完整藏文原文 · 德格版页 当前仅加载第 82 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
བ་རྡོ་རྗེ་བཙུན་མོའི་བྷ་ག་ཞེས་བྱ་བ་འཛམ་བུའི་གླིང་གྲུ་གསུམ་ཆོས་ཀྱི་འབྱུང་གནས་སོ། །འདི་ནི་མི་མཛེས་ཀྱི་འཇིག་རྟེན་གྱི་ཞིང་ཁམས་ཀྱི་སྙིང་པོར་གྱུར་པའོ། །དུས་ཕུན་སུམ་ཚོགས་པ་སྟེ་དུས་རྣམས་ཀྱི་སྙིགས་མ་ལ་བབ་པ་ཐོག་མ་དང་དབུས་དང་ཐ་མ་རྣམ་པར་དག་པ་སྟེ་
D453.082.0206a01.01གསང་བ་བསམ་གྱིས་མི་ཁྱབ་པའི་ཚུལ་ལོ། །འཆད་པ་པོ་ནི་སྟོན་པ་སྟེ། །འདིར་དཔལ་ལྡན་རྡོ་རྗེ་འཛིན་པར་རིགས་ཐམས་ཅད་ཀྱི་བདག་པོ་ཉིད་ཕུན་སུམ་ཚོགས་པའི་ཡེ་ཤེས་ཀྱི་རང་བཞིན་རྣམ་པ་ཐམས་ཅད་མཁྱེན་ཅིང་གཟིགས་པས་འཇུག་པ་མཉམ་པ་ཉིད་རབ་ཏུ་མི་གནས་པའི་ངོ་བོར་
D453.082.0206a02.01གྱུར་བ་ཉིད་དོ། །དེ་དག་ཀྱང་ཆོས་ཉིད་དང་གཉིས་སུ་མེད་པ་ནམ་མཁའི་ཁམས་ཀྱིས་ཁྱབ་པའི་སངས་རྒྱས་ཀྱི་ཡེ་ཤེས་ཀྱི་སྤྱོད་ཡུལ་རབ་ཏུ་མི་ཟད་པའི་དོན་ལ་རབ་ཏུ་དགོངས་པ་དག་གོ། །དེ་ནས་གཞན་ཡང་ཐམས་ཅད་མཁྱེན་པའི་འཁོར་ཕུན་སུམ་ཚོགས་པ་བཤད་པར་བྱའོ། །འདི་
D453.082.0206a03.01ལྟ་སྟེ་འཕགས་པ་འཇམ་དཔལ་ཡེ་ཤེས་སེམས་དཔའ་ནི་རྒྱལ་པོ་ཟས་གཙང་མར་གྱུར་ཏོ། །འཇིག་རྟེན་གྱི་དབང་ཕྱུག་དབྱངས་ནི་ལྷ་མོ་ཆེན་མོ་སྒྱུ་འཕྲུལ་ཞེས་བྱ་བར་གྱུར་ཏོ། །ལྷ་མོ་དཔལ་གྱི་ལུ་གུ་རྒྱུད་མ་ནི་གྲགས་འཛིན་མར་གྱུར་ཏོ། །རྡོ་རྗེ་སེམས་དཔའ་ནི་སྒྲ་གཅན་འཛིན་ཏོ། །བྱང་ཆུབ་
D453.082.0206a04.01སེམས་དཔའ་སྒྲིབ་པ་ཀུན་ཏུ་གཅོད་པ་ནི་ཤཱ་རིའི་བུར་གྱུར་པའོ། །ཀུན་དུ་བཟང་པོ་ནི་གནས་བརྟན་ཀུན་དགའ་བོར་གྱུར་ཏོ། །ཀུན་དུ་བཟང་པོ་རྣམ་པར་རོལ་པའི་སྐུ་ཅན་ནི་མོད་གལ་གྱི་བུར་གྱུར་བའོ། །ལྷའི་དབང་པོ་བརྒྱ་བྱིན་ནི་གནས་བརྟན་ལྷ་སྦྱིན་ནོ། །ཚངས་པ་ཆེན་པོ་ནི་བྱང་ཆུབ་སེམས་
D453.082.0206a05.01དཔའི་སྣང་བའི་འོད་དུ་གྱུར་པའོ། །དཔལ་རྣམ་པར་སྣང་མཛད་ཆེན་པོ་ནི་ཡང་དག་པར་རྫོགས་པའི་སངས་རྒྱས་རྒྱལ་བ་ཤཱཀྱ་ཐུབ་པ་ཉིད་དུ་གྱུར་ཏོ། །དེ་ལྟར་མདོ་དང་ཐུན་མོང་དུ་སྤྱོད་པའི་དོན་དུ་གསུངས་སོ། །འདིར་ནི་གསང་བ་ཐུན་མོང་མ་ཡིན་པའི་དོན་དུ་སོ་སོར་ཕྱེ་ནས་གསལ་བར་བཤད་པར་བྱའོ། །
D453.082.0206a06.01འདི་ལྟ་སྟེ་ད་ལྟར་ཕྱོགས་བཅུའི་དེ་བཞིན་གཤེགས་པ་དང་བྱང་ཆུབ་སེམས་དཔའ་རྣམས་དཀྱིལ་འཁོར་གསང་བ་སྤྱིའི་དོན་དུ་བསྟན་ཏེ། །གསང་བའི་བདག་པོ་ཕྱག་ན་རྡོ་རྗེ་ནི་ཕྱག་ན་རྡོ་རྗེ་རྩེ་ལྔ་པ་འཛིན་པ་ཅན་གྱི་ཀུན་དགའ་བོར་གྱུར་ཏོ། །ཀུན་དུ་བཟང་པོ་ནི་མཽད་གལ་གྱི་བུའོ། །སྒྲིབ་པ་ཐམས་ཅད་རྣམ་
D453.082.0206a07.01