完整藏文原文 · 德格版页 当前仅加载第 82 函德格 296a 版页；藏文 NFD、目录标记与异常页序保留在来源切片中，重复版页行以稳定序号区分。
ཀཾ་པོ་ཙེ། །འཐུང་གཅོད་ས་ནི་བཅུ་གཅིག་པ། །ཧ་རི་ཀེ་ལ་ཏཾ་བྷ་ལ། །ཙ་ར་སིང་ཧ་རི་ལྡན་པ། །ནི་རི་ཏི་པའི་གླིང་གྱུར་པ། །ཉེ་བའི་འཐུང་གཅོད་བརྗོད་པར་བྱ། །འདི་དག་ས་ནི་བཅུ་གཉིས་ཏེ། །ཁྱད་པར་འབིགས་བྱེད་གཞོན་ནུའི་གནས། །བཅུ་
D453.082.0296a01.01གསུམ་པ་ཡི་ས་བརྗོད་ལ། །ཡོངས་སུ་གནས་པ་བདེ་བ་ཆེ། །ཁྱད་པར་གླིང་ནི་བཅུ་གཉིས་སུ། །གསང་བའི་རྒྱུད་རྣམས་བསྟན་པ་ནི། །ཀླ་ཀློའི་གླིང་ནི་བཅུ་གཉིས་སུ། །རྡོ་རྗེ་འཆང་གིས་བསྟན་པ་ཡིན། །ཐམས་ཅད་སྒྱུ་མའི་སྣང་བ་ལས། །ཡང་དག་ཏུ་ནི་སྟོན་
D453.082.0296a02.01པར་བྱེད། །ཆོས་རྣམས་གཟུགས་བརྙན་ལྟ་བུ་སྟེ། །དག་ཅིང་གསལ་ལ་རྙོག་པ་མེད། །རྒྱུ་དང་ལས་ལས་ཀུན་དུ་བྱུང་། །ངོ་བོ་མེད་ཅིང་གནས་མེད་པས། །དེ་ལྟར་ཆོས་རྣམས་ཤེས་གྱིས་ལ། །སེམས་ཅན་དོན་ལ་བླ་མེད་བྱོས། །འོན་ཀྱང་སངས་རྒྱས་རིགས་སྐྱེ་
D453.082.0296a03.01བར། །འདིར་ནི་ཐེ་ཙོམ་ཡོད་མ་ཡིན། །ཆོས་རྣམས་སྤྲུལ་བ་ལྟ་བུ་སྟེ། །དེ་ཉིད་རྗེས་སུ་སྤྱད་པ་ན། །རྣམ་པ་ཀུན་དུ་ཞི་བ་ཡི། །ཚུལ་གནས་ལས་དང་མཉམ་པར་འབྱུང་། །འདི་ཉིད་མཐར་རྟོགས་ཤིན་ཏུ་དབེན། །རྣམ་པར་མི་རྟོག་བྱེ་བྲག་ལས། །ཁྱད་པར་བྱིན་
D453.082.0296a04.01བརླབས་སྤྲུལ་པ་ཡིས། །དངོས་པོ་རྒྱས་འདེབས་གྱུར་པའོ། །ཆོས་རྣམས་སྒྲ་བརྙན་ལྟ་བུ་སྟེ། །བྲག་ཅ་ལྟ་བུར་རང་སྟོང་ཞིང་། །ཕྱི་ནང་མེད་པའི་རང་བཞིན་གྱིས། །བརྗོད་དུ་མེད་པའི་སྒྲ་རྣམས་ལ། །རྣམ་དག་སྒྲ་མེད་སྒྲར་འཇུག་མེད། །ཆོས་རྣམས་རང་བཞིན་
D453.082.0296a05.01མེད་པའི་གནས། །མངོན་པར་སྟོན་པའི་ཚུལ་གནས་ཀྱང་། །དེ་ཉིད་སྒྲ་ལ་གནས་པ་མིན། །ཆོས་རྣམས་དྲི་ཟའི་གྲོང་ཁྱེར་ལྟར། །ཕྱི་དང་ནང་དང་བར་དུ་ཡང་། །དངོས་པོ་མེད་དེ་ངེས་པར་སྣང་། །སྒྲོ་སྐུར་མེད་དེ་ཐ་སྙད་འདས། །ཆོས་ཉིད་མངོན་པར་བསྒྲུབ་
D453.082.0296a06.01དག་པས། །ཚད་མེད་བསླབ་པ་ནུས་མ་ཡིན། །ཆོས་རྣམས་ཆུ་ཟླ་ལྟ་བུར་ནི། །སྣང་བ་ངོས་གཟུང་མེད་པའི་དངོས། །ཡང་དག་གྲུབ་པར་གནས་མེད་དེ། །དེ་ཉིད་ཁྱབ་པས་སྟོང་པའི་སར། །གཟུང་མེད་བཅིང་དང་གྲོལ་མེད་པས། །ཡང་དག་སྣང་བ་འདིར་མཚོན་
D453.082.0296a07.01