁྱེད་ནི་བདག་ཅག་གིས་མགྲོན་དུ་མ་བོས་ཀྱི་འདི་ཞེས་བགྱི་བའི་གནས་བརྟན་བདག་ཅག་གིས་སྤྱན་དྲངས་སོ་ཞེས་སྨྲས་སོ། །དེ་ལྟར་གྱུར་པ་དགེ་སློང་དག་གིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་
D7a.013.0161a03.01སྩལ་པ། བདག་ཉིད་སོང་ལ་བྱིན་ལེན་བྱས་ཏེ་ཁམ་གཉིས་སམ་གསུམ་ཟོ་ལ་འདི་སྐད་དུ་ཁྱིམ་བདག་དགེ་སློང་འདི་དག་ཟས་ཀྱིས་བྲེལ་ཏེ། འདི་ལ་སྦྱིན་གྱིས་རྗེས་སུ་ཡི་རང་བར་གྱིས་ཤིག་ཅེས་སྨྲོས་ཤིག །དེ་བཞིན་དུ་གཉིས་སམ་གསུམ་མམ་ཇི་སྙེད་མགྲོན་དུ་བོས་པ་
D7a.013.0161a04.01ཐམས་ཅད་ལ་བྱིན་ཅིག །ཐམས་ཅད་དེ་ལྟར་བྱས་ནས་ཐ་མར་མགྲོན་དུ་བོས་པ་ནི་ཇི་ཙམ་འགྲངས་པར་བཟའ་བར་བྱ་སྟེ། འདི་ལ་ཐེ་ཚོམ་དུ་མ་བྱེད་ཅིག །རྐྱང་པའི་སྒོ་དང་པོའི་མདོའི་ཚིགས་སུ་བཅད་པ་བརྒྱད་པའོ།། །།མདོར་ན། མར་རམ་དེ་སྟེ་འབྲུ་མར་རམ། །གཞན་
D7a.013.0161a05.01ཡང་བཞག་པར་གྱུར་པ་དང་། །མིག་སྨན་གྱི་ནི་གབ་ཚེ་དང་། །ཡངས་པ་ཅན་དང་རུང་བའི་གནས། །སངས་རྒྱས་བཅོམ་ལྡན་འདས་མཉན་དུ་ཡོད་པའི་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་གཞན་ཞིག་རླུང་ནད་ཀྱིས་བཏབ་
D7a.013.0161a06.01པ་དེས་སྨན་པའི་གན་དུ་སོང་སྟེ། བཞིན་{བཟངས་,བཟང་}བདག་ལ་འདི་འདྲ་བའི་ནད་ཀྱིས་བཏབ་ན་སྨན་སྟོན་ཅིག་ཅེས་སྨྲས་སོ། །དེས་འཕགས་པ་མར་འདི་ཙམ་ཞིག་གསོལ་དང་འཚོ་བར་འགྱུར་རོ་ཞེས་སྨྲས་སོ། །དེ་ལྟར་གྱུར་པ་དགེ་སློང་དག་ལ་སྨྲས་པ་དང་། དགེ་སློང་དག་
D7a.013.0161a07.01