完整藏文原文 · 德格版页 当前仅加载第 82 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
དྲུག་གི་རྡུལ་དང་མཉམ་པའི་རྣལ་འབྱོར་མའི་ཚོགས་རྣམས་དང་ལྷན་ཅིག་ཏུ། གསང་བའི་སྤྱོད་པ་རྨད་དུ་བྱུང་བ་ཡེ་ཤེས་བདེ་བ་ཆེན་པོའི་རོལ་པ་ལ་ཡོངས་སུ་སྤྱོད་དེ། དེ་དག་ཀྱང་སངས་རྒྱས་དང་བྱང་ཆུབ་སེམས་དཔའ་རྣམས་དང་ལྷན་ཅིག་ཏུ་བདེ་བའི་
D453.082.0121a01.01རོས་ཁྱབ་པར་བྱེད་ཅིང་རང་རང་གི་རིགས་ཀྱི་བདག་པོ་མཆོད་པར་བྱེད་དོ། །དེ་བཞིན་གཤེགས་པ་བསྐལ་པ་གང་གཱའི་ཀླུང་གི་བྱེ་མ་སྙེད་ཁྲག་ཁྲིག་ཕྲག་འབུམ་གྱི་བར་གྱི་སྐུ་གསུང་ཐུགས་རྡོ་རྗེའི་གསང་བ་འདུས་པ་དཔལ་མཆོག་ཆེན་པོ་སྙིང་པོའི་དཀྱིལ་འཁོར་འདི་རྟོགས་
D453.082.0121a02.01པར་བྱེད་པ་སྟེ། དེ་བཞིན་གཤེགས་པ་སྟོང་བྱང་ཆུབ་ཀྱི་སེམས་རྡོ་རྗེའི་ཐུགས་ཀ་ནས་འོད་ཟེར་གྱི་རྩེ་མོ་དུ་མ་ལས་ཕྱུང་སྟེ། གསང་བ་ཆེན་པོའི་ཆོས་གནས་ཀྱི་དོན་མངོན་པར་བརྗོད་པ་རྒྱ་མཚོ་དང་མཚུངས་པ་སྟོན་པར་བྱེད་དོ། །དེ་ནས་བཅོམ་ལྡན་འདས་དེ་བཞིན་
D453.082.0121a03.01གཤེགས་པ་ལོག་པར་དད་སེལ་གྱིས་དེ་བཞིན་གཤེགས་པ་རྣམས་ཀྱི་ཡེ་ཤེས་ལ་འཇུག་པའི་སྒོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་ཐམས་ཅད་དམིགས་མེད་པར། །སྒྱུ་མ་ལྟ་བུར་བསྟན་པ་གང་། །
D453.082.0121a04.01གསང་བའི་ཡེ་ཤེས་རང་འབྱུང་བ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་གསེར་ཐུབ་ཀྱིས་རྣམ་པར་ཐར་པའི་རྡོ་རྗེ་བསམ་གྱིས་མི་ཁྱབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་
D453.082.0121a05.01ཀྱི་སེམས་འདི་གསུངས་སོ། །ཆོས་རྣམས་བསམ་གྱིས་མི་ཁྱབ་པས། །བཅིངས་པ་མེད་ཅིང་གྲོལ་བ་མེད། །ཐམས་ཅད་རྣམ་པར་དག་པའི་དབྱིངས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ་འོད་སྲུང་
D453.082.0121a06.01གིས་རྡོ་རྗེ་མི་ཟད་པ་བྱམས་པ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་བྱང་ཆུབ་ཀྱི་སེམས་འདི་གསུངས་སོ། །ཆོས་རྣམས་རྨི་ལམ་མཚུངས་པ་ལས། །ནམ་མཁའ་ལྟ་བུར་བདག་མེད་པས། །དམིགས་པ་རྣམས་ལས་ཡོངས་གྲོལ་བ། །བྱང་ཆུབ་ཚུལ་འདི་བསྟན་པའོ། །
D453.082.0121a07.01