完整藏文原文 · 德格版页 当前仅加载第 82 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་རབ་འཇོམས་པས། །ཡེ་ཤེས་མེ་འོད་རྒྱས་པ་ཡིས། །ཀུན་དུ་རྒྱས་པའི་ཚུལ་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མཆོད་པར་གྲགས་པ་སངས་རྒྱས་ཐམས་ཅད་ཀྱི་སྣ་ཚོགས་འདུལ་བ་རྡོ་རྗེ་རྗེས་སུ་དྲན་པ་ཞེས་བྱ་འབི་ཏིང་ངེ་འཛིན་ལ་སྙོམས་པར་
D453.082.0167b01.01ཞུགས་ཏེ། བྱང་ཆུབ་ཀྱིས་སེམས་འདི་གསུངས་སོ། །བདེ་གཤེགས་རྒྱལ་བརྒྱ་མཚོའི་དྲུང་། །གསང་བ་མི་ཟད་མཆོད་པའི་གཞི། །དེ་ཉིད་ཀུན་དུ་ཁྱབ་བྱེད་པས། །གསང་བ་དག་པའི་མཆོད་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཆོས་ཀྱི་གྲགས་པ་
D453.082.0167b02.01སངས་རྒྱས་ཐམས་ཅད་ཀྱི་སྐུ་རྡོ་རྗེ་རྗེས་སུ་དྲན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་དེ་བཞིན་གཤེགས་པ་ཡི། །སྐུ་ཡི་འདུལ་བ་མཐའ་ཡས་པ། །སྣ་ཚོགས་ཞིང་ཁམས་སྤྱོད་མཛད་པ། །དེ་ཉིད་ཚུལ་འདི་
D453.082.0167b03.01བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་གསང་བ་སྦྱིན་པའི་འོད་སངས་རྒྱས་ཐམས་ཅད་ཀྱི་གསུང་རྡོ་རྗེ་རྗེས་སུ་དྲན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །འདིར་ནི་བརྗོད་པ་ཀུན་གྱི་
D453.082.0167b04.01གཞི། །ཐབས་དང་ཤེས་རབ་སྒྲ་རྣམས་ལས། །སྣ་ཚོགས་སྐད་དུ་ཆོས་སྟོན་པ། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གློག་འབྱིན་སངས་རྒྱས་ཐམས་ཅད་ཀྱི་ཐུགས་རྡོ་རྗེ་རྗེས་སུ་དྲན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་
D453.082.0167b05.01ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །དག་པར་བྱེད་པ་ཁྲུས་ཡིན་ཏེ། །སྒྲིབ་བ་འཕྱག་བྱེད་སྤྱོད་ལམ་དུ། །ཐལ་སྦྱར་འདུད་པས་བག་ཡོད་ལམ། །དྲན་ལྡན་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བདེན་
D453.082.0167b06.01པར་གསུངས་སངས་རྒྱས་ཐམས་ཅད་ཀྱི་ཡོན་ཏན་རྡོ་རྗེ་རྗེས་སུ་དྲན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །རིན་ཆེན་སྣ་བདུན་རང་བྱུང་བའི། །ཡོན་ཏན་སྒྱུ་རྩལ་སྣ་ཚོགས་པ། །ཐམས་ཅད་བསམ་པའི་སྟོབས་ཡིན་པས། །
D453.082.0167b07.01