完整藏文原文 · 德格版页 当前仅加载第 82 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ཉིད་མཆོད་བྱེད་ལྷ་མོ་རྒྱན་རྣམས་རྫོགས། །མེ་ཡི་གྲུ་ཆད་དག་ལ་གནས་པར་བསམ། །སྒྲ་ཡི་རྡོ་རྗེ་ལྷ་མོ་བདེན་བྲལ་དུ། །དང་པོ་གཉིས་ནི་རྒྱུད་{མངས་,མང་}སྦྲེང་མཛད་པ། །ཀུན་དུ་མཆོད་བྱེད་མཛེས་པའི་གར་ལྡན་པ། །མཱ་མ་ཀཱི་དང་མཚུངས་པ་དགོད་པར་བྱ། །
D453.082.0243a01.01རྡོ་རྗེ་དྲི་ཡི་ལྷ་མོ་རླུང་ལྷའི་ཕྱོགས། །དང་པོས་ལྷ་རྫས་དྲི་མཆོག་དུང་ཕོར་འཛིན། །ཁྱད་པར་འཕགས་པའི་ཡོན་ཏན་རྒྱན་སྤྲས་པ། །ནམ་བཟའ་དཀར་མོ་དང་མཚུངས་རྣམ་པར་བསམ། །རྡོ་རྗེ་རོ་ཡི་ལྷ་མོ་སྒྲོལ་མར་མཚུངས། །རིན་ཆེན་པད་སྣོད་ལེགས་བཀང་བཏུང་བ་
D453.082.0243a02.01འཛིན། །འདི་ཉིད་རོལ་པའི་ཡེ་ཤེས་གཟུངས་མ་ལྷ། །དབང་ལྡན་ཕྱོགས་ཀྱི་གྲྭར་ནི་ལེགས་བཞུགས་པའོ། །རེག་བྱ་རྡོ་རྗེ་ལྷ་མོ་ཡེ་ཤེས་ཡུམ། །གསང་བ་དབྱིངས་ཕྱུག་མ་ནི་དབུས་གནས་པའོ། །པདྨ་ཟླ་ཉི་དག་ལ་ལེགས་གནས་པ། །བྱམས་པའི་མགོན་པོ་སྤྲིན་དཀར་
D453.082.0243a03.01དག་པའི་འོད། །ཀླུ་ཤིང་མེ་ཏོག་འབྲས་ལྡན་ལེགས་འཛིན་པ། །རིན་ཆེན་རྒྱན་ལྡན་རོལ་པའི་སེམས་དཔའོ། །ས་ཡི་སྙིང་པོ་དུང་དང་མཚུངས་པར་མཛེས། །འཁོར་ལོ་འཛིན་པ་དར་དཔྱངས་ཅོད་པན་ལྡན། །རྣམ་པར་འགྱིང་བག་ལྡན་པས་བཞུགས་པ་ནི། །ཤར་གྱི་
D453.082.0243a04.01ལྷ་སྣམ་དག་ལ་སྐྱིལ་ཀྲུང་གནས། །གསང་བའི་བདག་པོ་རྡོ་རྗེ་འཛིན་པ་ནི། །གུར་གུམ་བཟང་པོའི་མདོག་ལྟར་དམར་སེར་ལ། །ཕྱག་ན་རིན་ཆེན་རྡོ་རྗེ་འབར་བ་འཛིན། །སྣ་ཚོགས་རྒྱན་བཅས་ཀུན་ནས་འོད་འབར་བའོ། །ནམ་མཁའི་སྙིང་པོ་གསེར་གྱི་འོད་མངའ་བ། །
D453.082.0243a05.01མ་རྒད་ཏ་ནི་ཆད་དགུ་པ་འཛིན་ཅིང་། །ལེགས་པར་གཙོ་ལ་བལྟ་བ་སེམས་དཔའ་ཆེ། །ལྷོ་ཡི་ལྷ་སྣམ་དག་ལ་དགོད་པར་བྱ། །འཇིག་རྟེན་དབང་ཕྱུག་སྤྱན་རས་གཟིགས་དབང་ནི། །བན་དྷུ་རི་ཀའི་མེ་ཏོག་ལྟར་མཛེས་པ། །གཡོན་པའི་པདྨ་ངེས་པར་གཡས་པས་འབྱེད། །སེམས་
D453.082.0243a06.01དཔའི་སྐྱིལ་ཀྲུང་དག་གིས་བཞུགས་པའོ། །འཇམ་པའི་དབྱངས་ནི་དམར་སེར་དངས་པ་ལ། །ཨུཏྤལ་དམར་པོ་སྡོང་པོར་བཅས་འཛིན་པ། །གཡས་པས་ཁ་འབྱེད་ཕྱག་རྒྱ་ལྡན་པ་སྟེ། །ནུབ་ཀྱི་ལྷ་སྣམ་དག་ལ་བཞུགས་པར་བསམ། །སྒྲིབ་པ་ཐམས་ཅད་རྣམ་པར་སེལ་
D453.082.0243a07.01