完整藏文原文 · 德格版页 当前仅加载第 82 函德格 216a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་འདི་གསུངས་སོ། །སྐུ་དང་གསུང་དང་ཐུགས་ཀྱིས་ནི། །བྱིན་བརླབས་ཡེ་ཤེས་རྒྱ་མཚོ་ཡི། མཚུངས་མེད་བདེ་བར་སྐྱུར་བ་སྟེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མི་འཁྲུགས་པའི་མདོག་སངས་རྒྱས་ཐམས་
D453.082.0216a01.01ཅད་ཀྱི་དབང་བསྐུར་བའི་ཆོ་འཕྲུལ་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དཔལ་ལྡན་ཕྱོགས་བཅུའི་རྒྱལ་བ་ཡིས། །སྲས་པོ་གཅིག་པར་དབང་བསྐུར་བ། །ཚིམ་བྱེད་ཡེ་ཤེས་མཆོག་དབང་པོ། །བྱང་ཆུབ་ཚུལ་འདི་བསྟན་པའོ། །
D453.082.0216a02.01ཞེས་གསུངས་སོ། །དེ་ནས་དེ་བཞིན་གཤེགས་པ་གཟི་བརྗིད་རྒྱལ་པོ་སངས་རྒྱས་ཐམས་ཅད་ཀྱི་ཀུན་དུ་བརྗོད་པའི་ཆོ་འཕྲུལ་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །སྣ་ཚོགས་ཆོས་ཀྱི་སྒྲ་འབྱུང་བའི། །སིལ་སྙན་བྲག་ཅའི་སྒྲ་མཚུངས་
D453.082.0216a03.01པའི། །རྒྱུན་ཆད་མེད་པར་རབ་སྟོན་པ། །དེ་ཉིད་དོན་དམ་ཆོས་རྒྱུན་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་རྟོགས་མཛད་སངས་རྒྱས་ཐམས་ཅད་ཀྱི་རྫུ་འཕྲུལ་གྱི་ཆོ་འཕྲུལ་བསྟན་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་
D453.082.0216a04.01གསུངས་སོ། །སྐུ་ཡི་རོལ་པ་མི་ཟད་པ། །ཕྱོགས་བཅུ་ནམ་མཁའི་ཁམས་ཁྱབ་པར། །རྡོ་རྗེ་རྫུ་འཕྲུལ་མཆོག་གིས་འགེངས། །དེ་ཉིད་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སྤྱན་ལེགས་སངས་རྒྱས་ཐམས་ཅད་ཀྱིས་བདུད་སྤ་བཀོང་
D453.082.0216a05.01བའི་ཆོ་འཕྲུལ་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །བདུད་དང་ནག་པོའི་ཕྱོགས་གྱུར་ལ། །སྐྲག་པར་བྱེད་པས་ཚར་གཅོད་པའི། །ཆོ་འཕྲུལ་བཅུ་དྲུག་བསྟན་པ་གང་། །དེ་ཉིད་བྱང་ཆུབ་ཚུལ་བསྟན་པའོ། །ཞེས་གསུངས་སོ། །དེ་ནས་
D453.082.0216a06.01དེ་བཞིན་གཤེགས་པ་དོན་ལ་གནས་པའི་བློ་མངའ་བ་སངས་རྒྱས་ཐམས་ཅད་ཀྱི་ཆོས་སོ་སོ་ཡང་དག་པར་རིག་པ་རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །གང་དུ་མདོ་ཡི་སྡེ་ལ་སོགས། །བཅུ་གཉིས་ཚུལ་དང་ལྡན་པ་བཞི། །བསླབ་པ་གསུམ་གྱི་
D453.082.0216a07.01