完整藏文原文 · 德格版页 当前仅加载第 82 函德格 243b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ནི། །མ་རྒད་ལྗང་གུའི་མདོག་དང་མཚུངས་པ་སྟེ། །ཕྱག་ན་རལ་གྲི་འབར་བ་དང་པོར་འཛིན། །རིན་ཆེན་སྣ་ཚོགས་རྒྱན་གྱིས་བརྒྱན་པར་བསམ། །བྱང་ཆུབ་སེམས་དཔའ་ཀུན་དུ་བཟང་པོ་ནི། །དུར་བའི་ལོ་མའི་ཁ་དོག་མཚུངས་པ་ཉིད། །སྣ་ཚོགས་རྡོ་རྗེ་འཛིན་པ་
D453.082.0243b01.01འགྱིང་བག་ཅན། །བྱང་ཕྱོགས་ལྷ་ཁྱམས་དག་ལ་བཞུགས་པར་བསམ། །འདི་དག་སོ་སོའི་གཙོ་བོའི་སྐུ་མཚུངས་ཏེ། །ཞལ་གསུམ་ཕྱག་དྲུག་ངེས་པ་གསལ་བར་བརྗོད། །རྣམ་ཤེས་ཚོགས་བརྒྱད་རྟོག་པ་སྦྱངས་ནས་ནི། །སླར་འདུས་སོ་སོར་གསལ་བར་གྱུར་
D453.082.0243b02.01པར་བསམ། །ཡ་མཱནྟ་ཀྲྀད་ཅེས་བྱ་གཤིན་རྗེ་གཤེད། །མཐའ་ཡས་འཇིགས་འོད་ཕྱོགས་ཀུན་ཁྱབ་དང་ལྡན། །དུས་མཐའི་མི་བཟད་སྦྱིན་གྱི་དཀྱིལ་འཁོར་མདོག །ཐུགས་ཀྱི་རྒྱལ་པོ་དག་དང་སྐུ་མཚུངས་པ། །དྲག་པོ་རིགས་ཀྱི་འོད་ཟེར་དཔག་མེད་འཕྲོ། །
D453.082.0243b03.01གཤིན་རྗེ་མཐར་བྱེད་ཤིན་ཏུ་གདུག་པ་ཡི། །སྦྲུལ་གྱིས་ལུས་ཀྱི་ཡན་ལག་རྣམ་བརྒྱན་པ། །དཔལ་ལྡན་ཤར་གྱི་སྒོར་ནི་བསམ་པར་བྱ། །པྲཛྙཱ་ནྟ་ཀྲྀད་ཅེས་བྱ་བླ་མེད་འོད། །དྲག་ཅིང་ཕྱག་སོགས་སྐུ་ཡི་རྡོ་རྗེ་འདྲ། །གཞན་གྱིས་མི་ཐུབ་ཅེས་བྱ་གཏུམ་པོ་ནི། །ལྷོ་ཡི་ཕྱོགས་ཀྱི་སྒོ་རུ་
D453.082.0243b04.01བསམ་པར་བྱ། །པདྨཱནྟ་ཀྲྀད་ཅེས་བྱ་ནུབ་ཕྱོགས་ཀྱི། །འཁོར་ལོའི་འོད་ཀྱིས་མངོན་པར་ཁེབས་བྱེད་པ། །འོད་མདངས་འཇིག་དུས་མེ་འདྲ་འཇིགས་པར་ལྡན། །ཕྱག་ལ་སོགས་པ་གསུང་གི་རྡོ་རྗེ་འདྲ། །གདུག་པ་མ་ལུས་རྣམ་གནོན་འཇིགས་པའི་ཞལ། །ཐུབ་དབང་ཧ་ཧ་ཞེས་ནི་བཞད་
D453.082.0243b05.01པ་ཡིས། །རི་བོར་བཅས་པ་སྒྱེལ་བས་སྐྲག་མཛད་པ། །རྟ་མགྲིན་དེ་བཞིན་ནུབ་ཀྱི་ཕྱོགས་སུ་བསམ། །བིགྷ་ནཱན་ཏ་ཀྲྀད་ཅེས་བྱ་དཔའ་བོ་ནི། །དུས་མཐའི་མེ་ལྟར་དྲག་པ་བདུད་རྩི་འཁྱིལ། །འཕགས་པའི་ཞལ་ཕྱག་ཕྲིན་ལས་རྡོ་རྗེ་མཚུངས། །དེ་བཞིན་བྱང་གི་སྒོར་ནི་བསམ་
D453.082.0243b06.01པར་བྱ། །རྡོ་རྗེ་ཐོ་བ་དབྱུག་པ་པདྨ་དང་། །རྡོ་རྗེ་གཏུན་ཤིང་ཁྱད་པར་འདི་དག་འཛིན། །ཐམས་ཅད་རིགས་ཀྱི་གཙོ་བོས་དབུ་བརྒྱན་པའི། །ཅོད་པན་ཡེ་ཤེས་རྒྱས་གདབ་བསྟན་པ་ཡིན། །འདི་དག་ཁྲོ་བོ་མངོན་པར་འབྱུང་བ་དག །གསང་སྔགས་ལས་བྱུང་ཅོད་པན་ལྷར་བཅས་པ། །
D453.082.0243b07.01