完整藏文原文 · 德格版页 当前仅加载第 82 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
ནམ་མཁའི་ཁམས། །གཞི་དང་རྟེན་དང་ཁྱབ་བྱེད་པའོ། །མི་གསལ་ཕ་ཞིང་བརྟག་དཀའ་བས། །རྣམ་པར་ཤེས་པའི་སྣང་བ་ལ། །སྣང་བ་མངོན་པར་ཐོབ་པ་ལས། །བག་ཆགས་ས་བོན་ཡུལ་རྣམས་ཀྱིས། །ཐམས་ཅད་རང་ལས་འབྱུང་བ་ཉིད། །མི་གནས་ཡེ་ཤེས་ལུས་
D453.082.0174b01.01ལ་གནས། །ཡེ་ཤེས་ལུས་ནི་འགག་མེད་དེ། །དངོས་མེད་སྟོང་པར་མི་འགྱུར་ཏེ། །ལུས་མེད་ལུས་ནི་རོ་མཉམ་པ། །ལུས་ལ་ཐོག་མ་དམིགས་སུ་མེད། །ཐ་མ་འགག་བ་མེད་པ་སྟེ། །གསང་བ་གསུམ་དུ་རྣམ་སྦས་པས། །དེ་བཞིན་གཤེགས་པའི་ཡེ་ཤེས་སྐུ། །འདི་ནི་
D453.082.0174b02.01འཁོར་འདས་ཀུན་གྱི་རྩ། །ཉམས་དང་མྱོང་བ་དབྱེར་མེད་དེ། །ཞི་གནས་ལྷག་མཐོང་གཟུགས་ཅན་ཡིན། །བདེ་དང་གསལ་བ་མི་རྟོག་པས། །སྣང་བ་གསུམ་གྱི་རྣམ་པ་སྟེ། །དེ་ཉིད་ཞེན་པས་འཆིང་བས་ན། །སྲིད་པ་གསུམ་ནི་རྟག་པའི་དངོས། །ཕྲ་བའི་ལུས་
D453.082.0174b03.01ངག་ཡིད་གསུམ་ལ། །གསང་བའི་སྐུ་གསུང་ཐུགས་ཡེ་ཤེས། །རྡོ་རྗེ་གསུམ་དུ་གསང་བ་ཉིད། །གསང་བ་བསམ་གྱིས་མི་ཁྱབ་པ། །འགྲོ་ཀུན་བདེ་གཤེགས་རང་བཞིན་ཅན། །ལུས་ནི་སྣ་ཚོགས་མི་བཟད་པས། །སྐུ་ཡི་གསང་བ་བསམ་མི་ཁྱབ། །དུ་མའི་
D453.082.0174b04.01གཟུགས་ཀྱིས་སྟོན་པར་བྱེད། །འགྲོ་བ་ཆོས་ལམ་དཔལ་ལྡན་པས། །ངག་གི་བརྗོད་པ་མཐའ་ཡས་པ། །གསུང་གི་གསང་བ་བསམ་མི་ཁྱབ། །སྒྲ་དབྱངས་སོ་སོའི་སྐད་དུ་སྒྲོགས། །སེམས་ཅན་སངས་རྒྱས་སྙིང་པོ་ཅན། །སེམས་ནི་དྲན་རྟོག་དཔག་མེད་པས། །
D453.082.0174b05.01ཐུགས་ཀྱི་གསང་བ་བསམ་མི་ཁྱབ། །སེམས་ཅན་སྐུ་གསུང་དབྱེར་མེད་པས། །ལུས་ངག་ཡིད་གསུམ་མི་ཕྱེད་པ། །རྡོ་རྗེ་གསུམ་དུ་རྟག་གནས་པས། །དེ་ཕྱིར་རྒྱལ་བའི་ཡེ་ཤེས་སྐུ། །དབྱེར་མེད་བསམ་གྱིས་མི་ཁྱབ་པའོ། །གསང་བ་བསམ་གྱིས་མི་ཁྱབ་པ་
D453.082.0174b06.01བརྗོད་དུ་མེད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །དེ་ནས་བྱང་ཆུབ་སེམས་དཔའ་ཆེ། །ཀུན་དུ་བཟང་པོས་ལེགས་ཞུས་པ། །རྣལ་འབྱོར་རྒྱུད་འདིར་གསུངས་པ་ཡི། །རླུང་གི་དབྱེ་དུས་མཚན་ཉིད་དང་། །སྤྲོ་བསྡུ་རིམ་པ་རྒྱུ་ཚུལ་དང་། །ཁྱད་པར་གསང་བ་བཤད་དུ་གསོལ། །
D453.082.0174b07.01