完整藏文原文 · 德格版页 当前仅加载第 82 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
ནས། །འོད་ཟེར་ལྔ་ནི་རྫོགས་པར་སྤྲོ། །དུག་བསྡུ་བ་ནི་ཁ་དོག་ནག །བསྐུལ་བའི་ཞི་བྱེད་དཀར་པོ་ཡིན། །བསམ་གཏན་གནས་ནི་གསང་བ་གང་། །ཡེ་ཤེས་དྲི་མེད་གསང་ཆེན་ཡིན། །དེ་ལ་འདིས་ནི་ཉེ་བའི་དུག་ཐམས་ཅད་དྲང་བའི་སྙིང་པོའོ། །གང་དུས་
D453.082.0306a01.01བདག་ཀླུ་ལས་གྱུར། །གནོད་པ་ངན་པ་བྱུང་གྱུར་པ། །འདིས་ནི་སྐད་ཅིག་དག་གིས་ཀྱང་། །ངེས་པར་ཞི་བར་བྱེད་པ་ཡིན། །དཔལ་ལྡན་སེང་གེ་སྒྲ་སྦྱོར་བས། །གདུག་པའི་འཚེ་བ་ཞི་བྱེད་པ། །པད་སྡོང་ཐོད་པ་བདུད་རྩི་བཅས། །དེ་ནི་མེ་ཏོག་རབ་བཀང་བ། །ཏྲི་ཤཱུལ་
D453.082.0306a02.01ས་གསུམ་གནས་ལས་སྐྱོབས། །རྒྱལ་པོ་རོལ་པའི་ཚུལ་བསྟན་པའོ། །ཐུགས་རྗེས་དུག་སེལ་བར་མཛད་པ་རྡོ་རྗེའི་ཏིང་ངེ་འཛིན་ཏོ། །དེ་ནས་བཅོམ་ལྡན་འདས་དམ་ཚིག་ཆེན་པོ་དེ་ཁོ་ན་ཉིད་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དམ་ཚིག་ཆེན་པོའི་རྡོ་རྗེ་
D453.082.0306a03.01གསུམ་གྱི་གསང་བ་གསང་བ་གསུམ་གྱི་དམ་ཚིག་གི་དེ་ཁོ་ན་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུངས་པའོ། །ནམཿས་མནྟ་ཀཱ་ཡ་བཱ་ཀྩི་ཏྟ་བཛྲཱ་ནཱཾ། ཨོཾ་ཨཱཿཨུཥྞཱི་ཥ་བཛྲ། ཙཀྲ་བིརྟི། བིཙཱུར། ཞུཥྵཱིཥ་བི་ཛ་ཡ། ཙཀྲ་བི་རྟིཿ། བྷྲཱུྃ་བྷྲཱུྃ་བྷྲཱུྃ། ཧཱུྃ་ཧཱུྃ་ཧཱུྃ། ཨ་མུ་ཀྃ་མཱ་ར་ཡ་ཕཊ། དེ་
D453.082.0306a04.01ནས་འདི་ནི་གསུངས་ཙམ་གྱིས། །རིག་པའི་རྒྱལ་པོ་རྗེས་སུ་དྲན། །སངས་རྒྱས་རྡོ་རྗེ་སྐུ་གསུམ་ལ། །རྡོ་རྗེ་སེམས་དཔའ་རྣམ་པར་བསྒོམས། །ཞགས་པ་རྡོ་རྗེ་ལྕགས་ཀྱུ་འཛིན། །སངས་རྒྱས་འགུགས་པ་དམ་ཚིག་ཡིན། །སངས་རྒྱས་སྐུ་གསུམ་སྦྱོར་བ་ཡིན། །འཁོར་ལོ་ཆེན་པོའི་སྦྱོར་
D453.082.0306a05.01བ་ཡིས། །རྡོ་རྗེ་སེམས་དཔའ་རྒྱལ་ཆེན་པོ། །རྟག་ཏུ་ངེས་པར་འགུགས་པར་འགྱུར། །འདི་ནི་ཡེ་ཤེས་མེ་སྦྱོར་བས། །སྤར་བའི་དངོས་གྲུབ་གནས་ཐོབ་བྱེད། །རྡོ་རྗེ་མི་ཕྱེད་གསུམ་བསྒོམས་པས། །སྐུ་གསུང་ཐུགས་ཀྱི་རྡོ་རྗེ་ཆེ། །རྡོ་རྗེ་ལྕགས་ཀྱུའི་འོད་ཟེར་གྱིས། །སྔགས་
D453.082.0306a06.01རྣམས་ཐམས་ཅད་འགུགས་པའི་མཆོག །རྡོ་རྗེ་ལས་བྱུང་ཐམས་ཅད་པ། །རང་སྔགས་སྐྱེས་བུ་བསྒོམས་ནས་ནི། །རབ་ཏུ་མཛེས་མའི་མཆོག་རྣམས་ཀྱིས། །སྙིང་གར་རྡོ་རྗེ་འབར་བར་སྦྱར། །རླུང་གི་དཀྱིལ་འཁོར་སྦྱོར་བ་ཡིས། །ངེས་པར་རྟག་ཏུ་འགུགས་པར་འགྱུར། །སྐུ་གསུང་
D453.082.0306a07.01