完整藏文原文 · 德格版页 当前仅加载第 82 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཀྱང་། །སྙིང་པོ་སྔགས་ཀྱི་འོད་ཟེར་ལྕགས་ཀྱུ་ཡིས། །དྲངས་ནས་བདེ་བར་གཤེགས་རྣམས་བསྒོམ་པར་བྱ། །ཤེས་རབ་ཐབས་ཀྱི་རང་བཞིན་དྲི་མེད་པའི། །ཏིང་འཛིན་ལས་བྱུང་བུམ་པའི་བདེས་གང་བའི། །འཁོར་ལོ་བསམས་ནས་དེ་
D453.082.0273a01.01ནས་གཤིན་རྗེ་ཡི། །མཐར་བྱེད་ཚོགས་བཅུས་བར་ཆད་བསྲུང་བར་བྱ། །རང་གི་སྙིང་པོ་མངོན་བཟླས་མཆོད་ཡོན་ནི། །ཙནྡན་བཟང་སོགས་མེ་ཏོག་གིས་མཛེས་དབུལ། །རང་ལ་ཇི་ལྟ་བཞིན་དུ་ཀུན་དབང་བསྐུར། །ཆོ་ག་འདི་ཡིས་ཐམས་ཅད་མཆོད་པར་བྱ། །
D453.082.0273a02.01པདྨའི་ནང་གི་ས་བོན་འོད་རྣམས་ཀྱིས། །གཟུགས་ལ་སོགས་པ་ཐམས་ཅད་དྲངས་ནས་ནི། །ཡང་དག་བྱང་ཆུབ་ཡིད་ཀྱི་ངོ་བོ་ནི། །འོད་ཀྱི་དཀྱིལ་འཁོར་དག་ཏུ་བསྒོམ་པར་བྱ། །ཤེས་རབ་བ་སྤུ་རེ་རེ་ལས་སྤྲོས་པའི། །འོད་ཟེར་རྣམ་པ་སྣ་ཚོགས་རྒྱ་ཆེན་ཚོགས། །མ་
D453.082.0273a03.01ལུས་ནམ་མཁའི་ཁམས་ནི་ཀུན་དུ་ཁྱབ། །དེ་ལས་བློ་དང་ལྡན་པས་རབ་ཏུ་སྤྲོ། །འོད་ཀྱི་སྒོ་ལས་ངེས་པར་འབྱུང་བ་ཡི། །ཡན་ལག་དྲི་མེད་རྒྱན་ཀུན་གྱིས་ལེགས་བརྒྱན། །མེ་ལོང་པི་ཝང་གླིང་བུ་རྫ་རྔ་དང་། །བཞད་མ་གླུ་མ་ཕྲེང་མ་གར་མ་དང་། །རྫ་རྔ་ཆེ་དང་མེ་
D453.082.0273a04.01ཏོག་བདུག་སྤོས་དང་། །མར་མེ་དྲི་ཆབ་ཞལ་ཟས་སྣོད་འཛིན་དང་། །གོས་དང་ཆོས་འབྱུང་ལ་སོགས་འཛིན་པ་ཡི། །བཅུ་དྲུག་རིག་མ་ལྷ་མོ་རྣམ་སྒེག་ཅིང་། །རོལ་པའི་ལག་པས་ཀུན་དུ་སྒྱུར་བ་ནི། །འོད་ཀྱི་སྣང་བས་སྤྲུལ་པ་སྣ་ཚོགས་པའི། །མཆོད་པའི་སྤྲིན་གྱི་དྲ་
D453.082.0273a05.01བས་ཁྱབ་པ་དང་། །དངོས་རྣམས་སྒྱུ་མ་ལྟ་བུར་སོ་སོར་ནི། །ཡང་དག་རིག་ཅིང་འཇིག་རྟེན་ལྟ་མཁས་པ། །རྟོག་པ་མ་ལུས་ཀུན་ལས་ངེས་གྲོལ་ཞིང་། །མཆོག་ཏུ་བདེ་བ་བསྐྱེད་པའི་རྒྱུར་གྱུར་པ། །གཟུགས་ལ་སོགས་པ་ལྷ་མོ་རྣམས་དང་ནི། །དེ་བཞིན་ཕྱི་ཡི་དྲི་སོགས་ཐམས་
D453.082.0273a06.01ཅད་ཀྱིས། །རྒྱལ་བའི་དབང་པོ་རྣམས་ནི་ལེགས་མཆོད་ཅིང་། །ཐ་དད་རྣམ་པར་རྟོག་ལས་ངེས་གྲོལ་བའོ། །ཨོཾ་སརྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོ྅་ཧཾ། སྒྲ་ཡི་ཡུལ་རྣམས་མ་ལུས་པ་རྣམས་ནི། །བྲག་ཅའི་སྒྲ་དང་མཚུངས་པར་ངེས་བརྟགས་ལ། །རང་ཡིད་ལྷག་
D453.082.0273a07.01