完整藏文原文 · 德格版页 当前仅加载第 82 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོམ་ལ་རྣམ་པར་བརྩོན། །རྒྱལ་བ་གཅིག་པུར་གནས་ཐོབ་མི་བྱེད་ཅིང་། །ཆོས་རྣམས་མི་མཉམ་མེད་པར་རབ་ཏུ་སྤྱད། །དེ་ནི་བསམ་པ་མཐར་ཐུག་རབ་བརྟན་པས། །རྒྱལ་བའི་བྱང་ཆུབ་སྤྱོད་པའི་གནས་འདི་ཡིན། །རི་རབ་བཞིན་དུ་མི་གཡོ་བརྟན་པ་ཡིས། །
D453.082.0274b01.01དེ་ཡི་བསམ་པ་བྱང་ཆུབ་མཆོག་ལ་བརྟེན། །མཉམ་བཞག་སེམས་དང་ལྡན་པས་དེ་བརྩོན་ཏེ། །བསམ་གཏན་ཡེ་ཤེས་ཡིད་ཀྱིས་རབ་ཏུ་སྤྱོད། །བསྐལ་པ་སྟོང་དུ་སྤྱད་པ་སྤྱོད་བྱེད་ཀྱང་། །གསང་བ་འདི་དང་བྲལ་བར་མི་བྱེད་ཅིང་། །དེ་ཡི་བརྩོན་འགྲུས་འཇིག་པར་མི་
D453.082.0274b02.01འགྱུར་རོ། །གསང་ཆེན་ཐེག་པ་འདི་ནི་གང་རྙེད་པ། །མི་དེ་ཕྱིར་མི་ལྡོག་ལ་གནས་པ་ཡིན། །སྲིད་པ་ལྟ་བ་མ་ལུས་གཅོད་བྱེད་པ། །སྐྱེས་བུ་དཔའ་བོ་ཉིད་ནི་འབྱུང་བར་འགྱུར། །འདི་དག་གསང་བ་ཡང་དག་དོན་འཇུག་སྟེ། །རྒྱལ་བའི་དགོངས་པ་མཐར་ཐུག་ངེས་
D453.082.0274b03.01རྟོགས་ཡིན། །ཆོས་ཉིད་ཞི་བའི་མཐར་ཐུག་ཐོབ་གྱུར་པས། །དེ་ལ་མི་དགའི་ཡིད་བྱེད་གང་ཡང་མེད། །དཔེ་མེད་ཡེ་ཤེས་ཇི་སྐད་གསུངས་པ་ལྟར། །དེ་ཡིས་ཆོས་རྣམས་མཉམ་པ་ཉིད་དུ་བྱེད། །མི་མཉམ་ཚུལ་དུ་རྟོགས་པར་མི་བྱེད་ཅིང་། །ཡེ་ཤེས་མཉམ་ཉིད་
D453.082.0274b04.01ཡོངས་སུ་རྫོགས་པར་བསྒྲུབ། །དམ་ཚིག་གནས་ལ་ངེས་པར་བརྩོན་པ་ཡིས། །ཉམས་པ་མེད་པར་སྡོམ་ལས་རྒྱུད་བསྡམས་ཏེ། །གསང་བའི་ཏིང་འཛིན་མཐའ་ཡས་སྒོ་ཐོབ་པས། །དེ་བཞིན་གཤེགས་པ་རྩ་བའི་རྒྱུད་དག་ཏུ། །གསུངས་པ་ཐུབ་པའི་དགོངས་པ་
D453.082.0274b05.01མ་ནོར་བར། །དོན་གསལ་ཁོང་དུ་ཆུད་པ་རྒྱལ་བའི་སྲས། །ཚེ་འདིར་བླ་མེད་མངོན་པར་བྱང་ཆུབ་འཐོབ། །བྱང་ཆུབ་སེམས་དཔའ་རྣམས་ཀྱི་གསང་བ་བླ་ན་མེད་པའི་ཚུལ་ཡོངས་སུ་འབྱུང་བའི་ཏིང་ངེ་འཛིན་ཏོ། །དེ་ནས་བཅོམ་ལྡན་རྡོ་རྗེ་འཛིན་པ་ཡིས། །སྤྱོད་ལམ་
D453.082.0274b06.01ཀུན་དུ་མཉམ་པའི་ཡིད་ཀྱིས་ནི། །སྲོག་དང་རྩོལ་བ་ཤིན་ཏུ་མ་བསྡམས་པ། །གསང་སྔགས་རྒྱལ་པོ་གསལ་བར་བརྗོད་པར་བྱ། །སྐུ་ལ་སོགས་པ་བཞིན་དུའང་བསམ་པ་ནི། །ཅིག་ཅར་སྤྲོ་བ་དག་ནི་ལེགས་པར་བྱ། །ནམ་མཁའི་ཁམས་དང་མཉམ་པའི་སྐུ་སོགས་
D453.082.0274b07.01