完整藏文原文 · 德格版页 当前仅加载第 82 函德格 328a 版页；藏文 NFD、目录标记与异常页序保留在来源切片中，重复版页行以稳定序号区分。
གསང་བ། །རྡོ་རྗེ་བསྡུས་པའི་དཀྱིལ་འཁོར་ལ། །དྲི་མེད་ཡེ་ཤེས་འབྱུང་བ་ཡི། །ཁྱད་པར་མཆོག་འདི་ཕྱུང་བའོ། །སྐུ་གསུང་ཐུགས་ཀྱི་དམ་ཚིག་ནི། །ཕྱག་རྒྱ་ཆེན་པོའི་དོན་རྟོགས་པ། །ཆོ་ག་བཞིན་དུ་ཀུན་བསྒོམས་ན། །སྐད་ཅིག་
D453.082.0328a01.01གིས་ནི་སངས་རྒྱས་འཐོབ། །གསང་བའི་དོན་འདི་འབྱུང་དཀའ་བའི། །བླ་མེད་བདེ་ཆེན་མི་འགྱུར་བ། །འདི་ནི་སྙིང་པོ་བསྡུས་པ་སྟེ། །གཞན་དུ་འབྱུང་བར་འགྱུར་བ་མིན། །འོན་ཀྱང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་གསང་བ་འདུས་པ་ཆེན་པོ་འདི་ལ་
D453.082.0328a02.01སྐད་ཅིག་ཐང་ཅིག་ཡུད་ཙམ་གྱིས་གནས་ན་སངས་རྒྱས་ཀྱི་བྱང་ཆུབ་རྫོགས་པར་བྱེད་དོ། །བསྐལ་པ་གང་གཱའི་ཀླུང་གི་བྱེ་མ་སྙེད་ཐམས་ཅད་དུ་བྱང་ཆུབ་སེམས་དཔའ་རྣམས་ཀྱིས་འབད་ཅིང་རྩོལ་ཀྱང་བྱང་ཆུབ་ཐོབ་པར་མི་འགྱུར་བ་དེ་དཔལ་གསང་བ་འདུས་བ་ལ་དགའ་བའི་བྱང་
D453.082.0328a03.01ཆུབ་སེམས་དཔས་ཚེ་འདི་ཉིད་ལ་དེ་བཞིན་གཤེགས་པ་རྣམས་ཀྱི་སངས་རྒྱས་ཞེས་བྱ་བའི་གྲངས་སུ་འགྲོའོ། །དེ་དག་ཤིན་ཏུ་དཀོན་གྱུར་པ། །རྣམ་གྲངས་འདི་ན་བསྟན་པའི་ཚེ། །དེ་ཚེ་བྱང་ཆུབ་སེམས་དཔའ་རྣམས། །ཤིན་ཏུ་གདུང་བས་ཆེར་ནོན་ཏེ། །གསང་ཆེན་
D453.082.0328a04.01བསྐལ་པ་ངན་གྱུར་ཅེས། །དུས་གཅིག་བསྟན་པ་ཉིད་གཅིག་དང་། །སྟོན་པ་གཅིག་ལས་གཞན་པ་ཡི། །སྤྱོད་ཡུལ་མ་གྱུར་དེ་ཡི་ཚེ། །ཇི་ལྟར་ཐབས་འདི་སྟོན་བྱེད་འགྱུར། །མིང་ཙམ་དུ་ཡང་མི་ཐོས་ན། །གཞན་ཅི་སྨོས་ལྟ་ག་ལ་དགོས། །དེ་ཉིད་ཀུན་
D453.082.0328a05.01དུ་བསྒྲགས་གྱུར་པའོ། །དེ་བཞིན་གཤེགས་པ་ཐམས་ཅད་ཀྱིས་བཀའ་སྩལ་པ། དེ་སྐད་ཅེས་མ་ཟེར་ཅིག །ཡི་གེ་འདི་ཀུན་དང་ཐུན་མོང་སྟེ། །རིགས་ཀྱི་བུ་ཁྱེད་རྣམས་ཀྱིས་ཇི་ལྟར་མི་ཤེས་པ་དང་། མ་ཐོབ་པ་དེ་བཞིན་དུ་དེ་བཞིན་གཤེགས་པ་ཐམས་ཅད་དང་།
D453.082.0328a06.01བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱི་གསང་བའི་ཡི་གེ་འདི་དག་མ་ཐོབ་ཅིང་མངོན་པར་རྫོགས་པར་སངས་རྒྱས་སོ། །དེ་ཅིའི་ཕྱིར་ཞེ་ན། །གསང་བའི་ཡི་གེ་ནི་རྣམ་པར་དག་པའི་ཕྱིར་རོ། །དེ་ནས་བྱང་ཆུབ་སེམས་དཔའ་དེ་དག་ཐམས་ཅད་ཅང་
D453.082.0328a07.01