完整藏文原文 · 德格版页 当前仅加载第 82 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུད་པ་དང་། །དྲོད་དང་མེ་ཡིས་སྨིན་པར་བྱེད། །ལས་ནི་བརྟན་དང་བསྐྱེད་པ་ལས། །རླུང་གིས་གཡོ་ཞིང་འཕེལ་བར་བྱེད། །ནམ་མཁའ་ཀུན་དུ་རྟེན་གྱུར་པའོ། །དྲི་ཆུ་ཁྲག་ནི་འདུས་པ་ཡི། །དྲི་ཆུའི་ཆ་ནི་མི་བསྐྱོད་ཞུགས། །བཞི་
D453.082.0304a01.01མཉམ་རྣམ་པར་སྣང་མཛད་དེ། །ཁྲག་ནི་འདོད་ཆགས་མེད་པའི་ཆ། །ཤ་ནི་རིན་ཆེན་རྒྱལ་པོ་ཉིད། །ཁུ་བ་གདོན་མི་ཟ་བའི་ལུས། །ཟླ་བ་མེ་ལོང་ཡེ་ཤེས་ཏེ། །ཉི་མ་མཉམ་པ་ཉིད་གྱུར་པ། །ས་བོན་རྣམ་པ་སོ་སོར་རྟོག །ཕྱག་མཚན་ལས་ནི་དེ་ཉིད་དེ། །
D453.082.0304a02.01ཐམས་ཅད་གཅིག་གྱུར་ནན་ཏན་བརྗོད། །ལུས་ཀྱི་གོང་བུ་བསྡུས་པ་ཡིས། །སྟོང་ཉིད་ཆོས་དབྱིངས་ཡེ་ཤེས་བརྗོད། །མངོན་པར་བྱང་ཆུབ་ལྔ་ཡིས་ནི། །བསྐྱེད་དང་གནས་དང་སྡུད་པར་མཛད། །དེ་ཉིད་ཡེ་ཤེས་ཡོངས་དག་པ། །སངས་རྒྱས་ལྔ་ཡི་བྱང་
D453.082.0304a03.01ཆུབ་སེམས། །གསང་བ་མཆོག་ཏུ་བསྟན་པ་ཡིན། །སྐྱེ་གནས་དབུས་སུ་རྩ་གཉིས་ནི། །གཡས་དང་གཡོན་ན་དེ་བཞིན་གནས། །གཡོན་ནས་ཁུ་བ་དེ་བཞིན་ཏེ། །གཡས་ན་དེ་བཞིན་ཁྲག་ཡིན་ན། །དེ་དག་གཅིག་ཏུ་གྱུར་པ་ནི། །ཆོས་ཀྱི་དབྱིངས་ཀྱི་རང་བཞིན་
D453.082.0304a04.01ནོ། །ལས་ཀྱི་ས་བོན་དབང་ཐོབ་པས། །རླུང་གིས་ཡང་དག་བསྒྱུར་ནས་ནི། །ཆོས་ཀྱི་འབྱུང་གནས་པདྨའི་སྣོད། །གདོང་ནི་ངེས་པར་ཕྱོགས་པར་གྱུར། །དཀུ་གཡས་སུ་ནི་བརྟེན་ནས་སུ། །ཙོག་བུར་མངོན་པར་ཕྱོགས་ཏེ་གནས། །དཀུ་གཡོན་ཡང་དག་
D453.082.0304a05.01བརྟེན་ནས་ནི། །ཤེས་རབ་གཡས་སུ་མངོན་པར་ཕྱོགས། །ས་བོན་ལྷུང་བས་དུས་ཀྱིས་ནི། །མཁས་པས་དུས་ཀྱིས་སྐད་ཅིག་ལས། །ངེས་པར་བརྟག་པར་བྱ་བ་ཡིན། །གཡོན་ནས་རླུང་ནི་རྒྱུ་བ་ན། །ཐམས་ཅད་དུ་ནི་སྐྱེས་བུར་བྱེད། །གཡས་ནས་ངེས་པར་རྒྱུ་བ་ནི། །
D453.082.0304a06.01ཀུན་དུ་བུ་མོར་འབྱུང་བ་ཡིན། །ཐབས་དང་ཤེས་རབ་ཆ་ལས་ནི། །བཟློག་པའི་{གོ་རིམས་,གོ་རིམ་}ཤེས་པར་བྱ། །གཉིས་ཀའི་དབུས་སུ་རྒྱུ་བས་ན། །མ་ནིང་དང་ནི་ཟ་མར་འབྱུང་། །འདི་དག་འགྱུར་བ་ངོ་ཤེས་པས། །ཐོབ་པ་མཚན་ཉིད་བརྟག་པར་བྱ། །འདི་ལྟར་གསང་བའི་
D453.082.0304a07.01