完整藏文原文 · 德格版页 当前仅加载第 82 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །དེས་ནི་དཔག་མེད་གཞན་དོན་དུ། །མཚུངས་མེད་ཡེ་ཤེས་གནས་ཐོབ་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དཔལ་གྱི་སྙིང་པོ་སྦས་པ་སངས་རྒྱས་ཐམས་ཅད་ཀྱིས་བདུད་ཐམས་ཅད་རྣམ་པར་འཇིག་པར་མཛད་པ་ཞེས་བྱ་བའི་
D453.082.0158b01.01ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །བྱམས་པས་བདུད་དཔུང་འཇོམས་མཛད་ཅིང་། །སྙིང་རྗེ་གཡུལ་ལས་རྒྱལ་བར་འགྱུར། །བྱང་ཆུབ་སེམས་ཀྱིས་ཕྱིར་མི་ལྡོག །ཡེ་ཤེས་ཚུལ་འདི་བསྟན་པའོ། །ཞེས་
D453.082.0158b02.01གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་ཏོག་སངས་རྒྱས་ཐམས་ཅད་ཀྱི་གསང་བ་ཡེ་ཤེས་རྡོ་རྗེའི་སྟོབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །རིན་ཆེན་འབར་བ་གློག་གི་འོད། །དྲི་མེད་ཆུ་ཤེལ་
D453.082.0158b03.01ཟེར་འབབ་པས། །ཐ་མལ་ལུས་ནི་རྒྱལ་བར་བསྒྱུར། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཡེ་ཤེས་དོན་གྲུབ་སངས་རྒྱས་ཐམས་ཅད་ཀྱི་མཛད་པ་རིགས་སྣ་ཚོགས་སུ་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་
D453.082.0158b04.01སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་ལྷ་མོ་བྱེ་བ་དང་། །བྱང་ཆུབ་སེམས་དཔའ་ཁྲག་ཁྲིག་ཚོགས། །དེ་བཞིན་གཤེགས་པའི་རིགས་བརྒྱ་དང་། །བདེ་གཤེགས་སྟོང་སོགས་ཚུལ་འདིར་བསྟན། །ཞེས་གསུངས་
D453.082.0158b05.01སོ། །དེ་ནས་དེ་བཞིན་གཤེགས་པའི་རི་རབ་ལྷུན་པོ་བརྩེགས་པ་སངས་རྒྱས་ཐམས་ཅད་ཀྱི་ཡེ་ཤེས་ཀྱི་སྙིང་པོ་སྒྱུ་མའི་རོལ་པ་སྟོན་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གང་དུ་རྒྱུ་དང་འབྲས་བུའི་ཆོས། །
D453.082.0158b06.01ངོ་བོ་ཉིད་དག་རང་བྱུང་བ། །བདག་མེད་ཡེ་ཤེས་གནས་མེད་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གདུལ་དཀའ་འདུལ་བ་སངས་རྒྱས་ཐམས་ཅད་ཀྱི་གནས་ལ་སྤྱོད་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་
D453.082.0158b07.01