完整藏文原文 · 德格版页 当前仅加载第 82 函德格 316b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་རྣམ་སེལ་བས། །མ་མོ་གྷ་ཡི་རྒྱུད་བསྟན་པ། །ཀུན་ཏུ་བཟང་པོས་གསང་བའི་རྒྱུད། །བྱང་ཆུབ་སེམས་དཔའ་མཆོག་གིས་གསུངས། །གཤིན་རྗེའི་གཤེད་པོས་དགྲ་ནག་པོ། །ཤེས་རབ་མཐར་བྱེད་ཁམས་གསུམ་རྒྱལ། །རྟ་མགྲིན་གསང་
D453.082.0316b01.01བ་མཆོག་ཏུ་རོལ། །བདུད་རྩི་འཁྱིལ་པས་རྡོ་རྗེ་སྒོ། །མི་གཡོ་མགོན་པོས་གངས་པའི་རྒྱུད། །འདོད་རྒྱལ་ཐབས་ཀྱི་ཞགས་པ་ཕྲེང་། །དབྱུག་སྔོན་གདུག་པ་ཀུན་འདུལ་བ། །སྟོབས་པོ་ཆེ་ཡིས་སྒྲ་རྒྱལ་རྒྱུད། །སུཾ་བྷ་རཱ་ཛ་ས་རྡོ་རྗེས། །གཙུག་ཏོར་རྡོ་རྗེ་
D453.082.0316b02.01གཙུག་ཏོར་རྒྱུད། །ཁྲོ་བོའི་རྒྱལ་པོ་མཆོག་རྣམས་ཀྱིས། །རིམ་པར་གསུངས་པ་བསྟན་པའོ། །རྩ་བའི་རྒྱུད་གྱུར་སུམ་ཅུ་གཉིས། །རེ་རེ་ལ་ཡང་ཕྱི་ནང་གསང་བ་བཅས། །ཁྱད་པར་ཕྱི་ཡི་འབུམ་ཕྲག་སུམ་ཅུ་དྲུག །ཡི་གེའི་དབྱེ་བ་སྟོང་ཕྲག་སུམ་ཅུ་བཞི། །
D453.082.0316b03.01བྱང་ཆུབ་སེམས་དཔའ་རིག་མར་བཅས། །ཁྲོ་བོའི་རྒྱལ་པོ་རྣམས་ཀྱིས་ངེས་པར་གསུངས་པའོ། །འདི་དག་འགྲོ་བའི་དོན་སླད་དུ། །སྔོན་རྒྱུའི་ནུས་པ་རྟེན་ཅན་ལ། །དེ་ཉིད་ཁྲོ་ཆགས་སྐུ་རུ་སྟོན། །བག་ལ་ཉལ་དང་ཕྲ་བ་ཡི། །ཟག་པ་མེད་པའི་
D453.082.0316b04.01སྤྱོད་ཡུལ་ལ། །ཞི་བ་སྤྲོས་མེད་མཛད་པ་བྱེད། །ཞིང་ཁམས་བྱེ་བ་སྟོང་ཕྲག་ཏུ། །མཛད་པ་རྣམ་པ་ཐ་དད་པས། །གཅིག་ལས་དུ་མ་རྣམ་པར་འཕྲུལ། །སེམས་ཅན་ཁམས་རྣམས་སྐྱེས་པ་དང་། །འབྱུང་བ་གནས་པའི་སྲིད་པ་རུ། །རྒྱུ་དང་རྐྱེན་ལས་
D453.082.0316b05.01གྲུབ་ཚུལ་དང་། །ཉོན་མོངས་ཁམས་དང་དབང་པོ་དང་། །བག་ལ་ཉལ་སོགས་དྲི་མ་རྣམས། །ཁམས་གསུམ་བརྟན་དང་གཡོ་བ་ཡི། །རྒྱུ་འབྲས་ཕྲ་བའི་ཕྲ་བ་ལ། །ལག་མཐིལ་སྐྱུ་རུ་ར་བཞག་འདྲ། །རྡོ་རྗེའི་སྤྱན་དང་རྡོ་རྗེའི་སྙན། །རྡོ་རྗེའི་ཐུགས་དང་
D453.082.0316b06.01རྡོ་རྗེ་གནས། །རྡོ་རྗེ་སྤྱོད་པའི་རྫུ་འཕྲུལ་རྣམས། །སངས་རྒྱས་མངོན་ཤེས་ལྔ་དོན་འགྲུབ། །ཡོངས་སུ་མ་དག་ཀླ་ཀློའི་གླིང་། །ཐ་དད་པར་ནི་ཉོན་མོངས་ཅན། །དེ་དག་ཤིན་ཏུ་དུལ་བར་མཛད། །དྲག་པོའི་ཉམས་ནི་གར་དགུ་རོལ། །དབང་ལ་ཆགས་ཚུལ་དྲུག་
D453.082.0316b07.01