完整藏文原文 · 德格版页 当前仅加载第 82 函德格 166b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་བསྟན་པའོ། །ཞེས་གསུངས་སོ། །འགྲོ་བ་རྣམས་ཀྱི་བདེ་བ་རྟགས་དང་བཅས་འབྱུང་བ། །གང་ཡིན་མཚན་མ་སྤངས་པར་གྱུར་པའི་ཕྱིར། །རང་བྱུང་ངོ་བོ་ཡེ་ཤེས་བདག་ཉིད་དེ། །རྟོགས་པས་སྟོང་པའི་བདེ་བ་མི་ཟད་ཡིན། །རླུང་གི་རྟོག་པའི་རྗེས་སུ་འཇུག་པ་
D453.082.0166b01.01ནི། །བདེ་བ་རང་སེམས་ངོ་བོ་དམ་པས་ནི། །ཚིམ་འགྱུར་དེ་ལས་གཞན་དུ་གཡོ་མི་འགྱུར། །ཐབས་དང་ཤེས་རབ་བདག་ཉིད་གནས་པ་ཡིན། སངས་རྒྱས་ཐམས་ཅད་ཀྱིས་དམ་པའི་མཛོད་ཆེན་པོ་ཞེས་བྱ་བའི་ཏིང་ངེ་འཛིན་ལ་བསྟན་པའི་དོན་ཏོ། །དེ་བཞིན་གཤེགས་
D453.082.0166b02.01པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བ་ལས། སངས་རྒྱས་ཐམས་ཅད་ཀྱི་བདེ་བ་མི་འགྱུར་བའི་དོན་བསྟན་པའི་ལེའུ་སྟེ་ཉེར་དགུ་པའོ། །དེ་ནས་དེ་བཞིན་གཤེགས་
D453.082.0166b03.01པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚུངས་པ་མེད་པའི་དཔལ་སངས་རྒྱས་ཐམས་ཅད་ཀྱི་སྙིང་པོ་གསང་བ་དྲི་མ་མེད་པ་རྡོ་རྗེ་སངས་རྒྱས་ཐམས་ཅད་རྗེས་སུ་དྲན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །དེ་བཞིན་
D453.082.0166b04.01གཤེགས་ཀུན་འདུས་པ་ཡི། །སངས་རྒྱས་སྤྲོ་བསྡུའི་འཁོར་ལོ་ཡིས། །རྩེ་མོར་གྱུར་པའི་ཕྱག་རྒྱ་ཡིས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ལེགས་པར་སྐྱེས་པའི་དཔལ་སངས་རྒྱས་ཐམས་ཅད་ཀྱི་ཡེ་ཤེས་གསང་བ་ཆོས་རྡོ་རྗེ་
D453.082.0166b05.01རྗེས་སུ་དྲན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །རང་བྱུང་ཡེ་ཤེས་ཞི་བའི་དངོས། །དག་པ་རྣམ་དབེན་མངོན་པར་འབྱུང་། །ཕུན་སུམ་ཚོགས་པ་ལམ་གྱུར་གནས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །
D453.082.0166b06.01དེ་ནས་དེ་བཞིན་གཤེགས་པ་ཐུབ་པ་དཔེ་མེད་པའི་ཚོགས་སངས་རྒྱས་ཐམས་ཅད་ཀྱི་གསང་བ་རིགས་རྡོ་རྗེ་རྗེས་སུ་དྲན་པ་ཞེས་བྱ་བའི་ཏིང་གེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་ལྷ་དང་ལྷ་མོ་དང་། །བྱང་ཆུབ་སེམས་དཔའ་དཔག་མེད་པ། །
D453.082.0166b07.01