完整藏文原文 · 德格版页 当前仅加载第 82 函德格 251b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི་གནས་ཀྱི་དབང་ཕྱུག་དམ་པས་སྟོན་པར་བྱེད་དོ། །དེ་ཉིད་དེ་བཞིན་གཤེགས་པ་ཐམས་ཅད་ལ་དགྱེས་པའི་མཆོག་སྩོལ་བས་དྲི་མ་མེད་པར་སྤྱོད་ལ། འཕགས་པ་ཐམས་ཅད་ལ་མཆོད་པ་དང་། སེམས་ཅན་ཐམས་ཅད་ཡོངས་སུ་སྨིན་བའི་ལམ་མཚུངས་པ་མེད་
D453.082.0251b01.01པར་ཚད་མེད་པའི་འོད་ཟེར་དུ་མས་སྣང་བ་དང་ཡོངས་སུ་དག་པར་བྱེད་པ་ཉིད་དེ། འདིར་གསང་པ་ཆེན་པོའི་ཚུལ་ལ་ཕྱིན་ཅི་མ་ལོག་ས་གནས་ཤིང་བྱང་ཆུབ་ཀྱི་སེམས་རྡོ་རྗེ་ལས་ངེས་པར་ཐོབ་པ་སྟོན་པ་ནི་སངས་རྒྱས་ཐམས་ཅད་ཀྱི་སྟོན་པ་ཡིན། བླ་མ་ཡིན། བཀུར་
D453.082.0251b02.01གནས་ཡིན། དེ་བཞིན་གཤེགས་པ་ཐམས་ཅད་ཀྱི་འབྱུང་གནས་ཡིན་ཡེ་ཤེས་མི་ཟད་པའི་གཏེར་ཡིན། །མཚུངས་པ་མེད་པའི་རྒྱ་མཚོ་ཡིན། །ཡོན་ཏན་དྲི་མ་མེད་པའི་གླིང་ཡིན། །གཟི་བརྗིད་མི་ཟད་པའི་ཉི་མ་ཡིན། །རིན་ཆེན་དུ་མའི་རྒྱལ་མཚན་ཡིན། །མི་ཤེས་པའི་རབ་
D453.082.0251b03.01རིབ་སེལ་བའི་ཟླ་བ་ཡིན། །མུན་པ་ལ་གནས་པའི་སྒྲོན་མེ་ལྟ་བུ་ཡིན། །ནད་ཐམས་ཅད་ཞི་བར་ནུས་པའི་སྨན་པའི་རྒྱལ་པོ་ཆེན་པོ་ཡིན། །སྲིད་པ་ལས་སྒྲོལ་བར་བྱེད་པའི་གྲུ་ཆེན་པོ་ཡིན། དགོས་འདོད་དུ་མའི་གཞི་རིན་པོ་ཆེ་བསམ་འཕེལ་ཡིན། ཕུན་སུམ་ཚོགས་པ་དུ་
D453.082.0251b04.01མའི་ལྗོན་ཤིང་ཆེན་པོ་ཚད་མེད་པས་སྐྱོབ་པ་ཉིད་དེ་བྱང་ཆུབ་ཀྱི་སེམས་རྡོ་རྗེས་རྒྱུད་རྒྱས་པར་བྱེད་པའི་བླ་མ་ནི་བྱང་ཆུབ་ཀྱི་སེམས་རྡོ་རྗེ་དང་ཐ་དད་མེད་ཅིང་དབྱེར་མེད་པ་ཉིད་དོ། །འདིས་ནི་རིམ་པ་ངེས་པར་སྟོན་པ་ནི་འདི་ལྟ་སྟེ། ཆོས་ཐམས་ཅད་ཀྱི་ལམ་མ་ལུས་པ་རྫོགས་པར་བྱེད་པ་
D453.082.0251b05.01འདི་ཉིད་དེ་དཀར་པོ་རྣམ་པར་མཐོང་བའི་ས་དང་། རིགས་ཀྱི་ས་དང་། བརྒྱད་པའི་ས་དང་། སྲབས་པའི་ས་དང་། མཐོང་བའི་ས་དང་། འདོད་ཆགས་དང་བྲལ་བའི་ས་དང་། བྱས་པ་རྟོགས་པའི་ས་དང་། བསྲུང་བའི་ས་ཐམས་ཅད་ཡོངས་སུ་རྫོགས་པར་བྱེད་དོ། །
D453.082.0251b06.01མོས་པར་སྤྱོད་པ་དང་། འཇུག་པའི་སྒོ་ལ་སྤྱོད་པ་དང་། ལམ་གནས་པ་ལ་སྤྱོད་པ་རྫོགས་པར་བྱེད་དོ། །རབ་ཏུ་དགའ་བ་དང་། དྲི་མ་མེད་པ་དང་། འོད་འཕྲོ་བ་དང་། འོད་བྱེད་པ་དང་། སྦྱང་དཀའ་བ་དང་། མངོན་དུ་གྱུར་བ་དང་། རིང་དུ་སོང་བ་དང་། མི་གཡོ་བ་དང་། །
D453.082.0251b07.01