完整藏文原文 · 德格版页 当前仅加载第 82 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་གསུངས་སོ། །དེ་ནས་དེ་བཞིན་གཤེགས་པ་སྲིད་པ་ལྡན་པ་སངས་རྒྱས་ཐམས་ཅད་ཀྱི་ཡེ་ཤེས་རྡོ་རྗེ་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །རྟེན་ཅིང་འབྲེལ་བར་འབྱུང་བའི་དངོས། །རྟག་དང་ཆད་བ་
D453.082.0180b01.01ལས་གྲོང་ཞིང་། །ཡང་དག་དོན་མཐོང་རང་གྲོལ་གནས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་དབྱངས་སྙན་པར་སྒྲོགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་
D453.082.0180b02.01གསུངས་སོ། །དྲི་མ་མེད་པའི་ཆོས་ཉིད་ནི། །གདོད་ནས་དག་པ་དེ་བཞིན་གཤེགས། །སྙིང་པོ་ཡེ་ཤེས་བྱང་ཆུབ་པས། །གསང་བའི་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚངས་པའི་མེ་ཏོག་སངས་རྒྱས་
D453.082.0180b03.01ཐམས་ཅད་ཀྱི་ཡེ་ཤེས་སེང་གེའི་རྩལ་རྡོ་རྗེ་ཞེས་བྱ་པའི་ཏིང་ངེ་འཛིན་ལ་སྙོམས་པར་ཞུགས་ཏེ། བྱང་ཆུབ་ཀྱི་སེམས་འདི་གསུངས་སོ། །གསང་བ་ཆོས་ཀྱི་དབྱིངས་ཉིད་ལས། །ཐུབ་པ་དོན་ཀུན་རྡོ་རྗེ་འཛིན། །མཆོད་དེ་རྡོ་རྗེ་དབྱིངས་འདིར་གསུངས། །དེ་ཉིད་ཚུལ་
D453.082.0180b04.01འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཚོགས་ཆེན་གཙོ་བོ་སངས་རྒྱས་ཐམས་ཅད་ཀྱིས་གནས་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། །བྱང་ཆུབ་ཀྱི་སེམས་འདི་གསུངས་སོ། །གཉིས་སུ་མེད་པས་འདུ་འབྲལ་
D453.082.0180b05.01མེད། །རྣམ་ར་གྲོལ་བའི་ཕུང་པོ་ཅན། །བདེ་ཆེན་སྐུ་སྟེ་སྐྱོན་མེད་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་སེང་གེ་སྟོབས་སངས་རྒྱས་ཐམས་ཅད་ཀྱི་ཕུང་པོ་ལྔ་དག་པའི་སྟོབས་ཀྱི་ཏིང་ངེ་འཛིན་ལ་སྙོམས་པར་
D453.082.0180b06.01ཞུགས་ཏེ། །བྱང་ཆུབ་ཀྱིས་སེམས་འདི་གསུངས་སོ། །ཇི་སྲིད་འགྲོ་བའི་བྱ་བ་དག །འདུས་པ་ལས་ནི་སྐྱེ་བཞི་བ། །དེ་ཡང་ཡུལ་ལས་རབ་ཏུ་འབྱུང་། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་ཁྱིམ་
D453.082.0180b07.01