完整藏文原文 · 德格版页 当前仅加载第 82 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
བར་ངེས་པའི་ལུང་བསྟན་པ་ལ་མི་འཇིགས་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བདུད་ལས་བྱུང་བའི་རྟགས་དང་བརྡ། །མཚན་མའི་གནས་ཀྱི་གཏན་ཚིགས་ལས། །བདུད་ལས་རྣམ་རྒྱལ་ལུང་བསྟན་པ། །
D453.082.0231a01.01བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཤིན་ཏུ་གཟིགས་པ་སངས་རྒྱས་ཐམས་ཅད་ཀྱི་ཕུན་སུམ་ཚོགས་པ་ཐམས་ཅད་ཚིམ་པར་འགྱུར་བའི་ལམ་ངེས་པར་དེ་ཁོ་ན་ཉིད་དུ་འགྱུར་བ་ལ་མི་འཇིགས་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་
D453.082.0231a02.01བྱང་ཆུབ་ཀྱི་སེམས་འདི་གསུངས་སོ། །ཀུན་འབྱུང་སྡུག་བསྔལ་སྤོང་བྱེད་པ། །ལམ་དང་འགོག་པའི་བདེན་པ་ལ། །དེ་ཉིད་ངེས་པར་འབྱུང་བསྟན་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྡུལ་དང་བྲལ་བ་སངས་
D453.082.0231a03.01རྒྱས་ཐམས་ཅད་ཀྱི་མི་འཇིགས་པ་བཞི་རྣམ་པར་དག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྟོན་པས་ཁྱུ་མཆོག་རླབས་ཆེན་གནས། །བླ་མེད་སེང་གེའི་སྒྲ་སྒྲོགས་པ། །ཡང་དག་ཆོས་ཀྱི་འཁོར་ལོ་ཡི། །བྱང་ཆུབ་དེ་ཉིད་ཚུལ་བསྟན་
D453.082.0231a04.01པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡོན་ཏན་ཚོགས་སངས་རྒྱས་ཐམས་ཅད་ཀྱི་རྐང་གཉིས་གཙོ་བོར་གྱུར་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མཁའ་ལ་རྒྱུ་བའི་བྱ་དག་ནི། །འདབ་མ་མི་ལྡན་འཕུར་ནུས་མེད། །
D453.082.0231a05.01དེ་ལ་ཟུང་འཇུག་དོན་ལྡན་པའི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཏོག་དང་ལྡན་པ་སངས་རྒྱས་ཐམས་ཅད་ཀྱི་དགོངས་པ་གཅིག་ཏུ་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་
D453.082.0231a06.01སོ། །ཆོས་རྣམས་བསླབ་པའི་སྡོམ་པ་ལ། །གཞི་དང་རྒྱུ་ལམ་འབྲས་བུ་དག །མ་ཉམས་ས་བོན་མྱུ་གུ་བཞིན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བསོད་ནམས་རྒྱལ་མཚན་སངས་རྒྱས་ཐམས་ཅད་ཀྱི་སྐྱེས་བུ་ཁྱུ་མཆོག་རྡོ་རྗེའི་ཏིང་ངེ་
D453.082.0231a07.01