完整藏文原文 · 德格版页 当前仅加载第 82 函德格 200a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་གཤེགས་པ་ཚངས་པའི་དཔལ་སངས་རྒྱས་ཐམས་ཅད་ཀྱི་ནང་སྟོང་པ་ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཕྱི་ནང་ཐ་དད་མི་གནས་པ། །སེམས་དེ་གང་དུའང་གནས་མེད་དེ། །མདོར་ན་དངོས་མེད་རང་
D453.082.0200a01.01བཞིན་ཅན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྐྱེས་མཆོག་སངས་རྒྱས་ཐམས་ཅད་ཀྱི་ཕྱི་ནང་སྟོང་པ་ཉིད་ཀྱི་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཡང་དག་བསྡུས་པའི་ཆོས་ཅན་ལ། །
D453.082.0200a02.01མ་གྲུབ་པ་ཡི་ངང་ལ་གནས། །དེ་ཉིད་ལྷུན་གྱིས་གྲུབ་པ་སྟེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྤྱན་སྟུག་སངས་རྒྱས་ཐམས་ཅད་ཀྱི་སྟོང་པ་ཉིད་སྟོང་པ་ཉིད་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0200a03.01སོ། །རྟེན་འབྲེལ་ཙམ་དུའང་མི་གནས་པ། །རང་བྱུང་བདག་མེད་སྟོང་པ་ཉིད། །གཉིས་སུ་མེད་པའི་འོད་གསལ་བ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཀླུས་སྦྱིན་སངས་རྒྱས་ཐམས་ཅད་ཀྱི་ཆེན་པོ་སྟོང་པ་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་
D453.082.0200a04.01པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ཡེ་ཤེས་སྒྲོན་མེ་འབར་བ་ནི། །མི་ཟད་དུ་མ་རོ་གཅིག་པའི། །དྲན་པས་སྟོང་པ་བདེ་བ་ཉིད། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བདེན་པའི་ཏོག་སངས་རྒྱས་ཐམས་ཅད་ཀྱི་དོན་དམ་པ་སྟོངས་
D453.082.0200a05.01ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་བསྒོམ་དུ་མེད་པའི་དངོས། །བསྒོམ་པ་ཙམ་དུ་འཛིན་མེད་དེ། །མཐའ་ལས་གྲོལ་བ་མི་གནས་པ། །གསང་བ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དཔལ་
D453.082.0200a06.01བརྒྱན་པ་སངས་རྒྱས་ཐམས་ཅད་ཀྱི་འདུས་བྱས་སྟོང་པ་ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རང་རིག་ལས་ནི་བྱང་ཆུབ་འགྱུར། །རྟོག་པས་སྟོང་པའི་ཆོས་ཉིད་ལས། །མཉམ་རྗེས་ལྷག་མཐོང་སྤྱོད་པ་ཅན། །བྱང་ཆུབ་ཚུལ་འདི་བསྟན་པའོ། །
D453.082.0200a07.01