完整藏文原文 · 德格版页 当前仅加载第 82 函德格 257b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ཀྱི་ཡེ་ཤེས་གྲུབ་པ་མེད་པའི་ཆོས་ཀྱི་ཚུལ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྐྱེ་བ་འདི་ནི་མ་སྐྱེས་པས། །རང་རིག་བདག་ཉིད་ཇི་ལྟར་བསྐྱེད། །དངོས་མེད་གནས་ལས་གྲོལ་བྱའི་ཕྱིར། །བྱང་ཆུབ་ཚུལ་འདི་བསྟན་
D453.082.0257b01.01པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚོགས་ཅན་བླ་མེད་སངས་རྒྱས་ཐམས་ཅད་ཀྱི་བདུད་རྩིའི་ཕྲེང་བ་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མོས་པ་དམན་པའི་སེམས་ཅན་ལ། །ཉན་ཐོས་རང་
D453.082.0257b02.01རྒྱལ་ལ་སོགས་པ། །རྫས་སུ་གྲུབ་འདོད་དེ་བྲལ་ཆོས། །སྟོང་ཉིད་ཙམ་དུའང་བསྟན་པ་ཡིན། །ཞེས་གསུངས་སོ། །དེ་ནས་དེ་བཞིན་གཤེགས་པ་གྲོལ་བའི་རྒྱལ་པོ་སངས་རྒྱས་ཐམས་ཅད་ཀྱི་སྤྲོས་པ་མེད་པའི་ཚུལ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་
D453.082.0257b03.01སེམས་འདི་གསུངས་སོ། །ཐོབ་པ་མེད་ཅིང་འབྲེལ་མེད་པ། །བྱེ་བྲག་མདོ་སྡེའི་རིགས་ལས་འདས། །སེམས་ཙམ་དུ་ཡང་བཤད་པས་ན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དགའ་བའི་འོད་སངས་རྒྱས་ཐམས་ཅད་
D453.082.0257b04.01ཀྱི་དོན་ཡོངས་སུ་སྡུད་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འདྲེན་པའི་ཐར་ལམ་གསང་བ་ནི། །སྐྱོན་མེད་ཤིན་ཏུ་ཡོངས་གསལ་བར། །ཐུབ་པ་ཉི་མ་བདེ་བའི་ལམ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་
D453.082.0257b05.01སོ། །དེ་ནས་དེ་བཞིན་གཤེགས་པ་བྱང་ཆུབ་རྒྱལ་མཚན་སངས་རྒྱས་ཐམས་ཅད་ཀྱི་རིན་པོ་ཆེའི་རི་རབ་ཀྱི་ཟོམ་ལ་གནས་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རིང་གནས་ས་གསུམ་གནས་པ་ཡི། །ཡེ་ཤེས་དཔག་མེད་ནོར་བུ་
D453.082.0257b06.01ཡིས། །བློ་ཡི་གཏེར་དང་མཚུངས་པར་འགྱུར། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་རིན་ཆེན་སངས་རྒྱས་ཐམས་ཅད་ཀྱི་ཕྲིན་ལས་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0257b07.01