完整藏文原文 · 德格版页 当前仅加载第 82 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་མེད་པ་ཡི་མཆོག །ཀུན་དུ་བཟང་པོ་བདེ་བ་ཆེ། །མི་ཟད་ལྷུན་གྱིས་གྲུབ་པའི་དོན། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་པདྨའི་གནས་དཔལ་ཕུང་པོ་སངས་རྒྱས་ཐམས་ཅད་ཀྱི་རང་གི་མཚན་ཉིད་སྟོང་པ་ཉིད་
D453.082.0201a01.01རྡོ་རྗེའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འོང་བ་མེད་ཅིང་འགྲོ་བ་མེད། །ཉི་ཚེའི་སྟོང་ཉིད་ལས་འདས་ཤིང་། །རྣམ་པའི་མཆོག་རྣམས་ཀུན་ལྡན་པ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མེ་
D453.082.0201a02.01ཏོག་རྒྱས་པ་སངས་རྒྱས་ཐམས་ཅད་ཀྱི་མི་དམིགས་པ་སྟོང་པ་ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པ་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འདས་དང་མ་འོངས་ད་ལྟར་གྱི། །དུས་གསུམ་རྗེས་སུ་མི་དམིགས་པས། །ཐོག་མེད་ཡེ་ཤེས་བསྟན་པ་ཉིད། །དེ་ཉིད་ཚུལ་འདི་
D453.082.0201a03.01བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་མཐུ་རྩལ་སྟོབས་སངས་རྒྱས་ཐམས་ཅད་ཀྱི་དངོས་པོ་མེད་པ་སྟོང་པ་ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །དངོས་པོ་རྟག་པའི་ཆོས་ཉིད་མེད། །མི་རྟག་འཕོ་བའི་མཚན་ཉིད་
D453.082.0201a04.01ཅན། །སྟོང་ཉིད་ནམ་མཁའི་ཆོས་ཉིད་དེ། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་བསོད་ནམས་ཕུང་པོ་སངས་རྒྱས་ཐམས་ཅད་ཀྱི་ངོ་བོ་ཉིད་སྟོང་བ་ཉིད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་བར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །ལྟ་བ་
D453.082.0201a05.01མ་ཡིན་མི་གནས་པ། །ཀུན་གཞི་དག་པའི་སྙིང་པོ་ཉིད། །ཟབ་ཅིང་ཕྲ་བ་རྟེན་གྱུར་པས། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །དེ་ནས་དེ་བཞིན་གཤེགས་པ་གཟུགས་མཆོག་རྒྱལ་བོ་སངས་རྒྱས་ཐམས་ཅད་ཀྱི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་ཏིང་ངེ་འཛིན་ལ་སྙོམས་
D453.082.0201a06.01པར་ཞུགས་ཏེ་བྱང་ཆུབ་ཀྱི་སེམས་འདི་གསུངས་སོ། །འཁོར་འདས་གཟུང་འཛིན་སྣོད་བཅུད་རྣམས། །ཐམས་ཅད་བདག་མེད་ངོ་བོ་ཉིད། །སྟོང་པ་ཉིད་དུའང་མི་གནས་པའི། །བྱང་ཆུབ་ཚུལ་འདི་བསྟན་པའོ། །ཞེས་གསུངས་སོ། །སྟོང་པ་ཉིད་དུ་མི་བསམ་ཞིང་། །སྟོང་མིན་བར་ཡང་བསྒོམ་
D453.082.0201a07.01