完整藏文原文 · 德格版页 当前仅加载第 13 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷུང་བཟེད་ཕྱུང་སྟེ་ཕྱག་བཅབས་པར་ཤེས་ནས་སྟན་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་ཉན་པའི་ཕྱིར་འདུག་གོ། །དེ་ནས་བཅོམ་ལྡན་འདས་ཀྱིས་དཔལ་སྦེད་དང་ཆུང་མའི་བསམ་པ་དང་། བག་ལ་ཉལ་དང་། ཁམས་དང་། རང་བཞིན་དག་མཁྱེན་
D7a.013.0173b01.01ནས་འཕགས་པའི་བདེན་པ་བཞིའི་ཆོས་རབ་ཏུ་རྟོགས་པར་འགྱུར་བ་དེ་ལྟ་བུའི་ཆོས་བཤད་དོ། །ཁྱིམ་བདག་དཔལ་སྦེད་ཀྱིས་དེ་ཐོས་ནས་འཇིག་ཚོགས་སུ་ལྟ་བའི་རིའི་རྩེ་མོ་ཉི་ཤུ་ཡེ་ཤེས་ཀྱི་རྡོ་རྗེས་བཅོམ་ནས་རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ། །དེས་བདེན་པ་མཐོང་
D7a.013.0173b02.01ནས་དགའ་བའི་ཚིག་ལན་གསུམ་སྨྲས་ཏེ། བཙུན་པ་བཅོམ་ལྡན་འདས་ཀྱིས་ཕན་བཏགས་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས། མས་ཀྱང་མ་བགྱིས། སྡུག་པ་དང་། མཛའ་བོ་དང་། གཉེན་དང་། འཁོར་གྱིས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷས་
D7a.013.0173b03.01ཀྱང་མ་བགྱིས། སྔ་མའི་མི་དག་གིས་ཀྱང་མ་བགྱིས། དགེ་སྦྱོང་དང་། བྲམ་ཟེ་དག་གིས་ཀྱང་མ་བགྱིས་ཏེ། བཅོམ་ལྡན་འདས་ཀྱིས་བདག་གི་མཆི་མ་དང་ཁྲག་གི་རྒྱ་མཚོ་ནི་བསྐམས། རུས་པའི་རི་ལས་ནི་བསྒྲལ། ངན་སོང་གི་སྒོ་ནི་བཅད། མཐོ་རིས་ཀྱི་སྒོ་ནི་ཕྱེ་སྟེ།
D7a.013.0173b04.01བདག་ནི་ལྷ་དང་མིའི་གནས་སུ་བཞག་གོ་ཞེས་སྨྲས་ནས། ཡང་གསོལ་པ། ཉེས་པ་མང་བ་མ་རུངས་པ། །ངན་དུ་འགྲོ་བའི་ལམ་རྣམས་ཏེ། །ཁྱོད་ཀྱི་མཐུས་ནི་དེ་དག་བཅད། །མཐོ་རིས་འགྲོ་བའི་སྒོ་ཕྱེ་བསོད་ནམས་ཅན། །མྱ་ངན་འདའ་བའི་ལམ་ཡང་བདག་གིས་ཐོབ། །
D7a.013.0173b05.01ཁྱོད་ལ་བརྟན་པས་ཐོབ་པ་ཉེས་བྲལ་བའི། །བདག་གི་མིག་ནི་དག་ཅིང་རྣམ་པར་དག །འཕགས་པ་དགྱེས་པའི་གནས་བཞི་ཐོབ། །སྡུག་བསྔལ་རྒྱ་མཚོ་ཕ་རོལ་རྒལ། །སྐྱེ་བོ་ལྷ་མིན་ལྷ་དང་མི་ཡིས་མཆོད། །སྐྱེ་བ་ན་བ་རྒ་ཤི་རྣམ་པར་བྲལ། །སྲིད་པ་སྟོང་དུའང་རྙེད་པར་
D7a.013.0173b06.01ཤིན་ཏུ་དཀའ། །ཐུབ་པ་ཁྱོད་མཐོང་དེང་ནི་འབྲས་བུར་ལྡན། །བཙུན་པ་བདག་ནི་མངོན་པར་རྒལ་ཏེ་མངོན་པར་རྒལ་ལོ་ད་ནི་བདག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆིས། དེང་ཕན་ཆད་ནམ་མཚོའི་བར་དུ་སྲོག་དང་བསྡོས་ཏེ་སྐྱབས་སུ་
D7a.013.0173b07.01