完整藏文原文 · 德格版页 当前仅加载第 82 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་དེ་བཞིན་གཤེགས་པ་མཆོག་ཏུ་སྲིད་པ་སངས་རྒྱས་ཐམས་ཅད་ཀྱི་བླ་ན་མེད་པའི་སྙིང་པོ་ཞེས་བྱ་བའི་སངས་རྒྱས་ཐམས་ཅད་ཀྱི་འབྱུང་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །རྒྱལ་བ་ཀུན་གྱི་དགོངས་པ་རྣམས། །
D453.082.0155a01.01སོ་སོའི་རིག་པའི་རྩལ་གྱིས་ནི། །སྙིང་པོ་གཅིག་པར་ཤེས་པར་བྱ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བཅོམ་པ་མེད་པས་སངས་རྒྱས་ཐམས་ཅད་ཀྱི་རྔ་སྒྲའི་དབྱངས་ཀྱིས་འགྲོ་བ་བསྐུལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D453.082.0155a02.01ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་ཞིང་ཁམས་སྦྱོང་བ་དང་། །གང་དུ་འགྲོ་བ་འདུལ་བ་དག །ནམ་མཁའི་དབྱིངས་ཀྱིས་ཀུན་དུ་བརྡུང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མི་གནས་པ་སངས་རྒྱས་ཐམས་ཅད་ཀྱི་
D453.082.0155a03.01ཆོས་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་རང་བྱུང་སྟོང་ཉིད་སྒྲ། །གདུལ་བྱ་མོས་པའི་སྣང་བ་ལ། །སངས་རྒྱས་རྣམས་ཀྱིས་ཀུན་དུ་བསྒྲགས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་
D453.082.0155a04.01ནས་དེ་བཞིན་གཤེགས་པ་བདེ་གནས་དབང་པོ་སངས་རྒྱས་ཐམས་ཅད་ཀྱི་ཟབ་པའི་གནས་མི་ཕྱེད་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་ཟག་མེད་འོད་གསལ་བ། །སྐྱེ་བ་མེད་ཅིང་ཤིན་ཏུ་ཕྲ། །མཚན་ཉིད་དངོས་པོས་
D453.082.0155a05.01སྟོང་པའི་ཆོས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚོགས་ཅན་གཙོ་བོ་སངས་རྒྱས་ཐམས་ཅད་ཀྱི་ཏིང་ངེ་འཛིན་མི་ཟད་པ་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །
D453.082.0155a06.01སྣ་ཚོགས་སེམས་ཅན་སེམས་རྒྱུད་ནི། །ངོ་བོ་ཉིད་ཀྱིས་རང་སྟོང་པས། །མི་ཕྱེད་ཡེ་ཤེས་གནས་པ་པོ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་འགྲོ་བའི་འོད་ཟེར་སངས་རྒྱས་ཐམས་ཅད་ཀྱི་འོད་ཟེར་འབྱུང་བ་རྡོ་རྗེ་ཞེས་
D453.082.0155a07.01