完整藏文原文 · 德格版页 当前仅加载第 82 函德格 329a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་སྤྱོད་པ་མཛད། །དེ་ནས་རྡོ་རྗེའི་ལུས་ཀྱི་ནི། །རྩ་ཡི་ཁོག་སྟོང་ཐམས་ཅད་དུ། །བདེ་བར་གཤེགས་པ་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་དང་། །ཡོན་ཏན་ཕྲིན་ལས་དམ་ཚིག་གི། །ཁུ་བ་བྱང་ཆུབ་སེམས་རྒྱུན་གྱིས།།
D453.082.0329a01.01ཀུན་ཏུ་ཁྱབ་པར་གྱུར་པ་ནི། །དཔེར་ན་བུམ་པ་ཆུས་གང་ལྟར། །ཤིན་ཏུ་བདེ་བས་རྒྱས་པར་གནས། །དེ་ཉིད་ཡེ་ཤེས་གྱུར་པའོ། །དེ་ནས་ཆོས་ཀྱི་དབྱིངས་གནས་པའི། །འགྲོ་བའི་ཕུང་པོ་ཇི་སྙེད་ཀུན། །སྐུ་གསུམ་དམ་ཚིག་ལས་བྱུང་བ། །དེ་ལ་
D453.082.0329a02.01བདུད་རྩིའི་འོད་ཟེར་གྱིས། །གློག་གི་ཟེར་མ་ལྟར་འཕྲོ་བས། །ཤིན་ཏུ་བདེ་བར་རིག་ནས་ནི། །དེ་ནས་བརྩམས་ཏེ་སེམས་ཅན་ཁམས། །མ་ལུས་ལུས་པ་མེད་པ་ལ། །རྡོ་རྗེ་དཔལ་གྱི་རེག་བྱུང་བས། །ཡང་དག་མཆོག་ཏུ་བྱིན་བརླབས་ཤིང་། །དེ་བཞིན་
D453.082.0329a03.01གཤེགས་པ་ཐམས་ཅད་ཀྱི། །སྐུ་གསུང་ཐུགས་ཀྱི་རྡོ་རྗེ་ཡིས། །ཡེ་ཤེས་དྲི་མེད་དབང་བསྐུར་ཅིང་། །མ་ལུས་ཀུན་ཀྱང་ཀུན་ཏུ་བཟང་། །ཀུན་ཏུ་བཟང་པོའི་དཔལ་ཞེས་པར། །བླ་ན་མེད་པར་དབང་བསྐུར་ཏོ། །དེ་ལྟར་དབང་བསྐུར་ཙམ་གྱིས་ནི། །
D453.082.0329a04.01ཐམས་ཅད་དེ་བཞིན་གཤེགས་པའི་སྐུ། །དགྲ་བཅོམ་ཡང་དག་རྫོགས་སངས་རྒྱས། །རྡོ་རྗེ་གསུམ་གྱི་ཡེ་ཤེས་ཅན། །བདེ་ཆེན་ངོ་བོ་ཉིད་སྐུར་གྱུར། །རྡོ་རྗེ་འཛིན་གྱིས་བཀའ་སྩལ་པ། །དུས་གསུམ་སངས་རྒྱས་ཐམས་ཅད་ཀྱི། །ཡེ་ཤེས་སྤྱོད་པ་མཐོང་
D453.082.0329a05.01གྱུར་པས། །ཆོས་ཉིད་མཉམ་པ་ཉིད་མཐོང་ངམ། །སླར་གསོལ་བ་ནི་མཐོང་ལགས་སོ། །ཡེ་ཤེས་སྤྱོད་པ་རྡོ་རྗེ་ཆེ། །བདེ་བར་གཤེས་པ་མཐོང་ཞེས་གསོལ། །དེ་ལྟར་ཡང་དག་གྱུར་པའོ། །དེ་ལྟར་སངས་རྒྱས་ཐམས་ཅད་ཀུན། །རྡོ་རྗེ་བཙུན་མོའི་
D453.082.0329a06.01བྷ་ག་ལས། །མངོན་པར་བྱུང་ནས་འདི་སྐད་གསོལ། །གང་དུ་འདོད་ཆགས་ཆེན་པོ་ཡི། །ཡི་གེའི་ཚོགས་ཀྱིས་སངས་རྒྱས་ཀྱི། །བྱང་ཆུབ་རྗེས་སུ་རྟོགས་གྱུར་གང་། །དེ་ནས་བཅོམ་ལྡན་ངོ་མཚར་ཏོ། །བདེ་བར་གཤེགས་པ་ངོ་མཚར་ཏོ། །དེ་ནས་རིགས་ཀྱི་
D453.082.0329a07.01