完整藏文原文 · 德格版页 当前仅加载第 82 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་འབྱུང་བ། །བསྐྱེད་དང་གནས་པ་འཇིག་ཚུལ་དུ། །འདིར་ནི་རྒྱས་པར་བསྟན་པའོ། །དེ་ལྟར་བཅོམ་ལྡན་མགོན་གསུངས་ལ། །སངས་རྒྱས་བྱང་ཆུབ་སེམས་དཔའི་ཚོགས། །ཐམས་ཅད་དགྱེས་པ་བསྐྱེད་གྱུར་ཅིང་། །ཀུན་དུ་བཟང་པོའི་ཚུལ་འདི་ཞུས། །
D453.082.0304b01.01མངོན་པར་བྱང་ཆུབ་ཡེ་ཤེས་ལས། །རིགས་ཀྱི་ཁྱད་པར་འབྱུང་བའི་དོན། །འགྲོ་བ་སངས་རྒྱས་རྣམ་པ་ཅན། །ངོ་བོ་ཉིད་ཤེས་སྙིང་པོའི་གནས། །རྡོ་རྗེ་འཛིན་པས་གང་གསུངས་པ། །གཟུགས་དང་ཚོར་བ་འདུ་ཤེས་དང་། །འདུ་བྱེད་རྣམས་ནི་ཕུང་པོ་རུ། །རགས་
D453.082.0304b02.01དང་ཕྲ་དང་ཤིན་ཏུ་ཕྲ། །ལུས་འདི་དངོས་པོའི་ཚུལ་རྟོགས་པས། །ཕུང་པོར་ངེས་པར་སྐྱེས་པ་ཡིན། །སྲིད་པ་སྐྱེ་བའི་རིམ་ཤེས་པས། །རྫོགས་པའི་སངས་རྒྱས་ཐོབ་བྱའི་ཕྱིར། །འདི་ནི་རྣམ་པ་ཀུན་མཁྱེན་པའི། །ཡེ་ཤེས་མཆོག་གི་གཉེན་གྱིས་
D453.082.0304b03.01གསུངས། །དེ་དག་སྒྲིབ་པ་རྣམ་སེལ་སོགས། །ཀུན་གྱིས་ཐོས་ཤིང་ཁོང་ཆུད་ལ། །ལེགས་སོ་ལེགས་སོ་ཞེས་བརྗོད་ཅིང་། །ངོ་མཚར་གྱུར་ཅིང་རྨད་བྱུང་བའི། །དགོངས་པ་ཅང་ནི་མི་གསུང་བཞུགས། །འདི་དག་ཆོས་ཀུན་རབ་ཏུ་ཞི་ཞིང་གཉིས་མེད་པ། །
D453.082.0304b04.01ཕྱོགས་བཅུ་ཀུན་ནས་སྣང་བའི་རྒྱལ་བ་དེ་བཞིན་གཤེགས། །དུས་གསུམ་སེམས་ཅན་ཁམས་རྣམས་འདུལ་བའི་དབང་བསྐུར་བ། །ལམ་རྒྱུད་མ་ལུས་གནས་ལས་གྲོལ་བྱེད་མཆོག་འདིར་རྒྱལ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་
D453.082.0304b05.01གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས་སངས་རྒྱས་ཐམས་ཅད་ཀྱིས་སེམས་ཅན་གྱི་ཁམས་བསྐྱེད་པ་དང་བསྡུ་བའི་དོན་བསྟན་པའི་ལེའུ་སྟེ་བདུན་ཅུ་གཉིས་པའོ།། །།དེ་ནས་རྒྱལ་པོ་རྡོ་རྗེ་འཛིན། །
D453.082.0304b06.01གསང་བ་དཔལ་ལྡན་བྱང་ཆུབ་སེམས། །སྲིད་ཞི་མཉམ་པར་སྡུད་མཛད་པ། །འབར་བ་དྲག་པོས་ཚུལ་འདི་གསུངས། །དཔལ་ལྡན་ཡིད་བཞིན་ནོར་བུའི་གནས། །སྤྱོད་པ་སྦྱིན་པའི་ཚུལ་བསྟན་པ། །གསང་བ་འགྲོ་བའི་དགོས་འདོད་སྐོང་། །ནོར་སྟེར་ལྕམ་དྲལ་
D453.082.0304b07.01