完整藏文原文 · 德格版页 当前仅加载第 82 函德格 314a 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་ཅུང་ཟད་འབར་བའི་དགེ། །ལ་ཞེས་གསལ་བའི་ཚིག་བརྗོད་པ། །ཝ་ཞེས་བདེན་སྨྲ་གཡོ་མེད་པ། །ཤ་ཞེས་{བརྫུན་,རྫུན་}དུ་སྨྲ་བྱེད་པ། །ཥ་ཞེས་དེ་བཞིན་ཉིད་དེས་བྱེད། །ས་ཞེས་ཉེ་བར་མི་འདོད་པ། །ཧ་ཞེས་སྦྱིན་པར་བྱེད་པ་ཡིན། །ཀྴ་ཞེས་ཀུན་དུ་བསྐུལ་འདོད་པ། །ཀླ་ཞེས་
D453.082.0314a01.01པ་ནི་དེ་བཞིན་དེས། །སླ་ཞེས་པ་ནི་དཔའ་བར་འདོད། །ལླ་ཞེས་བག་མེད་ཤེས་བཞིན་བྲལ། །ཤླ་ཞེས་གཡོ་སྒྱུ་སྟོན་པ་དང་། །དྷ་ཞེས་མི་སྲུན་པར་འབྱུང་ཞིང་། །ད་ཞེས་བྱས་གྱུར་འགྲོ་བར་བྱེད། །འདི་ནི་ཀུན་དུ་རྟོག་པར་འགྱུར། །ཨ་ཨཱ་ཞེས་པར་གྱུར་པ་གང་། །བར་མའི་ཆགས་
D453.082.0314a02.01གྱུར་མ་རིག་ཆེ། །ཨི་ཨཱི་ཞེས་པ་བར་མ་སྟེ། །རྗེས་སུ་འཛིན་པ་མེད་པ་ལ། །ཨུ་ཨཱུ་ཞེས་པ་རྣམ་གནོན་པས། །འགྲུབ་པ་ཉིད་དུ་གནས་པ་ཡིན། །ཨེ་ཨཻ་ཞེས་པ་ཐོབ་པའི་ཆ། །འགོག་པ་ལ་ནི་འཇུག་པའོ། །ཨོ་ཨཽ་ཞེས་པ་ཐ་མ་སྟེ། །ཡིད་ནི་སྐྱོ་བར་གྱུར་པའོ། ཨ་ཨཿ བཅས་
D453.082.0314a03.01པ་འཐིབས་པ་ཉིད། །ལེ་ལོ་སྙོམ་ལས་གྱུར་པའོ། །རྀ་རཱྀ་ལྀ་ལཱྀ་འབྱུང་བ་ལས། །མི་ཕྱེད་ཐེ་ཙོམ་གྱུར་པ་སྟེ། །འདི་དག་ཕྲ་དང་རགས་པ་དང་། །བར་མའི་དབྱེ་བ་བསྟན་པ་ཡིན། །ཐོག་མ་དང་ནི་ཐ་མ་དང་། །དབུས་སུ་འབྱུང་བའི་སྐད་ཅིག་མ། །སྐྱེ་དང་འགག་དང་གནས་པ་ལས། །
D453.082.0314a04.01རང་བཞིན་ཐ་མ་རྟོག་ལས་འབྱུང་། །དེ་ཉིད་འགྲོ་དང་འོང་བ་དང་། གནས་པ་ཡི་ནི་རླུང་གི་ཆ། །ཐབས་དང་ཤེས་རབ་དབྱེ་བ་ཡི། །ཉིན་དང་མཚན་དུ་འབྱུང་བ་ནི། །བརྒྱད་ཅུ་ཕྲག་གཉིས་ཉེ་བར་འབྱུང་། །ས་བོན་ཆ་དང་རྣམ་པར་སྨིན། །ཡུལ་གྱུར་རྐྱེན་འབྱུང་འདི་དག་ནི། །ཀུན་དུ་རྟོག་
D453.082.0314a05.01པ་ཆེན་པོ་སྟེ། །འདི་ལས་དགེ་དང་མི་དགེ་བྱུང་། །དེ་ལས་བག་ཆགས་ལས་བྱུང་བ། །བདེ་འགྲོ་དང་ནི་ངན་འགྲོའི་རྒྱུན། །རྟེན་འབྲེལ་བཅུ་གཉིས་དག་གིས་འཁོར། །འདི་དག་ལུགས་ལས་བཟློག་གྱུར་ན། །རང་བྱུང་རྣལ་འབྱོར་པ་ནི་འགྱུར། །འདིར་ནི་ཚོགས་པ་ལས་སྐྱེ་བ། །རྟེན་འབྲེལ་
D453.082.0314a06.01ཙམ་དུ་འབྱུང་བ་ཡིན། །རིགས་ཀྱི་བུ་དག་འདི་ལྟ་སྟེ། །དཔེར་ན་གཙུབ་ཤིང་གཙུབ་བསྟན་དང་། །སྐྱེས་བུའི་ལག་པའི་རྩོལ་པ་ཡི། །རྐྱེན་གྱིས་རབ་ཏུ་བསྐུལ་གྱུར་ན། །དུ་བ་མེ་དང་འབར་བཅས་པ། །ཇི་བཞིན་བར་ནས་འབྱུང་མོད་ཀྱི། །ལེགས་པར་བརྟགས་ཤིང་བཙལ་བ་ན། །མེ་དེ་གང་
D453.082.0314a07.01