完整藏文原文 · 德格版页 当前仅加载第 82 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མིན། །དེ་ཉིད་བྱང་ཆུབ་དམ་པའི་གཞི། །བྱང་ཆུབ་སེམས་ཞེས་བརྗོད་པ་ཡིན། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་བ་གསང་བ་འདུས་པ་རྣལ་འབྱོར་ཆེན་པོ་གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྒྱུད་ལས་སངས་རྒྱས་ཐམས་ཅད་ཀྱི་རབ་
D453.082.0201b01.01ཏུ་མི་གནས་པའི་དོན་བསྟན་པའི་ལེའུ་སྟེ་བཞི་བཅུ་གཉིས་པའོ།། །།དེ་ནས་རྒྱལ་པོ་རྡོ་རྗེ་འཛིན། །དཀྱིལ་འཁོར་ཀུན་གྱི་འཁོར་ལོའི་གཙོས། །ཚངས་དབྱངས་རྡོ་རྗེའི་ང་རོ་ཡིས། །ཆོས་འབྱུང་རོལ་བ་སྟོན་པར་མཛད། །དེ་ནས་དེ་བཞིན་གཤེགས་པ་དགྲ་བཅོམ་བ་ཡང་དག་
D453.082.0201b02.01པར་རྫོགས་པའི་སངས་རྒྱས་སྐར་མཁན་ཐམས་ཅད་ཀྱི་བདག་རྣམ་པར་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ལམ་ཚོལ་ལམ་གྱི་ལྟ་བ་ལས། །རྣམ་པར་བཟློག་པ་བླ་ན་མེད། །ཆོས་རྒྱ་བཞི་ལྡན་རྣལ་མི་ལམ། །ཟབ་པ་ཞི་བ་དོན་སྤྱོད་
D453.082.0201b03.01པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཟླ་བའི་སྒྲོན་མེ་འབར་བ་སངས་རྒྱས་ཐམས་ཅད་ཀྱི་གསོབ་པོ་རྣམ་པར་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ས་བོན་དང་ནི་མྱུ་གུའི་བར། །རིམ་གྱིས་བསྐྱེད་པ་ཡོངས་དག་
D453.082.0201b04.01པ། །དེ་ཉིད་འབྲས་བུ་རོ་འབྱིན་པའི། །ཐབས་ཚུལ་འདི་ནི་དག་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཟི་བརྗིད་ཕུང་པོ་སངས་རྒྱས་ཐམས་ཅད་ཀྱི་སྲོག་རྣམ་པར་དག་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །རྣམ་དག་
D453.082.0201b05.01ཞི་བའི་ཆོས་ཉིད་ནི། །བཏགས་པའི་གསན་ལས་རྣམ་གྲོལ་བ། །ཡེ་ཤེས་རྒྱལ་བ་ཀུན་ཁྱབ་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བྱང་ཆུབ་རྒྱལ་པོ་སངས་རྒྱས་ཐམས་ཅད་ཀྱི་སེམས་ཅན་རྣམ་པར་དག་པ་རྡོ་རྗེ་སངས་རྒྱས་ཐམས་ཅད་ཀྱི་ཏིང་ངེ་
D453.082.0201b06.01འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །མངལ་ལས་སྐྱེ་དང་སྒོ་ང་དང་། །རྫུས་ཏེ་སྐྱེས་དང་དྲོད་གཤེར་ལས། །སྐྱེ་བའི་སེམས་ཅན་མ་དམིགས་པས། །སེམས་ཅན་སྤྱོད་པ་མི་དམིགས་སོ་། །ཞེས་གསུངས་སོ། །དེ་ནས་དེ་བཞིན་གཤེགས་པ་མི་ཟད་པའི་ཡེ་ཤེས་
D453.082.0201b07.01