完整藏文原文 · 德格版页 当前仅加载第 82 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
ལས་ཀྱི་རིགས་ཀྱི་ཡུམ་གྱུར་པ། །སྣ་ཚོགས་སྒྲོལ་མ་ཕྱག་འཚལ་ལོ། །བྱང་ཆུབ་སེམས་དཔའ་སེམས་ཆེན་པོ། །རྩ་རྒྱུས་ཁམས་ནི་དག་པའི་སྐུ། །ཉོན་མོངས་རྣམ་དག་བྱམས་པ་ནི། །རྒྱལ་བའི་རྡོ་རྗེ་ཕྱག་འཚལ་ལོ། །བྱང་ཆུབ་སེམས་དཔའ་སེམས་ཆེན་པོ། །མིག་གི་
D453.082.0119b01.01སྐྱེ་མཆེད་སྦྱོང་མཛད་ཅིང་། །ས་ཡི་སྙིང་པོ་དེ་བཞིན་གཤེགས། །སྐུ་ཡི་རྡོ་རྗེ་ཕྱག་འཚལ་ལོ། །བྱང་ཆུབ་སེམས་དཔའ་ཆེན་པོ་ནི། །རྣ་བའི་སྐྱེ་མཆེད་རྣམ་དག་པ། །ཕྱག་ན་རྡོ་རྗེ་མཐུ་སྟོབས་ཅན། །ཐུགས་ཀྱི་རྡོ་རྗེ་ཕྱག་འཚལ་ལོ། །བྱང་ཆུབ་སེམས་དཔའ་ཆེན་
D453.082.0119b02.01པོ་ནི། །སྣ་ཡི་སྐྱེ་མཆེད་སྦྱོང་གྱུར་པའི། །ནམ་མཁའི་སྙིང་པོའི་མཆོག་གྱུར་པ། །ཏིང་འཛིན་རྡོ་རྗེ་ཕྱག་འཚལ་ལོ། །བྱང་ཆུབ་སེམས་དཔའ་སེམས་དཔའ་ཆེ། །ལྕེ་ཡི་སྐྱེ་མཆེད་དག་བྱེད་པ། །འཇིག་རྟེན་དབང་ཕྱུག་བླ་ན་མེད། །གསུང་གི་རྡོ་རྗེ་ཕྱག་འཚལ་ལོ། །
D453.082.0119b03.01བྱང་ཆུབ་སེམས་དཔའ་ཞི་བ་ཆེ། །ཡིད་ཀྱི་སྐྱེ་མཆེད་རྣམ་དག་ཅིང་། །དག་པའི་སེམས་མཆོག་འཇམ་དབྱངས་སྐུ། །ནམ་མཁའི་རྡོ་རྗེ་ཕྱག་འཚལ་ལོ། །བྱང་ཆུབ་སེམས་དཔའ་ཐེག་པ་ཆེ། །ལུས་ཀྱི་སྐྱེ་མཆེད་དག་པ་པོ། །སྒྲིབ་པ་ཐམས་ཅད་རྣམ་སེལ་མཛད། །
D453.082.0119b04.01དམ་ཚིག་རྡོ་རྗེ་ཕྱག་འཚལ་ལོ། །བྱང་ཆུབ་སེམས་དཔའ་རྒྱལ་དབང་པོ། །འགྲོ་བའི་སེམས་རྒྱུད་སྦྱོང་མཛད་པ། །ཀུན་དུ་བཟང་པོ་ཡེ་ཤེས་རོལ། །ཆོས་དབྱིངས་རྡོ་རྗེ་ཕྱག་འཚལ་ལོ། །རྡོ་རྗེ་གཟུགས་ནི་ཡིད་དུ་འོང་། སྣང་སྟོང་ཀུན་དུ་རོལ་པ་ཡིས། ཆོས་རྣམས་
D453.082.0119b05.01སྒྱུ་མའི་ཆོ་འཕྲུལ་སྟོན། གཟུགས་ཀྱི་ལྷ་མོ་ཕྱག་འཚལ་ལོ། །རྡོ་རྗེའི་སྒྲ་ནི་ཡིད་དུ་འོང་། །སྒྲ་དང་སྒྲ་མིན་ལས་གྲོལ་བ། །སྟོང་ཉིད་རང་སྒྲ་འབྱུང་བ་པོ། །སྒྲ་ཡི་ལྷ་མོ་ཕྱག་འཚལ་ལོ། །རྡོ་རྗེའི་དྲི་ནི་ཡིད་འོང་མཆོག །སངས་རྒྱས་ཐུགས་མཆོད་བདེ་བ་ཆེ། །ལོག་
D453.082.0119b06.01པ་སད་པར་བྱེད་པ་པོ། །དྲི་ཡི་ལྷ་མོ་ཕྱག་འཚལ་ལོ། །རྡོ་རྗེ་རོ་ནི་དགའ་བའི་སྐུ། །དྲི་མེད་བདུད་རྩི་འཐོབ་བྱེད་ཅིང་། །དཀྱིལ་འཁོར་མ་ལུས་མཆོད་བྱེད་པ། །རོ་ཡི་ལྷ་མོ་ཕྱག་འཚལ་ལོ། །ཡ་མཱནྟ་ཀྲྀཏ་སྔགས་ལས་སྐྱེས། །སྐུ་ཡི་གསང་བ་ཁྲོ་བོ་ཆེ། །དབང་པོ་
D453.082.0119b07.01