完整藏文原文 · 德格版页 当前仅加载第 82 函德格 259a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་གསུངས་སོ། །དེ་ནས་དེ་བཞིན་གཤེགས་པ་སྨན་པའི་རྒྱལ་པོ་སངས་རྒྱས་ཐམས་ཅད་ཀྱི་རྟོགས་པར་དཀའ་བའི་གནས་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འགྲོ་བ་ཉོན་མོངས་ནད་ཀྱིས་ནི། །རྣམ་པར་
D453.082.0259a01.01གཟེར་ཞིག་ཉེན་པ་ལ། །འཆི་མེད་བདུད་རྩི་སྟེར་མཛད་པ། །སྙིང་པོའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མདངས་མངའ་བ་སངས་རྒྱས་ཐམས་ཅད་ཀྱི་བདག་མེད་ཞི་བའི་ཚུལ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0259a02.01ཀྱི་སེམས་འདི་གསུངས་སོ། །དྲི་མེད་པདྨའི་གདན་བཞུགས་ཤིང་། །མཉམ་པ་སེང་གེའི་ཁྲིར་གནས་ལས། །གཡོས་མེད་རྣམ་འཕྲུལ་དུ་མ་ལས། །བྱང་ཆུབ་ཚུལ་འདི་བསྟན་པ་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་བསོད་རྣམས་དགྱེས་
D453.082.0259a03.01པ་སངས་རྒྱས་ཐམས་ཅད་ཀྱི་རེག་ཏུ་མེད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དངོས་རྣམས་གང་ལའང་མི་གནས་པ། །བར་སྣང་རྒྱུ་བའི་བྱ་བཞིན་དུ། །རྟག་ཏུ་ཐུགས་རྗེས་རྗེས་སུ་འགྲོ་ཞིང་། །བྱང་ཆུབ་སེམས་འདི་བསྟན་
D453.082.0259a04.01པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དགེ་བའི་སྟོབས་སངས་རྒྱས་ཐམས་ཅད་ཀྱི་མཚན་མ་མེད་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྣམ་པར་དཀར་ཞིང་གཙང་བ་ཡི། །ཞེན་མེད་གཞན་དོན་དགེ་སྤྱད་པ།།
D453.082.0259a05.01ཟླ་བ་ཡར་གྱི་ངོ་བཞིན་ཏེ། །བྱང་ཆུབ་ཚུལ་འདི་བསྟན་པ་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་དབྱངས་སྙན་པས་སངས་རྒྱས་ཐམས་ཅད་ཀྱི་མཆོག་ཏུ་ཞི་བ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཞིང་ཁམས་
D453.082.0259a06.01བྱེ་བ་ཕྲག་བརྒྱ་རུ། །མཛད་ཚུལ་མཐའ་ཡས་སྟོན་པ་ནི། །ཡེ་ཤེས་སྤྱོད་པས་དོན་མཛད་པ། །བྱང་ཆུབ་ཚུལ་འདི་བསྟན་པ་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་ཆོས་ཀྱི་དབང་ཕྱུག་སངས་རྒྱས་ཐམས་ཅད་ཀྱི་ཤིན་ཏུ་ཞི་བའི་ཏིང་ངེ་འཛིན་ལ་སྙོམས་པར་ཞུགས་
D453.082.0259a07.01