完整藏文原文 · 德格版页 当前仅加载第 82 函德格 176a 版页；藏文 NFD、目录标记与异常页序保留在来源切片中，重复版页行以稳定序号区分。
དང་མདོག་རྣམས་དང་། །རིང་ཐུང་རྒྱུ་བ་ཕྱི་ནང་གིས། །ལྷ་མོ་བཞི་དང་གནས་བཞི་དང་། །དལ་དང་རྩུབ་དང་སྦོམ་པ་དང་། །ཤིན་ཏུ་དྲག་པ་རྣམ་པ་བཞི། །ཆུ་ཡི་མཚན་ཉིད་འཛིན་པའི་དུས། །ཞི་བའི་ལས་ནི་བྱ་བར་བཤད། །ས་དང་མེ་དང་རླུང་དང་གསུམ། །
D453.082.0176a01.01གོང་མ་དག་གིས་བསྒྲེ་བར་བྱ། །སྤྱིར་ནི་རླུང་གི་རྣམ་པ་ནི། །འབྱུང་བ་དྲག་པོའི་རང་བཞིན་ཡིན། །འཇུག་པ་དབང་དང་རྒྱས་པ་སྟེ། །གནས་པ་ཤིན་ཏུ་ཞི་བ་ཡིན། །ཐམས་ཅད་རླུང་གིས་བྱེད་པས་ན། །སྡིག་པ་མི་དགེ་ངན་སོང་ལྟུང་། །འཆི་དུས་འོག་སྒོ་གཉིས་ནས་ལྟུང་། །
D453.082.0176a02.01འཕོ་བས་འབྲས་བུ་ངན་འགྲོ་ཡིན། །དགེ་བཅུ་སྤྱོད་པ་རླུང་གི་ལས། །མཐོ་རིས་ཐར་པ་རྣམས་ལ་ནི། །བགྲོད་པ་རླུང་གིས་བྱེད་པ་སྟེ། །ཚངས་པའི་སྒོ་ནས་མཁའ་སྤྱོད་དུ། །འཕོ་བར་འགྱུར་རོ་སེམས་དཔའ་ཆེ། །རླུང་འཁྲུགས་པས་ནི་ལས་རྣམས་འཁྲུགས། །ཞིང་
D453.082.0176a03.01སོགས་འཁྲུགས་པས་ལས་མི་འགྲུབ། །རོ་སྙོམས་པས་ནི་ནད་མེད་ཅིང་། །ཡོན་ཏན་ཕུན་སུམ་ཚོགས་པ་འབྱུང་། །དབུ་མ་ལེགས་པའི་ལམ་བཟང་པོས། །ཕྱག་རྒྱ་ཆེན་པོའི་གནས་ཐོབ་ནས། །སྐུ་བཞི་ཡེ་ཤེས་ལྔ་འབྱུང་བ། །དཔལ་ལྡན་རྡོ་རྗེ་འཛིན་པ་འགྲུབ། །
D453.082.0176a04.01རིག་འཛིན་མོས་པར་སྤྱོད་པ་སྟེ། །དང་པོ་ལས་ཀྱི་ས་ཞེས་པ། །འདོད་ཁམས་གནས་པའི་གཞི་ཡིན་ཏེ། །དེ་ཕྱིར་ལས་རྣམས་རླུང་གིས་བྱེད། །ཅེས་དཔལ་རྡོ་རྗེ་འཆང་གིས་སྤྱོད་པའི་གནས་གྲོལ་བའི་དོན་དུ་རབ་ཏུ་གསུངས་སོ། །སྲོག་དང་རྩོལ་བ་རབ་འཇུག་པས། །
D453.082.0176a05.01གཡས་གཡོན་རྒྱུ་དང་ཁོང་ནས་འབྱུང་། །ཐབས་དང་ཤེས་རབ་ཆ་དག་གིས། །གསང་བ་འདིར་ནི་བརྗོད་པ་ཡིན། །ཟླ་བ་དང་ནི་ཉི་མ་ཡི། །རབ་ཏུ་དབྱེ་བ་བསྟན་པར་བྱ། །གཡོན་དང་གཡས་སུ་རབ་སྦྱོར་བས། །རིམ་པ་ཇི་བཞིན་རབ་ཏུ་རྒྱུ། །གཡོན་གྱི་མགྲིན་པ་ནས་
D453.082.0176a06.01བརྩམས་ཏེ། །ལྟེ་བའི་དཀྱིལ་འཁོར་མཐར་གྱུར་པས། །ཟླ་བའི་རྩ་ནི་འོག་ཏུ་བལྟ། །ཤེལ་དང་ཨཱ་ལི་རབ་འབབ་པ། །གཡས་སུ་འང་ལྟེ་བ་ནས་བརྩམས་ཏེ། །མགྲིན་པའི་རྩར་ནི་གྱེན་བསྐྱོད་པ། །ཉི་མའི་རྩ་ནི་གྱེན་དུ་བལྟ། །དམར་དང་ཀཱ་ལི་འབྱུང་ཞིང་འབབ། །
D453.082.0176a07.01